نساء أرفع لهن القبعه بــــ الأسماء ( شكراً من القلب على إثر إختبار التطوير التنظيمي)

[yesyes]

في المقام الأول أشكر الله عز وجل أن سهل لنا ما كان علينا صعباً

ثاني شيء دعوة من القلب " والله إني دعوتها في قاعه الإختبار " لــ التالية أسمائهن ....

أولاً أختنا القديرة " DANYH" على طرحها لنموذج أسئلة البنات ...تقريباً كتبت 85% من أسئلة الإختبار .....و وكمان ( 15% ) المتبقية نوهت عنها ....وقالت أنها تترواح بين 6 أسئلة ..أو أقل
وكان كلامها صحيح طبقاً للأصل .

وكذلك الأربع الأسئلة اللي أضافتهم أختنا القديرة ( دانة رجب )

كذلك الأخت ( رقي الأحاسيس ) في إستفسارها عن سؤال الأثار النفسية لمضيعات الوقت " جاني بالنص " ...وعلى فكرة هـــ الإنسانة بالذات هي اللي خلتني أركز على نموذج البنات لما " نوهت عن أن الدكتور قد أضاف حرف الياء بخط اليد ...في عبارة " إختاري" وفعلا ماشاء الله عليها ...ملاحظتها كانت صائبة 100% فمن القلب جزيل الشكر لكِ أخت رقي الأحاسيس

وكذلك الأخت الموقرة ( gardenia) على تنزيلها لــ نموذج الأسئلة محلول على الرغم من أني ما حملته ولا إعتمدت عليه ..لكن جزاها الله كل خير على مشاركتها ..وحضورها ..وتفاعلها ...

كذلك لا أنسى شكر أختِ التي راسلتني بــ الأسئلة المقالية " وتوجيهي للتركيز على التوتر / والقوة / والصراع ...
......


خاتمة /
ثمة شيء " أغضبني " والله ...بل والله إني كرهت الجامعه بسببه ...

القصة بشكل مختصر ( وأكتبها وأنا أدعوا الله بأن يكون المقصود أحد المارين هنا ) ...فعلاً أتمنى أن الشخص الذي أقصده في التفاصيل أدناه أن يمر من هنا ويقرأ كلامي هذا ....

اليوم في الإختبار حصل لبس " بسيط جداً ...بل وأشبه إلى أن نسميه تافه " سؤال واضح جداً أنه خطأ مطبعي ...حيث أن السؤال تحته 11 إختيار تقريباً ( أ ؛ ب ؛ ج ؛ د ؛ ه؛ ي ؛....إلخ ) المهم كان جنبي واحد الله يهدينا وإياه ( قلق ...قلق بمعنى الكلمة ) كل شوي ...أوووف ...أوووف ... أيش هــ اللخبطة ....والمراقب الله يجزاه خير يقول يا إبني السؤال اللي فيه لخبطة ...أتركه ..وحل الأسئلة الثانية إلى أن يجيء الدكتور تبع المادة ونستفسر لك منه ...ونحل مشكلتك ...
لكن للأسف هــ الطالب من نوع أخر ( ماسكه معه إلا تنحل مشكلته الأن )

المهم رفع ضغطي ..والله شوي وأحب على رأسه وأقوله تكفى هات ورقتك وأنا أحل عنك بس ( أطلع من رأسي ) ......المهم جاء الدكتور وقال بشكل واضح وصريح ....في نماذج الإختبار ...الناس اللي نموذج ( ب ) عندهم السؤال رقم 21 ....والناس اللي نماذج ( أ ) عندهم السؤال رقم ( 11 ) كلا السؤالين في كلا النموذجين فيها خطأ مطبعي ....
والمطلوب منكم إختاروا أي ( إجابة ) وراح أحسبها ( صح ) المفروض إلى هنا القصة إنتهت ..
خلاص الدكتور قال فيه خطأ ....وقال درجته محسوبة ......أيش نبغى بعد كذا ..

المهم إلى هنا كل اللي حصل " عادي جداً "

المهم بس طلع الدكتور من هنا ....جلس الطالب بصوت خفي يسب في المراقب " الله يلع...... أمك " الله ...يلع......والدينك " ......بصراحة أنا طالعت فيه كذا قلت ...أستغفر الله يارجل .....وللأسف زاد فحشاً وقلت أدب ....وصار يطلع كلام ..والله ( الأطفال ما يقولونه ) يعني فمابالكم بطالب من المفترض أن يكون طالب جامعي ...؟؟؟

وهــ الشيء والله خلاني أحل بقية الإختبار وأنا متنرفز ....

