مدخل الحريم في الجهة الثانية !!!!

[اتحاد]

السلام عليكم شباب وبنات

والله انا عندي اقتراح للمشرفين في المنتدى واتمنى مااحد يزعل مني

بس صراحة والله من الترم الاول كان ودي اكتب الموضوع دا بس اجلته شويتين


انا اتمنى من المشرفين في المنتدى انهم يسون قسم خاص للطلاب وقسم اخر لاخواتنا الطالبات


لانه البنات الله يهديهم مواضيعهم كثيرة وتلخبط يعني الواحد يخش المنتدى يبغى يشوف

حاجات مفيدة في المواد او مواضيع مهمه

لكن يلقى المنتدى كله اسامي دكتورات ومين شعبتها وليش يحجزون كراسي في الكلاسات وكلام كثير

هذا كل اللي عندي وختاما زي ماقلت اتمنى محد يزعل مني

[عزجهينة]

تقولي فيه اختلاط في المنتدى هههه >اطلع برا
المفروض المواضيع الصغيرة اللي استفسارات اجيب عليها تحذف في وقتها سواء اولاد او بنات
شكلك سهران مثلي الله يعين بس

[Koke-07]

. إن شاء الله ما فيها زعل .. عجبني اقتراحك لكن ما اشوف انو ضروري الطلاب بقسم والطالبات بقسم .. برأيي اشوف انو مافي اي إشكالية .. عز جهينة وش جاب سيرة الاختلاط هههههههه

[Amjad BaHusayn]

وعليكم السلام ورحمة الله وبركاته ,,

زي ما قال عزجهينة تنحذف في وقتها احسن ..

والبنات زي ماقلت يخففو من دي المواضيع ,, يعني لو نلاحظ دحين اكتر من موضوع كلهم يسالوا عن التسكين

نفس الاسئلة بس محورة ,, :/

ووعجببني العنوااان مررة مشووق ههههههه يعني يارب رايك مسمووع

[tr.z]

ههههههههههههههههههههه يَ حبببكم للهذره حتى بالمنتدى ، الوحده تعرف الجوآب بس الآ تسأل نفس السؤال /
واللله اني صاير ادخل اوسع صدري بس هههههههه تقرآ الموآضيع وتضحك ، :/

عندك نآس تفيدك واولهم مس لآرآ ماشاء الله عليهآ بس ،
جد جد تفيدك هالانسانه ، وعندك نآس تقلب ام الموضوع شات وسمآجه !
عموما هو بس انهم يخفون شوي ، ولآ تدرعم الوحده كل ساعه فاتحه لي موضوع !
ترآ الشغله ميـب حلآ ،

تلقون خير بس ،

[dr.dudi]

المشاركة الأصلية كتبت بواسطة tr.z ههههههههههههههههههههه يَ حبببكم للهذره حتى بالمنتدى ، الوحده تعرف الجوآب بس الآ تسأل نفس السؤال / واللله اني صاير ادخل اوسع صدري بس هههههههه تقرآ الموآضيع وتضحك ، :/ عندك نآس تفيدك واولهم مس لآرآ ماشاء الله عليهآ بس ، جد جد تفيدك هالانسانه ، وعندك نآس تقلب ام الموضوع شات وسمآجه ! عموما هو بس انهم يخفون شوي ، ولآ تدرعم الوحده كل ساعه فاتحه لي موضوع ! ترآ الشغله ميـب حلآ ، تلقون خير بس ،

لايك
هم اثنين بس بس الحمدلله تعاملت معهم الادارة

[ريتشارد]

هو فعلا احيانا اقرأ مواضيع تضحكني ليس لشيء آخر غير عفويتهن
القلق النفسي والخوف ما يدفعهن للكتابة بهذا الشكل ومن الصعب أن تكبح شيء متأصل بحواء
في نفس الوقت لا انكر ان هُناك رجال في قسمنا يشتكون كثيرا وكأنهم عجائز قاربوا على الإنتهاء
جميعنا في الدفعة نفسها ، اخوة و اخوات
ظروفنا واحدة وجراحنا واحدة وفرحتنا اكيد واحدة

فليبارك الله في أيامكم وفي جمعكم :)

[اميرة جده*]

ههههههههههههههه

[M!SS Lara]

هههههههههههه عنوان الموضوع مره تحفه ..
امكن في كم موضوع خارج عن الايطآر .. او مواضيع كثيره لكن الفكرة واحده .. بس صدقوني انتوو حطو نفسكم بدال الطالب الي حايس بشعبته .. او بيتفسر عن استاذه بغض النظر عن هو بنت او ولد .. صدق يكون الشئ مهم بالنسبة له ومن واجبنا نساعده ..

ثانيا .. تقريبا المسآر قسم التحضيري تعتبر من انشط الاقسآم بالمنتدى زي مااني شايفه .. ومصيرو بعد التسكين الكل حيروح لقسم تخصصه ووقتها تقول : ايش القسم الميت دآ

ثالثآ .. انو في اشياء مشتركة بين الاولاد والبنات زي اكتشفنا انو الاحياء في اسأله مشتركه بين الطلاب والطالبات .. فيجي الي اختبر ويقولها بموضوع فيستفيد الطرف التاني ..

كمآن السنه التحضيريه شارفت ع الانتهاء فأصبر يابني :)


بالتوفيق للجميع ..

[SuperRTL]

ولله صح كلامك الافضل انه يكون في قسم طلاب و قسم طالبات لانه في بعض الاحيان أقرأ (نزلت درجات الفيزياء) طبعا انا أتحمس فأدخل على الموضوع و ألاقيه خاص بالطالبات