الرجااااء احتاج رأيكم

[ymosh]

السلام عليكم و رحمة الله و بركاتة
انا دحين زي معظم الللي داخلين السنة التحضيرية داخلة و مني عارفة اش اتخصص فكرت كتير اش ادخل قرأت عن كل التخصصات و لسة محتارة , كان قراري اول ما بدأت اني ادخل التخصص اللي انقبل فيه , و ابدا ماكنت حاطة في راسي ادخل كلية صحية لاني اعتبرها تحتاج درجات عالية مرة وان انا ما اقدر اجيب درجات , بدأت السنة و اختبرنا الدوري الاول و الثاني و الحمدلله درجاتي مرة عالية و اتطمنت اني باستطاعاتي ادخل كلية صحية اذا كنت ارغب اني ادخلها , لكني في نفس الوقت لاحظت اني ماابغى ادخل تخصص بس عشان كل الناس يدخلوه انا ميولي ابدا ماتتوافق مع الكليات الصحية , كان نفسي ادخل قسم ادارة اعمال او الit بس كل الناس يقولوا لي ان هذي الاقسام مالها مستقبل للبنات و اذا تجيبي نسبة عالية ادخلي كلية صحية و اش تبغي من الادارة او ان it ما ينفعك بالسعودية و غيرها كتير من العبارات اللي تحطم , و انا كل همي اني ماابغى ادخل تخصص ماله مستقبل اني ادرس و اتعب و اخر شي اقعد من غير شغل و اندم ليش دخلته , وكمان ماابغى ادخل تخصص مااحبه و ادرسه وانا كارهته و اقعد طول عمري كارهة تخصصي , مرة محتارة اش ادخل وانا احب الحاسبات و الادارة كمان بس مااعرف اش اسوي يريت احد يفيدني اذا هذي التخصصات لها مستقبل ادخل وانا متطمنة ...

[ضياء القمر]

شوفي حبيبي انت اولا ادخلي اليييي تبيييه افضل من انك تدخلي شيء انت مرغممممممممممممممة فيه وبعدين مراح تبدعي فيله بالنسبة لادارة الاعمال فسمعت لها سوق عمل يكفي ان في دحين عندك البنوك بعدين حبيبي المستقبل رح يتغير شوي شوي ويبداو يفتحوااااااا تفرعااااااات كثيرة للمراة خصوصا لم بدأوا بمؤتمر مالها وماعليهااا
والحاسبات عندك في شركات انا عندي استاذه كانت تدرسني انجليزي وكانت تقول انا كنت بشتغل بشركة قبل
يعني تقدري تصيري حاسبة شركااااات.....
انتبهي انك تدخلي شيء انت مرغووومه فيه.....
وفي حل آآآخر ليييش ماتستخري لاندم من استخار ولاخاب من استشار...
انت استشرتينا باقي تستخيري
واتمنى اني اكون افدتك وبالتوفيق الله يسددك للصواب يارب....

[بنوته لزوزة]

أختي أهم شيء تكوني مقتنعة بتخصصك لأنك حتبدعي فيه بإذن الله ..

كيف ماله مستقبل .؟ ممكن تكملي ماستر و دكتوراة و احتمال ياخذونك معيدة

لا توقفي طموحك لمجرد إنك سمعتي كلام ناس لابيقدّموا و لا يأخّرو بمستقبلك و لا بيفيدونك

أهم شيء إنك مقتنعة من تخصصك وتحبيه


وبالتوفيق

[6flah]

انتي اتخذي قرارك ع اساس حاجتين اولا سوق العمل على المدى البعيد والحاسبات وتقنية المعلومات تنفعك هنا ,,


وشي ثاني قدراتك ابعدي عن الهوايات والميول لانها تتعدد وبمجرد تشجيع بسيط تلاقي انه طلعت لك هوايه جديدة وميول جديد وعقل الانسان ماله قيوود ,,,



واذا حتجي للتحطيم فابسط شي ممكن يحطمك العبارة الي الكل يقولها ووش لك بالجامعه ووجع القلب ونتي بنت ,,, تركتي هذي وراكي ودخلتي جامعة وبنفس الطريقة حتعدي الباقي ,,


موفقه خيتوو

[MR.7m000di]

التخصص اللي بترتاحين فيه افضل من وظيفة ودوام كل يوم وانتي مالك خلق بتخصصك
اهم شي راحت بالك مو تنكرفين بالجامعة ونتكرفين بالوظيفة على تخصص مو حابته
وبالتوفيق يارب !!!!!!!!!!!!

[Dr.6m6m]

مآ آدري والله بس بصرآحه ابتعدي عن التخصصآت اللي مآلها مستقبل
طبعآ آنآ آقولك بحكم اللي آشوفهم حولي كلهم جآلسين بالبيوت اللي تخصص ادارة واعمآل واللي احيآء وآللي فيزيآء
وآللي كيميآء .. آلخ
وبصرآحه دآم درجآتك حلوة ماشاءالله ليش تضيعين عليك الطب ^^ وعسى آن تكرهو شيئآ وهو خيرا لكم
واول وآخر رآي لك آستخيري وشوفي الله ايش كآتبلك

[طموحي يعانق السحاب]

حلو انك تدخلي تخصص تحبينه لان رااح تبدعين فيه
ودامك ماتحبين التخصصات الصحيه
وتبغين تخصص مطلوب
حلو الحاسب مررره رووعه مطلوب في ذا الوقت وحتى مضمون في المستقبل
ودام درجاتك حلوه راح تساعدك تدخلينه اهو يكون ترتيبه من حيث النسبه تحت الكليات لصحيه وهذا يدل انه مطلوب

والوضايف متعدد تقدرين تكوني معيده في الجامعه او مدرسه (انا مدرستي في الثانويه ماشاء الله على طول تخرجت وتوضفت في مدرستنا )واكيد في الشركات يوضفون والبنوك وانتي بحثي بعد لان له وضايف كثييره
بالتوفيق فلبي
واستخيري والله يكتب لك كل خيير ان شااء الله

[عاشقة التحدي]

ما اقدر ازيد شي لكن ابغا أكد على النقطة اللي الأغلبية متفقين فيها وهيا انك تدخلي اللي تبغيه واللي تحبيه وبالنسبة للمستقبل والوظيفة هذي كلها في يد الله وبعدين ممكن تدخلي تخصص مطلوب ذحين وانتي ما تحبيه وبعد ما تتخرجي بكون الطلب قل وما تلقي لك وظيفة فايش راح تكسبي وقتها؟؟
وحدة الله يستر عليها قالتلي كلمتين عن هذا الموضوع"فكري ايش تبغي تدرسي وَ فكري ايش تبغي تسيري"
والله يووووووفقك يارب

[ƨɱƨɱ]

ادخلي الل تحبيه واذا تخرجتي ومالقيتي وظيفة فيه ماستر وفيه دكتوراه و فيه بعثة ..

الرزق من عند الله ..

موفقة..