ايهما افضل التوفل ام بديل التوفل

[ورد المدينة]

صباح الورد والفل والياسمين

دائما اشوف في المنتدى يقولوا التوفل او بديل التوفل طيب ايهما اسهل بالحرف الواحد وايش الفرق بينهما ؟؟؟؟؟؟؟؟؟؟؟؟؟

ولازم اخذ التوفل من الجامعة ولا ينفع من اي معهد اختبر عندهم التوفل وايجيب الدرجة
وبالنت ايش رايكم فيه ؟؟؟؟؟؟؟؟؟؟؟؟؟؟
ماهي اقصى فترة لتقديم درجة التوفل بعد التقديم ؟؟؟؟؟؟؟؟؟؟؟

هل احياء دقيقة بالمدينة يختلف عن جدة يعني اللي بكيمل في جدة هل يحتاج مواد تكميلية ولا ما يحتاج؟؟؟؟؟؟؟؟؟؟؟؟

كم فترة دراسة الماجستير ؟؟؟؟؟؟؟؟؟؟؟؟؟؟؟؟؟

معليش استفساراتي كثيرة بس ايش اسوى

انتظر ارائكم اجوبتكم
جزاكم الله خير الجزاء

[ورد المدينة]

يالله ولا رد الله يستر

[qhn]

اختي الكريمة لو تسألين شؤون الدراسات العليا بالجامعة قسم البنات ترتاحين وتريحين وتاخدين الكلام الصحيح

[طالب المزيد]

دائما اشوف في المنتدى يقولوا التوفل او بديل التوفل طيب ايهما اسهل بالحرف الواحد وايش الفرق بينهما ؟

الأسهل هو بديل التوفل اللي في الجامعة gee

الفرق إن بديل التوفل إللي في الجامعة معتمد فقط في الجامعة فقط علي كلام موظفين الدراسات العليا

التوفل عالمي أعتقد حتي لو تروحي القطب الشمالي .. تلقي دب قطبي يمكن يقبل نتيجتك في الاختبار (:

-----------------------------------------------------------------------

ولازم اخذ التوفل من الجامعة ولا ينفع من اي معهد اختبر عندهم التوفل وايجيب الدرجة
وبالنت ايش رايكم فيه ؟

أنا في رأي الشخصي إنك تختبريه في الجامعة لانه عندي ( إحساس) إن اختبار 15-3-1430
إنهم مشوا كثير من الطلاب في الاختبار هذا لكثرة الشكاوي في المنتدى علي الاختبار اللي قبله
والله أعلم

وهذا لا يمنع إنك تختبري بره الجامعة .. ولكي حرية الاختيار

وبالتوفيق للجميع

[طالب المزيد]

اللهم يسهل أمري وأمركم

التصحيح

اللهم سهل أمري و أمركم

(: (: (: (:

[رامية]

السلام عليكم معلش على المداخلة
طالب المزيد إش أخبار إمتحانك في الشهر الماضي 15/3
هل إجتزت
وكيف مشو الكثير

[طالب المزيد]

المشاركة الأصلية كتبت بواسطة رامية السلام عليكم معلش على المداخلة طالب المزيد إش أخبار إمتحانك في الشهر الماضي 15/3 هل إجتزت وكيف مشو الكثير

أهلا رامية .. شكرا علي السؤال

الحمد لله جبت 460
وأنا جالس أحضر لاختبار القسم

مشوا الكثير .. لاني سمعت إن كل شخص يدخل اختبار بديل التوفل يحصل علي 200 درجة
حتي لو ما حل شي .. ولاحظت الكثير هذه المره عدوا الاختبار عكس الاختبار اللي قبله
يمكن زاده الـ 200 درجة هذه لكثرة الشكاوي علي الاختبار السابق .. والله أعلم

ما أدري حسيت كذا

ومره آخر .. شكرا علي السؤال

[رامية]

طالب المزيد أباركلك النتيجة وإن شاء الله تنقبل في الماجستير
أما أنا دخلت اإمتحان وارتحت كثيرا وشعرت أني أنجزت وخرجت وأنا متفائلة بل متأكدة ولم أشعر بصعوبه في الأسئلة وحليتها بفهم ولكني حصلت على اقل درجة ولم أنجح وهدا الإمتحان الثالث وما أعديه والحمد لله على كل حال

[ورد المدينة]

مشكورة على ردودكم الحلوة بس طيب واحد كيف يحضر للاختبار التوفل او بديل صح انه في كتاب ؟؟؟؟؟؟؟؟؟؟

[طالب المزيد]

جربي تراجعي الموضوع هذا .. إن شاء الله بيفيدك

http://www.skaau.com/vb/showthread.php?t=54552

وبالتوفيق إن شاء الله
ولا تنسونا من الدعاء