محتار في هذه التخصصات "ادارة مستشفيات ، قانون ، تربية" ؟؟ [مُع ـدل]

[الخيل لابيض]

اخوان انا محتار بين التخصصات ماذا في رايكم في التخصصات لاتيه اداره مستشفيات وتربيه خاصه وقانون من حيث طبيعه العمل والرواتب ولاجازات والفرص الوظيفيه

[كاتم السر]

والله كلها حلوة قريبة من بعض والوظيفة في المستقبل رزقها معها لاتفكر من ذلحين استخر وادخل اللي يدلونك اللي عندهم خبرة وبس .. نتمنى لك التوفيق .

[Patricia]

والله أنا كنت داخلة بقولك / قانون
بس شهادتي مجروحة فيه، وماينأخذ فيها..

الله يوفقك..

[الخيل لابيض]

ربي يوفقكم ومشكورين على مروركم وإن شاء الله نجد من يوفينا معلومات لانى مره حايس لان انا علمي واريد احول لان معدلى مايسمح لى دخول تخصصات حلوه ومدر ماذا اعمل هل تنصحونى بتحويل ودخول تربيه خاصه لانى مره احبه هذا التخصص ومدري شو مستقبله انا خايف ماله فرص وظيفيه حلو وانا اطمح اني اخذ الدكتوراه في هذا التخصص تكفون اللى عنده خبره في هذا التخصص او القانون يتفظل ربي سعدكم

[Dr.Sarro]

جدن رااائع تخصص التربية الخاصة بس لازم تدعم شهادتك بالدكتوراه والماجستير فيهم ^^
ولي مستقبل ..

بالنسبة للقانون اعتقد انو للبنات لي مستقبل كبير
في تخصص قانون تجاري رائع جدن للرجال برايي ، تشتغل في شركات لحدت تكون نفسك وتفتح مكتب باسمك وزي كدا ..
التربية الخاصة والقانون كل واحد فيهم يناسب شخصية بطريقة وزاوية معينه
شوف انتا ايش ميولك ..
وايش يتناسب معاك :)
الاتنين مستقبلهم رااائع
بالنسبة لادارة المستشفيات هوا مرا حلو ...
بس دكتور الاسنان اللي كنت اروحلو زمان قال انو كان يبغا تخصص ادارة المستشفيات بس اللي حوالينو مانصحو بي لان عندنا هنا اي احد عندو شهادة في الادارة وكدا يشغلو ويحطو فيها . . .
يعني لمن سمعت دا الكلام ماعجبني

كمان على تخصص الاشعة والمختبرات ماشجعني علي يقول انو تحتاجي شهادات تخليكي المديره عليهم في القسم مو تكوني اخصائيه في .. اضافة انو الناس سارو ممكن تدخل كلية العلوم تخصص كيميا حيوية او احياء مع كم دورة وتشتغل في المختبرات
اعرف اخر كلامي مالي علاقة بموضوعك بس حبيت افيدكم باللي سمعته واعرفه ..
بالتوفيق جميعا :)

[أم حبلص]

الاستخارة اهم شيء في مثل هذي الامور + انت شوف نفسك ايش المجال الاقرب لك لشخصيتك ..
كلها حلوة بس الاهم انك تعرف كيف تكون مميز في مجالك وايش هو المجال اللي انت قادر تبدع فيه وتجتهد عشان تحصل على الوظيفة الحلوة
وبالتوفيق

[angel--girl1991]

انا عن نفسي انصح كشباب انك تدخل قانون لانو هو اللي له ممستقبل طبعا كل تخصص ابدعت فيه راح يكون له تخصص بس انا اعطيك اللي له قبول عندنا واما عن تربية خاصه الناس هجمو عليه هجمه مدري ليه مع انو كان زمان الواحد ياخد دبلوم يعني كلها نفس الشي واداراه مستشفيات حلوو مررا بس احس صعب تلاقيله وظيفة لانو طبعا حيكون لك منافسين من الاداره والاقتصاد من هده التخصصات القريبه انا لو مكانك ادخل قانون بس هده وجهة نظر يعني وانتا لك حرية الاختيار واستخير ربنا كثير واستشير وماخاب من استخار
مووووفقين

[الخيل لابيض]

ربي يسعدكم ياحبايب ماتقصرو إن شاء الله ربنا يكتب مافيه خير لنا وللمسلمين دعواتكم