خبر مهم وسار للحابين يحولو انتظام

[قطورة الندى]

السلام عليكم ورحمة الله وبركاته
لطالبات الانتساب الي حابين يحولو انتظام وخايفين من التخصصات المحددة في الكلية الفيصلية
في بنات انا اعرفهم يبغو يتخصصو علم نفس او علم اجتماع وسألو في عمادة القبول والتسجيل الي عندنا بالكلية
وقالو انو السنة القادمة ان شاء الله حيكون في الكلية تخصص علم نفس وعلم اجتماع وسجلو اسماء الطالبات الي عندهم رغبة بالتخصص في احدى هده التخصصين عشان ينزلو لهم هدا الترم مادتين مهمة ومشتركة بين التخصصين
لانهم بدأو يبنو مبنى جديد عندنا في الفيصلية واكيد حيكون لهده التخصصين
وكمان في تحويل لكلية التربية وكلية رابغ
وعشان اكون صريحة معاكم شوية قالو ما في تحويل للسلمانية
لكن الكلام مختلف بعضهم يقولو في تحويل ادا جبتي معدل مرا عالي
ووحدة من البنات انا ما اعرفها لكن جلست اتكلم معاها وقالت انها تعرف وحدة حولت للسلمانية وبدون واسطة والله
وكمان بدأ التحويل لكلية العلوم
الي درست الثانوي علمي ودخلت انتساب وحولت انتظام ودرست الترم الاول بمعدل 3.75 وأعلى تقدر تحول لكلية العلوم

خدوها نصيحة مني يا اصحاب المعدلات العالية انتو حولو انتظام والجامعة كل ساعة بقرار

[Luotty hyuna♥..}]

ياقمر امس رحت العماده وسئلتهم بخصوص التحويل من انتساب الي مسار علمي قالت ماافي .؟

تعرفي بنات حولوو هذا الترم لعلمي ..؟


مشكووره يااعسل على الافااده واهتمامك لامرنا الله يجزاك الجنه :)

[طالبه 12]

بجد في تحويل لكليه التربيه ؟

[قطورة الندى]

المشاركة الأصلية كتبت بواسطة طالبه 12 بجد في تحويل لكليه التربيه ؟

ايوا والله موجود وطالبين المعدل التراكمي أعلى من 4.50
وادا حابة تسألي في عمادة القبول والتسجيل الي بالفيصلية أسألي وتأكدي
وانا ووحدة من البنات جبنا أعلى من 4.50 هيا حابة تحول وأنا مترددة والاغلب اني ما أحول

[قطورة الندى]

المشاركة الأصلية كتبت بواسطة luotty hyuna♥..} ياقمر امس رحت العماده وسئلتهم بخصوص التحويل من انتساب الي مسار علمي قالت ماافي .؟ والله العظيم الي قالت مافي ما تدري عن شيء او انها متعمدة تكذب تعرفي بنات حولوو هذا الترم لعلمي ..؟ انا اعرف وحدة من البنات صاحبتها قالت لها انو التحويل للعلمي بدأ امس السبت وهيا قالت لنا وانا اعرف وحدة تبغى تحول لكلية العلوم حتصل عليها واشوف شو سار معاها وارد لك طيب مشكووره يااعسل على الافااده واهتمامك لامرنا الله يجزاك الجنه :)

الله يوفق الجميع

[سـارونة]

بالنسبة للتحويل لفرع السليمانية

انا اعرف وحدة كانت في الفيصلية تخصصها دراسات إسلامية وحولت لفرع السليمانية تخصص علم اجتماع

بدووون واسطات بس والله مااعرف معدلها

[عطيت ولاخذيت]

شكـــــــــــــــــــــراً

[قطورة الندى]

المشاركة الأصلية كتبت بواسطة سـارونة بالنسبة للتحويل لفرع السليمانية انا اعرف وحدة كانت في الفيصلية تخصصها دراسات إسلامية وحولت لفرع السليمانية تخصص علم اجتماع بدووون واسطات بس والله مااعرف معدلها

شكرا والله يسعدك على المعلومة
اصلا هوا في تحويل لكن همن يقولو لا
وعلى كل سؤال يقولو لا ما يبغو أحد يحول

[تولة99]

ممكن احول الترم هذا لكلية الإعمال برابغ قبل انتهاء السنة التحضيري

[قطورة الندى]

المشاركة الأصلية كتبت بواسطة تولة99 ممكن احول الترم هذا لكلية الإعمال برابغ قبل انتهاء السنة التحضيري

والله على حسب علمي لا
لانو اظن كلية الاعمال الي برابغ كلها تخصصات