cs 305 حقائق واراء..

[Silent Hill]

عندي كلام كثير.. بس ننتظر للنهايه ونشوف ..وبكتب كل شي حصل معاي بالماده..

بدون ان اظلم اي من الطرفين الطلاب والدكتور..

هذا كان كلامي قبل لانخلص من الماده بحذافيرها من درجات ومناقشات والى اخره..

من باب احقاق الحق سوف اقول ما استفدته من الماده والملاحظات على الطلاب..

وعلى الدكتور والله على ما اقول شهيد..

بصراحه انا استفدت من الماده الشي الكبير..

والفايده ما راح احد يعرفها الا الي يتعمق في البرمجه..

لانو concept الي بيشرحه الدكتور بيواجهك في معظم المشاريع..

وصراحه يخدمك في حل المشكله الي ماتدري من فين تطلع لك..

والسبب فيها concept وليس خطا في syntax حق اللغه..

وفايده اخرى انا اشوف مادة database بصراحه ما استفدت منها في قواعد البيانات..

زي ما استفدت من الدكتور محمود كامل..

لانو وضحنا شي مهم في database كيف نربطها ونسفيد منها في برنامجنا..

مالفائده من database من غير ربط ..؟

قد يقولي احد انا الربط سهل مافي شي سهل بالدنيا..

ومافي شي معلوم لكل الطلاب ولا ما كان رحت للجامعه اصلا عشان ادرس..

لانو سهل وانا اعرفه انا رايح عشان اتعلم..

ويؤسفني ان مادة قواعد البيانات بيعلمونا كيف نبني قاعدة البيانات..

ولا يعلمونا شي مهم الا وهو الربط بين البرناج والقاعده..

ورغم انها لاتاخذ اكثر من محاظره ولكن استغرب من الشي ذا بصراحه..

ومالقيت له جواب لحد الان..

الملاحظات على الطلاب:

تسيب بشكل واضح شعبتين الشعبه الي انا احظر فيها 45 طالب تقريبا ..

ما يحظر الا 10 او 15 ان كثرو طول الترم والسبب او العذر من الطلاب ان الدكتور مايفهم..

او ان الدكتور طريقة شرحه ممله وانا اشوف ان العذر اقبح من ذنب..

ليس عذر ان تغيب عن محاظره بسبب دكتور انت ادي الي عليك ..

وحاول والله مابيضيع تعب الانسان المسلم....

اما مسالة اني ما اجي الا وقت المناسبات كويس اذا نجحت في الماده صراحه..

والنظام اصلا مايسمح لك تعديها المفروض ياخذون DN محترم..

فاقول موب عذر ان الدكتور مايشرح انك تغيب على الاقل احظر واستمع يمكن تطلع لو بشي القليل ..

عن نفسي في الاختبارات بصراحه ما ذاكرت اعتمدت على بعض المحاظرات..

في محاظرات بصراحه استفدت منها في الاختبارات..

ولاحظت انه مابيطلع عن الاشياء الي كان بيشرحها..

المساله الثانيه

الاستهتار في الاشياء الي يعطيها الدكتور المشكله ذي مو بس في الماده هذي..

بل في كل مواد القسم يجون الطلاب يجمعو اي شي على نهاية الترم ويسلمو اي كلام..

وبالاخير يقول ليش نقصني الدكتور ولكم الحكم..

الملاحظات على الدكتور:

بكل امانه الدكتور مجتهد الاحظ انه بيجتهد وتحس انه يبغى الطلاب يتعلمون..
وان اختلفت طريقة توصيل المعلومه فهذي موهبه لايمتلكها الا من يهبها الله له..

ولكن لابد ان نعطي الدكتور حقه في محاولة والاجتهاد وجزاه الله كل خير على اجتهاده..

ولكن ملاحظاتي عليه وحقولها بكل صراحه..

انا احظر كل المحاظرات لين ما خلصنا من CONCEPT ..

الموضوع كان مترابط وحاس انو ماشي تمام..

بس من يوم دخل في ATM case study واحنا ضايعين وحسيت ان الموضوع ماينفع نخلصه من نص الترم..

المفروض يكون على ترم كامل..

يعني كان المفورض من الدكتور ان يحدد وجهه له اما ان يبدتي مع case study لكي يعطيه حقه من الشرح الكافي..

