طالب في جامعة الملك فهد للبترول والمعادن!

[Khalid1993]

السلام عليكم ورحمة الله وبركاته ..

زي ماقلتلكم انا طالب سنة تحضيرية في جامعة البترول

طبعا التحضيري في البترول غير جامعة الملك عبدالعزيز
بس انجح في المواد وادخل التخصص اللي تبغاه !!
لكن مو اي واحد يقدر ينجح ويعدي في ترمين

طبعا اخوكم في الله تخرج من الثانوية بنسبة عالية وقدرات وتحصلي ودرجات حلوة
واسمع عن البترول وشهادتها القوية ومن هالكلام
وياخذني الحماس واسجل في الجامعة <-- ترا حتى في التسجيل معقدين :(
الموووهم
رحت الشرقييية ...
وبدات السمستر وانا متحمس واقول بجيب مرتبة شرف :d
طبعا المناهج عادية يعني مو صعبة ولككككن !
الاختبارات تشششيب الراس ..
وللاسف رسبت في مادة math

والان في السمستر الثاني قاعد اعيدها وكمان الدرجات اسوأ
لدرجة اني شكيت في نفسي ..:(

وغير اني اخذت dn في مادة لان بعد اختبار الماث جاني احباط مو طبيعي وسحبت اكثر من يوم :(

_____________
الموهم
انا تقريبا راح أرسب في الماث للمره الثانية وذا معناهـ فصل من الجامعه ..
وبسجل في جامعه الملك عبدالعزيز من بداية السنة الجاية ان شاء الله ..

وبسألكم تتوقعوا لو فصلت من البترول ماراح يقبلوني جامعة الملك عبدالعزيز ؟
ولا اسحب ملفي من بدري بكرامتي احسن
وهل الـ dn يؤثر؟

[سم الحبايب]

وعليكم السلام ورحمة الله وبركاته

حياك الله اخوي......في منتدانا قبل جامعتنا


ونصيحتي لك تشد حيلك في الماث ,, سواء تاخذ كورسات اضافية او تروح لمدرس او اي حاجة المهم تفهم المقرر الي عليكم لأن انت تقول ان المنهج سهل .وبالنسبة لجامعة الملك فهد فهي من افضل الجامعات في المملكة،وتوجد فيها تخصصات هندسية ممتازة.

فنصيحتي لك لا تترك الجامعة وتضيع سنة كاملة

وبالتوفيق ان شاء الله،،

[Khalid1993]

يعطيك العافية على ردك اخوي ..
انا الحمدلله فاهم المقرر لكن المشكلة الاختبارات جددا معقدة يعني 5 اسئلة تنحل و15 سؤال حتى الدكاتره عندنا يحتارو فيها !

مشكلة الجامعة انهم يقلبون طلاب كثير .. مثلا السنة هذي قبلو 3600 اللي استكملو الاجراءات ودخلو الجامعة 2500 وهم مايبغوا الا 800 طالب يعدوا السنة التحضيرية !!
فاالاختبارات تكون تعجيزية

__________
ارجو الاجابه على اسئلتي اللي فوق ياشباب :)

[مـ جدة ـلاك]

سمعت كثير عن جامعتكم واسئلة الاختبارات التعجيزيه *ـــ*

تقدر تسحب ملفك وتقدم في عبد العزيز

وبما ان موزونك عالي ف اكيد مقبول

وانتبه لشروط القبول

أن لا يكون قد فصل من الجامعة أو أي جامعة أخرى فصلاً أكاديمياً, وإذا اتضح بعد قبول المتقدم أنه سبق فصله فيعد قبوله لاغيا .

لا تقبل الجامعة أي طالب سحب ملفه من الجامعة أو أي جهة تعليمية أخرى إلا إذا مضى على الانسحاب ثلاثة أشهر فأكثر قبل بدء الدراسة
أي لا يقبل أي طالب منسحب بعد تاريخ 10/7/1432هـ .

طبعا هذا التاريخ حق السنه اللي فاتت
وماراح يفرق كثير عن ذي السنه
يعني عندك تقريبا شهر ولازم تكون اخذت قرارك :$
استخير وربنا يسخرلك اللي فيه الخير

[خالد انجليش]

استخر ربك ولن تندم
ولازم تقرر خلال اسبوعين بالكثير لأن زي ماقالت الاخت اللي فوق انه من شروط جامعة عزوز
انه تكون هناك ثلاثة شهور من يوم مافصلت من دراستك في جامعة اخرى فخذ هذا الامر في حسبانك
ولكن جامعة الملك فهد جامعة شهاداتها قوية والامر كله اليك لازم تقرر خلال الايام القليلة الجاية
والله يوفقك
وثق تماما انك اذا استخرت وارتحت لأمر فتوكل على الله لأنه هو الخير كله ومهما كانت النتائج فالخير فيما اختاره الله
بالتوفيق

[سليمآآن]

السلام عليكم..
يعطيكم العآفيه على الردود..
وآنآ عندي سؤال في نفس الموضوع تقريبآ..
الحين انا سجلت في عزوز وقبلوني وجاني قبول من البترول وسحبت ملفي من عزوز ورحت البترول..
الحين فرضآ بديت الدراسه وتورطط زي الاخ
آقدر السنه الجايه اقدم على عزوز ولا خلاص مايسمحون لي لاني سحبت..؟

متحطم هع

[HIGH]

المشاركة الأصلية كتبت بواسطة سليمآآن السلام عليكم.. يعطيكم العآفيه على الردود.. وآنآ عندي سؤال في نفس الموضوع تقريبآ.. الحين انا سجلت في عزوز وقبلوني وجاني قبول من البترول وسحبت ملفي من عزوز ورحت البترول.. الحين فرضآ بديت الدراسه وتورطط زي الاخ آقدر السنه الجايه اقدم على عزوز ولا خلاص مايسمحون لي لاني سحبت..؟ متحطم هع

لاعادي تقدر تقدم من جديد ولكن لهم شروط بعدد سنوات الشهادة " مدتها " ومايكون مفصول فصل تأديبي او شيء زي كذا اذا كله سليم تقدر تقدم بإذن الله عادي .. بالتوفيق

[alkozy]

تبادلو معي لا انقبلت في عزوز ان شاء الله ؟ :( :d