شباب إدارة الأعمال مالافضل من بين هولاء >>>>

[QREEEEEED]

السلام عليكم ورحمة الله وبركاته

شباب ابغاكم تقولون ليا مين احسن من الدكاترة اللي بحطهم بس بنفس الوقت رايكم في الدكتور الثاني

1 كاسر المنصور ولا محمد العيسى اذا كان اختياركم بس تقولون رايكم بالدكتور الثاني هل هو سيء جدا ولا كيف

2 هشام كتوعة طبعا اكيد بتقولون احسن من خالد الجميح بس كيف الجميح لان وقتو مناسبني اكثر صراحة يعني هل هوا سيء ولا كيف من دون مقارنتو بكتوعة

3 كيف الدكتور هاني العمري ؟؟؟

ومشكورين

[n!ce]

وعليكم السلام ورحمة الله وبركاته

1- ما عندنا دكتور في القسم اسمه محمد العيسى انت يمكن تقصد الدكتور سعود العيسى اذا هذا هو قصدك فالدكتور سعود انا نزلت عنده ما دتين ( ادارة عمليات ) و ( سلوك الانسان في المنظمات ) الدكتور هذا طيب مره بس لازم تفهم اسلوبه صدقني اذا فهمت اسلوبه بتاخذ درجات معه مره عاليه ان شاء الله , طبعا الدكتور يركز اكثر شيء على الحضور والتفاعل والتفاعل بسهوله تاخذه بس اجلس قدام وخليه يشوفك انك متابع معه بس ,لكن هو يركز كثير في اسئلته عل ىالمقالي

اما الدكتور كاسر فمدري عن اي ماده تقصد لانه ما شاء الله ماسك نص المواد عندنا في القسم

2- الدكتور خالد الجميح راح يكرفك اسبوعيا بمقالات تجيبها وتلخصها ويطلب منك تطلع تلقي بحث وعليه طلبات كثيرة يعني بتكرف معه , لكن الدكتور هشام طلباته معروفه مجرد دورة اكسس و3 واجبات تلخيص كم درس من الكتاب ومره بسيطه والدكتور بشكل عام طيب ومحترم بس يحب الانضباط في المواعيد من الطلاب

3- الدكتور هاني العمري كثير يمدحوه ويقولون انه عسل , بصراحه ما درسني لكن ما سمعت احد ذم فيه

[QREEEEEED]

الله يعطيك العافية اخوي

ومشكور وماقصرت وبالنسبة للدكتور كاسر فانا اقصد مادة bus 221

[n!ce]

مادة ادارة عمليات هو اول ترم يمسكها الترم اللي فات , ما سبق اخذ هذي الماده

واعتقد انه صار بديل للدكتور صالح السبعان ,

انا بالنسبة لي اذا تبي درجات زينه بس تتطلب منك مجهود نزلها عند الدكتور سعود العيسى

اذا تبي فلة وسعة صدر وفي الاخير 70 او 60 اذا شفت السبعان منزلها الترم الجاي نزلها عنده

كاسر مقدر امدح او اذم فيه لانه متناقض كثير يعني مثلا في بحوث عمليات انواع الذم فيه من الطلاب وفي المواد النظري مثل اسلوك الانساني والادارة الاستراتيجيه طيب فيها ومتساهل ويساعد كثير

فمدري في اداره عمليات كيف وضعه

[QREEEEEED]

مشكور اخوي نايس

على افادتك الطيبة

ويعطيك العافية

[فينيسيا]

والله اناحسب الكلام اللي سمعته من الشباب ان كاسر شديد جدا وحقود
تخيل واحد من الشباب هالترم خريج وعنده اربع مواد عدا ثلاث مواد ومادة كاسر رسب فيها راجعه واللي زاده قهر انه لقي درجته 55 ومحاولات وواسطات وشكاوي وما استفاد واضطر مسكين ينتظر الى الترم القادم عشان مادة وحده بس
اعتقد بعد هالقصه راح تشيل كاسر من بالك وعاد انت وراحتك

[أبو الطيب المتنبي]

صادق أخوي فينيسيا

[Rasheed]

الدكتور هاني العمري بصراحة احلى دكتور في الجامعة كلها

[QREEEEEED]

والله يافنيسيا ربي راح يجازيه على التضييق على الشباب وخصوصا زي خويك

ومشكورين على التفاعل شباب

ويعطيكم العافية

[QREEEEEED]

شباب احد يفيدنا عن الدكتور خالد الجميح يعني يوضح لنا كل شيء عنو

وكيف لو نزلت عندو هل هوا سيء ولا لا