نزلت الجداول. يعني احجز لجده خلاص؟

[miss b]

السلام عليكم جميعا.
اولا اخيرا رحمونا ونزلو الجدول. الواحد عرف متى مواده. ولو انو في حوسة شوية في الجدول. مو على قد التاخير.
كانهم يقولو يالله اهو خدو وفكو الطلاسم بنفسكم. ما علينا
انا دحين في الرياض. ومو مكتوب مناطق الاختبار ولا فين.
احجز خلاص قبل يوم الاختبار بيوم لجده؟
علشان الاقي حجز من بدري.
افيدوني بليز. لاني فعلا في ورطة.
اهلي بيقتلوني كلو يحسبو اختبارات عزوز في جده.
الله يعين بس. بس قولولي احجز ولا استنا مكان الاختبارات؟
ولو استنى لمتى يعني كمان اسبوعين تانية؟

[beautifulgirl]

والله انا أفضل تحجزي من بدري أحسن لأنه بعدين رح يصير ضغط ويمكن تتأخري لاقدر الله
وخليها الموعد قبل الاختبار بكم يوم منها تريحي وتتجهزي
موفقة ياارب ^_^

[miss b]

يارب يسهلها يارب ليا وليكي ولكل البنات وقسما بايات الله ما تدري قد ايش البهدلة حق الحجز والاستعداد والمرمطة علشان اسبوعين بس. واجواء اختباراات مدارس كمان.
ياريتهم سووها مناطق وريحونا بس الله يسامحهم .
مشكورة يالغاليه

[beautifulgirl]

طيب ماعندكم اختبارات المناطق؟ انا سمعت إنه موجود

[miss b]

لا للاسف . بس سنة تحضيري. .