استشاره عاجله جدا جدا جدا

[Dr.Passed]

السلام عليكم ورحمه الله وبركاته

احتاج مساعده عاجله
أنا شغاله ع حمله وكده برنامج كامل وحابه استضيف دكتور وكده وكمان يشرف ع الشغل

هل لازم ندفع مبلغ معين ام دا العمل يعملو عايدي تطوعي؟ كيف تسير المواضيع دي ؟ قيدنا كلمنا وكلو بس نبغانتأكد انو احنا ماشيين صح

كيف الناس بتسوي حاجات زي كده ؟


ضروري ردو بليز
شكرًا

[د. هدّولا]

بصراحة انا مو فاهمة انتي ايش تبغي بالضبط !

- هل تبغي دكتور يشرف على حملة او مشروع لكِ اتوقع ان اكتر شخص يفيدك دكاترتك في الكلية ..
واذا كانت الحملة طبية استعيني باللي تخصصه يتعلق بفكرة حملتك..

- اما اذا الحملة مو طبية فشوفي لك الدكاترة اللي باللجان الثقافية والاجتماعية - ان كانت عندكم لجان - ..




...
- هل انتي تبغي تستضيفي شخص بطريقة معينة في حملتك وتبغي تعرفي كيف تكلميه !؟
في الحالة دي لازم يكون عندك دكتور مشرف يقدم له خطاب او تقرير عن حملتكم عشان يوافق او مايوافق ، وما انصحك تروحي زي طرزان وتكلميه بنفسك لانه اكيد ماراح يوافق الا اذا شاف جدية بالشغل او احد مسؤول عنكم او جهة تدعمكم ..

- هل انتي تبغي الدكتور نفسه يشرف عالحملة وتستضيفوه !!!
في الحالة دي ما انصحك لانه راح يعتقد انه شغلكم شغل بزورة ..


- اما على حكاية الفلوس دا شئ راجع للدكتور نفسه مع اني ما اتوقع احد راح يطلب فلوس عشان تستضيفوه - دا يبوس يده وش وقفا - ..


....
- مافهمت كلمتو مين وعن ايش ؟! وايش قصدك بماشيين صح ؟!
يعني انتي خلاص كلمتي الشخص اللي راح تستضيفيه ولا ايش ؟!


- ايش قصدك بالناس اللي تسوي حاجات زي كدة ؟!







برايفيت : ان جيتي بتكتبي موضوع حاولي ترتبي افكارك اكتر , وراجعي قبل ماتعتمدي الموضوع :)

[Dr.Passed]

لا طبعا مو ناويه اقلو كل شي
بس الشي الي يخصو

هدولا ايوا قصدي ندفعلو ولا لأ
بس مانطلب مننا شي ع قولك


هدولا والكل في احد يبغا يشترك معانا
؟

أنا ماسكه الحمله وإن شاء الله حتتقدم عندكم

بس أبا اعرف في متطوعيين ؟

[The last word]

للاسف استضافة اي شخصية من خارج الجامعة شبه مستحيل لأن اجراااءتها جداً طويلة ومدير الجامعة متشدد بالموضوع هذا والوزارة نفسها لابد يكون عندها خبــر ...!!!!!

أذكــر قبل شـهر قررت استضافة الشيخ سلمان العودة لمن زار جـدة فكلمت ادارة الكلية على اساس نستضيفه بنادي اعجاز إلا انهم رفضوا وقالوا لازم تنسق ع الاقل قبل ترم ..!!!!!! عشان الاجراءات تاخذ مجراها ان وااااااااافقت الوزارة وادارة الجامعة !!!!


البك ابيض وحاولي ولا تيأسي

[MeMo Dango]

اهلا دكتورة passed كيفك ان شاء الله تكوني بخير بس حبيت اسأل هل تدرسي في كلية ابن سينا لان سمعت احد الاعضاء يقول انك حولتي هناك ولو كان كدا ممكن تقولي لي عن طبيعة الدراسة في الكلية وكم يكلف الطب البشري وهل في سنة تأسيسية او تحضيرية زي مابيقولوا لاني ناوي اسجل فيها بس مو عارف عنها معلومات وشكرا ...

[MeMo Dango]

دكتورة passed اتمنى تطلعي عالموضوع as soon as possible وتديني معلومات كافيه عن الكلية دي هدا لو كنتي صدق تدرسي فيها لاني مرررة محتار ومو عارف ايش اسوي ...

[Dr.Passed]

السلام عليكم
اخي معليش من زمان ما دخلت دوبي اشوف كلامك

تكلف 50 الف بس بالراحه ازا دراجاتك تنطبق ع الشروط يقبلوك ع البعثه
والله الدراسه حلوه هناك صراحه
دراجاتك ع قد تعبك
انا دخلت تانيه و عادلت موادي عشان تحضيريتي كانت في جامعه عبد العزيز

ما ادري في شي معين تبا تعرفو؟

[MeMo Dango]

مشكورة دكتورة passed على الاهتمام وحبيت اسأل دحين نظامها زي البترجي ندخل سنة تأسيسية وعلى اساس معدلها نتخصص والا على طول ادفع وادرس التخصص اللي ابغاه وهل اقدر اسجل على المنحة لان درجاتي في المواد العلمية في شهادة الثانوي كلها ناجح فيها بامتياز بس انا مو من خريجين السنة دي وشكرا....

[MeMo Dango]

معليش كثرت اسئلة بس حاب اعرف طريقة اختبار القبول والمقابلة الشخصية وعادتا كم يكون عدد الطلاب في الكلاس وهل لازم نتقيد بلبس ال scrub and lab coat والا عادي ومتى نبدى ننزل المستشفى ايوا وفي حاجة تانية كمان أنا اتطلعت على خطة الطب في عبدالعزيز ولقيت انها تختلف تماما عن خطة الطب في ابن سينا يعني مثلا Cells andTissuesو GeneralAnatomy
Embryology و Medical Pharmacology وغيرها الكثير مو موجودة في خطة الطب في ابن سينا فا ياريت توضحيلي هل المواد دي بتندرس بشكل مختلف عندكم والا ماتندرس أساسا ؟؟؟

[MeMo Dango]

دكتورة passed انا عملت search مكثف واكتشفت كمان انو طلبة الامتياز في الكلية مابياخدوا مكافأة امتياز بالعكس هما يدفعوا رسوم حق السنة دي وشفت اخبار في الجرايد وناس تتكلم وكلام كبيرررر فا ياريت يا دكتورة لو تفيديني وتديني الخبر الاكيد هل الكلام دا صحيح والا لا؟؟؟