او ان يستمر في consept وما الى ذلك..

الشي الاخر لاحظت ان الدكتور غير ملتزم في المواعيد..

ويعلم الله كم عانيت في الشي هذا اضرب لكم مثالين حصلت معاي..

بداية الترم طلب واجب برنامجين وانا حاولت واجتهدت وسويت الي علي..

وجيت اقدمه له وطبعته وجبت سي دي كمان..

قال لا لا احتاج طباعه قلنا ما يخالف يا عم قال ننزل لمعمل وتوريني شغلك..

وهو مجرد واجب خفيف قلت اوك.. ونزلت اشوف معمل فاضي وجلست نص ساعه..

وطلعت وقلت للدكتور انا منتظر قال انا جايك الحين..

ونفس الموال 10 دقايق ورجعت له مرا ثانيه ونزل معايا..

واتصل عليه الجوال وخرج وجلس نص ساعه..

ورجع لي بعد كل هالانتظار قال لا ليس هذا الي طلبته انت رحت بعيد خلال دقايق معدوده ومشي..

اسالكم بالله بيجيك نفس بعد هالموقف انك تسلم له شي او واجب؟

الموقف الثاني..

المشروع الي طلبه قلت له يادكتور ممكن تاخر التسليم بس يومين..

عندي مشكله بعدها في الكود في خطا يبغاله يومين عشان الاختبارات..

الكلام كان يومها يوم السبت والتسليم يوم الاثنين..

قال لا مش ممكن مالي ومال الاختبارات الثانيه قلت على عيني وعلى راسي..

واسهر يوم الاحد واقعد اعدل ورحت مواصل..

وطبعت له ملف كامل وشروحات ومن الساعه 8 لي 11 وهو ما جا..

مع ان الساعات المكتبيه عنده من 9 والعاده يكون موجود فيها..

وجا الساعه 11 وطلع المكتب وجيته وقالي لا انا عندي محاظره تعالي الساعه وحده بالضبط..

قلت يادكتور انا مواصل وتعبت وانا انتظر قال امشي اذا تبغى تمشي..

وقالي انا حكون الساعه وحده بالضيط هنا موجود وحناقشك..

قلت الله يعين وانتظرت ولا جا الا الساعه 1 ونص وعليها..

ويوم جا قال انا ما صليت اصبر اصلي..

قلت ياليل ما طولك وبعد ما خلص..

جا يناقشني وقعد يوريني الاخطاء وسالني وكذا وقال كالعاده..

الي بتسويه غير الي طلبناه يعني تحطيم في تحطيم..

قلت يادكتور طيب اذا الواحد اجتهد ماله نصيب..؟

والا لازم ميكون بريفكت مستحيل سوفت وير يكون بريفكت..

وزياده على ذلك الهارد كوبي الي تعبت فيه ما طالع فيه..

والي موجود فيه التحليل والتصميم وقلت حسبي الله ونعم الوكيل..

واليوم الي بعده كان عندي اختبار وجبت العيد..

والسبب محمود كامل الله يهديه ضيع وقتي على غير فايده..

وللعلم وللتوضيح الحمد لله درجتي طيبه ورغم ذلك ابيت الا ان اوضح الحقيقه..

وقد اجتهدت وان شاء الله اني ما ظلمت احد سواء الطلاب او الدكتور..

تحياتي للجميع ..

[عصر الحاسب]

المعذرة هل مادة 305 هي مادة بناء المترجمات؟
والله يكون في عونك وعون الجميع

[The_white_heart]

بأمانه الدكتور محمود كامل مايعجبني وبس مختصر الكلام

[death code]

الدكتور معروف مايهتم بالواجبات

اذكر يوم اخذناها لقيت مع الشباب امكن 30 واجب صورتها وسلمتها والشباب كلهم سلموها

وجينا المكتب لقيناه رامي الواجبات كلها جنب المكتب حقه وييقلونا حطوه هنا هههههههههه

قلت من عيوني اشبي كتبت شي .... وبعد فتره قال الي له واجب يجي يااخذه مافيه مناقشه المناقشه في المحاظرة

الدكتور بصراحة في الشرح تلقط منه اشيا مهمه بس للمبرمجين فقط !

مو الي اخذ 203 و 202 ويسمي نفسه مبرمج !!!

