كيــــــــــــف أذااااااكر؟؟

[سبحانك ربـي]

[align=center][/
align]السلام عليكم ورحمة الله وبركاته
إلى جميييييع أعضاء المنتدى الكرام وعلى رأسهم أختي الغالية غلاروحي
أشكركم جدا فأنتم السبب بعد الله في دخولي الجامعة لأني مااعرف ولاشي عن الجامعة ولاعندي أحد قريب مني في الجامعة
وبعد ماانقبلت ومرت الأيام واختبرت الدوري الأول انصدمت في درجاتي مرررا زعلت وقررت أسحب من الجامعة خلااااااص من جد اتحطمت مررررا
مااعرف ايش الحل؟؟كيف أذاكر؟؟مالي نفس كل شي حاستو مقفل قدامي
أنا خطة أ وجبت في الماث 11والفيزكس16
وإلى الآن مابدأت مذاكرة للدوري الثاني وعارفة انو مابقي إلا كم يوم بس ايش اسوي اتحطمت مرررا وكلهم يقولو مافي أمل أجيب معدل والله خااااايفة مرررا الله يسعدكم قوليلي الحل؟؟؟
اأنا زاكرت الماث من الكتاب والفيزيا من أشرف بركات؟؟؟
الله يوفقكم ساعدوووني خلاص أنا وصلت حدي أفكر أرسب نفسي أو أسحب ولا إيش؟؟

[bazboz]

والله العظيم نفسس الشعور وربي قووه تحطيم وربي سرت اوسوس وشكلي بصير نفسيه بسبب دي الجامعه ... لكن والله مافي اليد حيله .. الله يسترر هذا الي نقولو وانا عن نفسي خلاص طابت النفسس وقلت الي يجي يجي لا تفكري في الانسحاب اجلسي وكملي حتى لو درجاتك نازله مستواها يمكن يجي الترم التاني وتعوضي الترم الاول ويمكن مع البونس يزيدونا وهذا الشي الي ما اقدرر اتوقعو مجرد كلام ..

والله ماعاد في اي الهام للمذاكره ولا سعاد حتى :(

والله اتحطمنا تحطيم الييم حتى ماعاد فيه مستقبل ولا ال بي سي كمان:)

على العموم مشي حالك والي كاتبو الله راح يصيرر

[سديم الزهراني]

بنات والله زي حالتكم ويوم الثلاثاء رحت للشؤن بحول اداري ووقعت خلاص وبعدين لماخرجت برا المكتب رحت ابكي زي الطفله لاشعوريا اتضايقت ورجعت قلت لهم خلاص مبغى احول مرتحت قالو خذي الورقه وشقيها عشان ترتاحي وشقيتها وارتحت بس مو مره .

والا ن مالي نفس افتح شيء كل محاول اذاكر اتذكر درجاتي واتحطم وحاسه نفسي برسب
مدري اش صار فيني والله مكنت كذا نفسيتي تعبت بالمره وافكر اسحب نهائيا انا مرضاء بدرجات نازله تسود الوجه, والحمد الله على كل حال دائما .

معليش سامحيني انتي تبغينا نساعدك بس والله انا زي حالتك مبيدي حيله .
الا اقولك وكلي امرك لله وسوي اللي عليك وربي مراح يضيع لك تعب .

[ميلاد أمة]

له له اش السلبية دي !! اذا تبي وضعك يتغير اول شي وقفي الرسايل السلبية اللي بتقوليها لنفسك
وربي يمديك تجيبي درجات وبالراحة خلاااااااااااص طنشي الاول وفكري في الثاني تجيبي الفل مارك ليش لأ؟؟؟ لو انت متوكله على الله منجد وشديتي حيلك والله مايضيع تعبك .الله العادل .
خليك ((واااااااااااااااثقة من الله )).الواحد لو اش ذاكر واجتهد وربنا مو كاتب له ماياخذ درجات .ياقلبي ركعتين وقولي كل اللي نفسك وادعي الله وابدأي ذاكري اش استفدتي لم قعدتي متحطمة !!
سوي لك جدول وابدأي عندك وقت إن شاء الله الرياضيات تبي تفهمي خذي أ. السعدي ماشاء الله تمام في الشرح وبعدين امسكي نماذج اختبارات وحلي كم واحد ويمشي حالك إن شاء الله
الفيزيا انا اذكر من ا.يوسف زويل حلو النظري فيه واحل أ.اشرف
كنت قاعدة اقول ماعندي وقت بس معقولة 7 ايام لمادتين ماتكفي
عندك فرصة لاتضيعها ابداااااا


ربي يفتحها عليك ويوفقك ويعطيك ماتتمني وزيادة والكل يااااااااااااارب ولاتنسي الاستغفار


لو محتاجة اي مساعده انا موجودة ^__^

[سبحانك ربـي]

الله يسعدك ياميلاااد من جد هونتيها عليا وان شالله ابدأ اليوم والله يعيننا كلنا ويوفقنا
ميلاد انا مشكلتي مرررا أخاف لما أجي أذاكر والله كل أنواع الأمراض تجيني صداع ومغص وبرد يعني مرررا قلقة بس الله يسهل،،
بس انتي أدعيلي بلييييز وانا اليوم محاانساك من دعاء الجمعة

[سبحانك ربـي]

الله يوفقك ياسديم وكل البنات وان شالله نجيب درجات حلوة وندخل التخصصات اللي نبغاها

[ميلاد أمة]

ويسعدك^__^
شوفي دحين انت بعد شوي بتذاكري صح اشربي كاسة ليمون منعنش ما امزح والله
وكده خمس دقايق غمضي عينك وتخيلي نفسك وانت تحلي في الاختبار ومبسوطة ودرجتك حلوة ^______^
ابدا لاتفكري وانت تذاكري انك ماهتحلي او في درجتك الماضية كل مايجي على بالك استعيذي من الشيطان وركزي
لاتنسي انت اكبر من اي تحطيم

[سديم الزهراني]

المشاركة الأصلية كتبت بواسطة سبحانك ربـي الله يوفقك ياسديم وكل البنات وان شالله نجيب درجات حلوة وندخل التخصصات اللي نبغاها

اميييييين يارب وياكي يعسل.

وشكرا لكم اجمعين مقصرتوا واسف لو كنت معكم سلبيه اعتذر من الجميع .

[ƨɱƨɱ]

بنات خلاص تحطيم
اجتهدوا وربي مايضيع تعب
اللي أستاذتها ماتفهم تغيرها خاصة الماث
ولاتنسوا الصلاة في وقتها وقراءة القران والاذكار والصدقة وبر الوالدين
واخلاص النية في طلب العلم. .
واهم شي الدعاء. .
الله يفتح علي وعليكم يارب. .

[سبحانك ربـي]

الله يعيننا ياااااارب
اليوم جمعة والدعاء مستجاب أدعو الله يفرجها علينا وينولنا كل مانتمنى وأكثر آمييييييييييين
سديم انتي في الشرفية ولا السليمانية؟؟انا الشرفية وخطة أ وانتي؟؟