صحيح الدكاتره الله يهديهم بعضهم " يجيب لــ الطالب الهم والغم ...وصحيح بعضهم ظالم ....وصحيح بعضهم ما يعطي الطالب احترامه ...." لكن يا أخوان ما تصل لسب الأمهات ...والله حرام يعني كل شيء ولا ( الأم ) ...الأم اللي تعبت وشقت ...وسهرت الليل ..وتلاقيها يا ساتر الحال ...عجوز مسكينه نايمة في بيتها والله أعلم في حالها ....تسبها ليييييييييييييييييييييييييش ؟؟؟

ياناس نزعل ....نطلع حرتنا في التعليق على نماذج الأسئلة ....على طريقة الأسئلة ....على الرصد ......لكن إلا ( الطرد من رحمة الله ....وعلى مين على الوالدين )

لمثل هــ الطالب أقول إتقوا الله ......ولا تكرهونا في الدراسة ....تكفووووووووووون



سوري طولت في الكلام ودخلت الشكر / على المواعظ ...لكن سامحوني وربي من القهر ...

[أبو طاهر]

الشكر بس للبنات ( الأناث - الأخوات )
الحمدلله ,, وبس

[jo0odi]

^
لاتنسون ابو طاهر لولا الله ثم اسئلته كآن مآعرفنا طريقة الدكتور القحطاني بوضع الاسئله ولاكآن حلينآ
..
بيض الله وجهك و يجزاك كل الخيير ويعطيك العافيه مآقصرت
..

[yesyes]

المشاركة الأصلية كتبت بواسطة jo0odi ^ لاتنسون ابو طاهر لولا الله ثم اسئلته كآن مآعرفنا طريقة الدكتور القحطاني بوضع الاسئله ولاكآن حلينآ .. بيض الله وجهك و يجزاك كل الخيير ويعطيك العافيه مآقصرت ..

\


مانسيناه يا الغالية ...الله يجزاه كل خير

وأنتِ بــ المثل


.......

[yesyes]

المشاركة الأصلية كتبت بواسطة أبو طاهر الشكر بس للبنات ( الأناث - الأخوات ) الحمدلله ,, وبس

على رأسي يا ابو طاهر من فووووق هههههههههههههههه

والله إني شكرتك ودعيت لك قبل ردي ذا ...في الموضوع الأساسي ...حتى بعد تعليقك يوم تقول الحمد لله للترم الخامس على التوالي أسئلتني تجيب فائدة هههههههههههههههه

بس والله لا تلومني يوم أشكرهن ....والله يا صاحبي هــ الترم ( أصحابنا ماااااش .....وبمعنى الكلمة ماااش ) مستوى متابعه الدورات التحضيرية كان أقل من المأمول ....واللي كان يقهرنا جميعاً ...يوم ننزل مليون موضوع يا شباب تكفون وش صار في الدورات ...ولا مجيب ...وقبل الإختبار بكم يوم تلاقي واحد سادح لك تساؤل ويكتب مهم ذكره الدكتور في الدورة .....عاد ساعتها نجلس ننقز من القهر يعني أنت حاضر الدورة ....ومعطي كل هــ الناس أشكل .....ولا تذكرتهم إلا لما وقفت فقرة في حلقك وتبي أحد يحلها لك ؟؟؟؟؟ بجد لوووووووول

[لمعة الماسة]

بالنسبه للي ازعجك كان قلتله اهجد خلنا نركز

وبعض الطلاب يحس انه قوي يوم يسب

عموما اهم شي الختام كان حلو

[أبو طاهر]

أن شاء الله يكرمكم الدكتور بالدرجات لأن الي أعرفة أن الدكتور عارف أن أسئلته عند الطلاب بالمنتدي
أحد أبناء الدكتور يدرس أنتظام بالجامعة , والعام الماضي في واحد تصايح مع الدكتور بالجامعة عشان الدرجات وقاله عشان الأسئلة بالمنتدي ما تعطيني الدرجة الكامله ؟؟؟؟؟؟؟؟؟؟؟؟؟؟؟!!!!!!!!!!!!!
عموما والله أعلم أن الدكتور ما يصحح الأختبار

[administrator]

الشكر لله اولا

ثم ابو طاهر الله يجزاه بالخير اللي استفاد من اسئلته الكل
((البنات والشباب))الترم هذا والسنه الماضيه

ثم نشكر الاخوات صراحه اللي نبهونا علي بعض الاشياء

وخاصة الاخت القديره (دانة رجب ) اللي معصبه مني مررررررره هههههه

وفي الاخير اقول اهم شي لاتنصدموا من الدرجات

وخاصة عاد انتا يابو شادن لك تجارب في مواد سابقه مع (عليييوه)

[gardenia]

الشكر لله ثم للأخ أبوطاهر الله يجزآه كل خير والله إني يوم الإختبار دعيتله من قلبي

لأني في اللحظات الأخيره قبل الإختبار ركزت بقوووه على أسئلته ولله الحمد والمنه الأختبار بنسبة 90%

كآن من أسئلته =)

وع العموم لآشكر على وآجب إحنا هنا كلنا أخوان وأخوات وهدفنا وآحد هو تبادل المنفعه وكسب الأجر ..

الله يوفقنآ جميعا ومايضيعلنا تعب ويفرحنا بالدرجآت الحلوه في الدنيآ ..

ويرزقنآ بالدرجآت العليآ في الآخره اللهم آمين :)

[yesyes]

وفق الله الجميع