هو يكلم مبرمجين يا انه مايدري ان الطلاب ماعندك احد او انه يبي يعيش في وهم

أخيرآ وللمره الألف وراح تتذكرون كلامي خذو دورااااات ياشباب والله ماراح تنفعكم الكلية

يااخوان ورب الكعبه الي تااخذونه هذا كله كلام فاضي ولا شي !!

اطلع من نطاق الكلية وابحث في النت وادخل دورات عشان تعيش الحاسب صح

[Silent Hill]

عصر الحاسب
لا يا اختي الماده هذي لغات البرمجه..

The_white_heart

شكرا على مرورك اخوي..

death code

عليك نور يا غالي..اوافقك في اغلب مااضفته بالموضوع..

اشكر لك تفضلك باعطاء النصايح والتوجيه السليم..

تحياتي لك.

[طالب جداوي مجتهد]

عدينا الماده وبإذن الله ما نشوفه مره ثانيه

مقدم له المشروع وعذبني المشروع لين ما خلصته

وفي الأخير ما يسألك عن البرنامج كيف يعمل

لا

يسالك عن أشياء ما تدري بعيده عن البرنامج

مثل :

طلع الأوبجكت إوريانتد

وين السب كلاس

وين الإنهريتن

ياشيخ دوحني

كل يوم وأنا وراه

وفي الأخير ما يقبل البرنامج ولا ياخذ إسمك ويعطيك 10 أو 20 درجه من 30

أهم شي عدينا من هذه الماده

والسلااااااااااااااام

[أبو غيث]

من رأي أن الدكتور يعتبر من أفضل هيئة التدريس علماً ... وهذا واضح لمن عرفه عن قرب ....
أما المشكلة التي يعاني منه الكثيرين أو أنها تتصور لهم أنها مشكلة .....
هو بأن الدكتور لا يعرف يوصل للمعلومة ....
وأنا وبكل شفافية .. أتفق معهم قليلاً .. لأن الدكتور مستواه أعلى من تدجريس مرحلة البكالريوس ...
ويبقى الأمر في ملعبين ..
إما أن الطلاب لم يفهموا الدكتور .. أو بعض الطلاب لنقل ...
أو أن الدكتور لا يوصل المعلومة للطلاب بالشكل الذي يفهمونه ...

أيضاً ..
طريقة الدكتور كما ذكر الأخ تعتمد على الأشياء العملية ...
فطريقة في أغلب المواد هي أكواد وكيف تعرف الكلاسات .. وما هي الميثود وماذا تعمل ...
وكيف التوريث .. ووووو ... يعني بالعربي ,... تتبع ...
درست معه في 305 .. وكذلك 322 ... والأسئلة كلها أكواد برامج ووتبع ...
ولا تسألون عن النتيجة ...

يعجبني أيضاً بالدكتور هو تواضعه .. فهو مرشد أكاديمي للمعلومية ...
وستجدونه متواضع جداً .. ومثقف بدرجة عالية ليس في البرمجة وحسب ..
الله يزيده ويوفقه ...

وربنا يسهل ...

[wael18]

السلام عليكم ورحمة الله وبركاته


انا عندي ملاحظه وحده واحب اقول فيها
انو الدكتور الى قبل اجازة العيد واحنا ماشين بدون مقرر ولا حتى سلايدات ولايكتب الشرح
يعني الواحد مننا مهما فهم لابد يكون عنده مرجع يذاكر منه

وبصراحه الدكتور يشرح في شبتر واحد ونهاية المحاضره شبتر سبعه والله دوخه

[موخاميد]

الاهمال من الدكتور اولا بعدم التشديد في التحظير

وثانيا من الطلاب بعدم الحظور وعدم المطالبه بمنهج واضح ومتر ابط


اما الدكتور بكل صراحه من جنبها

[yazeed1988]

باختصار شديد الدكتور فوق مستوى الطالب ويدخل بعمق بقوة د.محمود لا احد يشك انو انسان عبقري وفاهم لكن مثل هذا الدكتور لابد ان يدرس الطلاب من اول المواد التأسيسة في الكلية لكي يتأسس صح للاسف الاساس غلط اغلبنا يجي مو فاهم شي في عيوب كبيرة في بعض الدكاترة بدون ذكر اسامي