افكاري للصدقه > روعه و سهله جدا > اجور عظيمه

sara a7md · #1 16-01-2012, 12:26 AM

بسم الله الرحمن الرحيم

السلام عليكم و رحمة الله وبركاته

و بعد ,,,

اليوم بكتب لكم موضوع مرا حلوووووووووووووووووو و شوفي بعيونك كيف امورك تنفرج

ربي كريم و رحيم

بس حنا للأسف مقصرين جدا

جايبه لكم افكار حلوووووووووووووه و تحمسك حيل تسوينها سويها اليوم ارجووووووووووك

ما راح تآخذ منك وقت طويل ابد ابد

وافكاري بعضها من تفكيري و تكون صدقه

بحطها بشكل نقاط /

سوي لو واحد منها اليوم او اثنين لا تضيعين فرصة الاجر على نفسك ,,, لا تشتكين على هذا و ذاك

سوي هالاعمال اليوم و خليها بينك و بين ربك

- عندك موعد اليوم بالمستشفى بسم الله عليك يا ربي تشفينا و تشفي جميع مرضى المسلمين

الفكره > روحي الحين الحين و انتي تقرين موضوعي و حطي بشنطتك , موية صحه + ريالين + كتيب ديني صغير

او مصحف صغير او اذكار او سجادة صلاة صغيره عارفينها > اختاري احد هالاشياء او زيدي عليها

مثل ما تبين >> انتي و نازله للمستوصف او العياده شفتي عامل النظافه عطيه موية الصحه و الريالين

و شوفي فضلها عند ربي كييف .. ما لقيتي قدامك عامل النظافه مب مشكله بقالة المستشفى عطي البائع
فيها

و يارب لا يحرمك من الاجر

و سجادة الجيب اللي قلت لكم عليها و الكتيب والاذكار حطيها بصالة الانتظار بالمستشفى

تخيلو كم وحده تدخل هالصاله و كم وحده بتدور على سجاده و اللي تبي تقول الاذكار

اجوووور عظيمه

- رايحه تتعشين اليوم بالمطعم مع اهلك و لا زوجك .. اكيد و يا كثر ما يبقى بالصحون اجمعيه بصحن وبشكل مرتب مرتب و حطيها بشطنتك اذا خايفه حقين المطعم يشفونك

بتلقين قدامك اكيد

عامل نظافه منا و لا منا عطيه >> يالله شوفي فرحته كيف ؟؟

قسم بالله بتخنقك العبره

>

الى متى و ما نحس بغيرنا !!!!!!!!

- اهدي خادمتكم اليوم اي شيء مثلا > طبختي العشاء روحي وجيبي صحن ورتبي لها الاكل فيه

و ابتسمي لها و عطيها بنفس زينه > ما عليك هي وش كانت و فيها و فيها

- قاعده ترتبين لزواجك زواج غيرك خلي الفرح يحتوي على شيء ديني و توزيعنه على المعازيم

>>>>> ربي يبارك لك و كم وحده بتحضر و الاجور اللي بتجيك > مثلا اذكار مرتبه بأشكال حلوه

و مكتوب عليها اسماء العرسان و تكون ذكرى كمان

- نقطه مهمه اذا جيتي بتتصدقين ادعي لنفسك و قولي كمان اللهم ان هذه الصدقه عن كل مسلم و مسلمه

اجر اجر عظيييم

> لا تنسين ان المال رزق من الله و هو اللي له فضل عليك

- حطي حصاله بغرفتك من اليوم و رايح واجمعي فيها كل يوم ريال اللي تقدرين عليه و اذا كنتي بتطلعين

مكان افتحيها وخوذي اللي فيها و عطيه محتاج شفتيه وانتي طالعه

الحصاله فكرتها حلوه تخليك تمسكين فلوسك و تتصدقين منها

و يا حبذا تقولين لأهلك يشاركونك او خواتك بوضع الريالات بالحصاله > ممكن هذا الريال اللي مستهينه فيه

يحقق لك امنيه تشوفينها مستحيله

- لا تنسين الابتسامه الكلمه الطيبه اماطة الاذى عن الطريق صدقه صدقه صدقه لا تستهنين بأبسط الامور

- شاحنه جوالك بــ 20 ريال تصدقي بــ 10 ريال منها لجمعيه الايتام

- جهزي مويه و شوية رز و اصعدي فيهم لسطح المنزل او الحوش بالصباح الباكر

و حطيهم وشوفي كم عصفور بيجي وسقيتيه

الافكار كثيره كثيره والاجور اعظم

و ما في اسهل من كذا !!

شوفي هذه الاحاديث الصحيحه عن فضل الصدقه /

عن أبي هريرة رضي الله عنه قال : قال رسول الله صلى الله عليه وسلم : " من تصدق بعدل تمرة من كسب طيب - ولا يقبل الله إلا الطيب - وإن الله يتقبلها بيمينه ، ثم يربيها لصاحبه كما يربي أحدكم فَلوَّه حتى تكون مثل الجبل " .
رواه البخاري ( 1344 ) ومسلم ( 1014 ) .
فَلوَّه : مُهره الصغير .

عن أبي هريرة رضي الله عنه أن رسول الله صلى الله عليه وسلم قال : قال الله أنفق يا ابن آدم أنفق عليك .
رواه البخاري ( 5073 ) ومسلم ( 993 ) .

روى الترمذي (2470) أنهم ذبحوا شاة على عهد النبي صلى الله عليه وسلم وتصدقوا بها إلا كتفها، فَقَالَ النَّبِيُّ صَلَّى اللَّهُ عَلَيْهِ وَسَلَّمَ : مَا بَقِيَ مِنْهَا ؟ قَالَتْ عائشة : مَا بَقِيَ مِنْهَا إِلا كَتِفُهَا. قَالَ : بَقِيَ كُلُّهَا غَيْرَ كَتِفِهَا . صححه الألباني في صحيح الترمذي .

عن أبي هريرة رضي الله عنه أن النبي صلى الله عليه وسلم قال : " ما من يوم يصبح العباد فيه إلا ملكان ينزلان فيقول أحدهما : اللهم أعط منفقا خلفاً ، ويقول الآخر : اللهم أعط ممسكاً تلفاً " .
رواه البخاري ( 1374 ) ومسلم ( 1010 ) .

~ اي وحده منكم عندها فكره تضيفها لها اجرها و اجر من عمل بها .....

اللهم اجعلنا من المتصدقين والمتصدقات

و اخيرا >> لا اريد منكم سوى دعواتكـــــــــــــمـ

بحفظ الرحمان .

الـــــــدلوعه نونــا · 16-01-2012, 01:30 AM

بعد عمري ساروووونه ....موضوعك مررررره حلووووو .... وافكار مررره نآآآيس بجد ماكانت تخطر ع بالي
مع انها شغلآت بسيطه ....
الله يعطيك ِالعافيه .وجزاك ِالله خير.....