طريقة تسليم الاوراق ..

[so0osy]

مساءكـ / صباحكـ

جوري





اتمنى انكم تساعدوني

اول شي انا من مكه تخصص كيمياء وقدمت ماستر ادارة اعمال << نقله قويه

واللي فهمتو انو لازم نسلم الاوراق والموضوع شويه صعب عليا

فحبيت اسأل اذا تعرفو كيف ممكن ارسلها للجامعه خصوصا اني مااختبرت توفل وماادري كيف موضوع التعهد

طيب اذا مثلا مثلا مثلا انقبلت مبدئيا حيكون بعدو اختبار القسم
وبعدو النتيجه النهائيه ؟ ولنفرض ربنا يسرها ليا وانقبلت راح ادرس مواد تكميليه معاها التوفل ؟

بصراحه خايفه ان القبول صعب واتعب اهلي معايا ع الفاضي واتحطم منهم

<< ياكثر كلامها

اتمنى انكم تجاوبوني ولكم دعوه مني عن ظهر غيب



الله يسعد ايامكم ... ~

[يمامة سلام]

انا كلية آداب وطالبين مننا نكتب تعهد دخول دورة لغة انجليزية

وطبعاً نفس الحكاية من خارج جده ومن آخر الدنيا(انتي اهون بكثير مكه قريبة من جده)
انا من الشرقية..

ومافي امكانية انو أروح اسلّم الورق واكتب التعهد قمت وكتبت بخط يدي وانو إذا تم قبول أوراقي وجيت لامتحان
القسم راح اكتب التعهد اللي عندهم << فاكرة الدنيا والأنظمة على كيفها
ربنا يستر أخاف ما يقبلوا الأوراق..

بخصوص التوفل وبحسب ماقريت هنا انو فيه فرصة امتحان قريبة ياليت يفيدونك الأعضاء..

وإلا سوي مثلي اكتبي ورقة انك بتجيبي التوفل إذا انقبلتي..

وربنا يسهل ع الجميع..

[يمامة سلام]

وبخصوص ارسال الاوراق انا راح ارسلها ع البريد المكتوب في استمارة رقم الترشيح
شطر الطالبات..

[so0osy]

يمامة سلام


الله يعطيك العافيه ماقصرتي

بس انا عندي مشكله

اول ماسجلت قللي الطالب مسجل مسبقا

ولما دخلت رقم الهويه في الاستفسار عن الطلب طلعلي رقم الترشيح

قلت يمكن من الضغط ع الشبكه اتقبل الطلب بس ماطلعت لي شاشة الرقم

وماني عارفه كيف اذا كذا صح ولا لا


الله يكتب لنا اللي فيه الخير

[يمامة سلام]

المشاركة الأصلية كتبت بواسطة so0osy يمامة سلام الله يعطيك العافيه ماقصرتي بس انا عندي مشكله اول ماسجلت قللي الطالب مسجل مسبقا ولما دخلت رقم الهويه في الاستفسار عن الطلب طلعلي رقم الترشيح قلت يمكن من الضغط ع الشبكه اتقبل الطلب بس ماطلعت لي شاشة الرقم وماني عارفه كيف اذا كذا صح ولا لا الله يكتب لنا اللي فيه الخير

متى سجلتي الآن او بداية فتح التسجيل؟؟
لانو قريت هنا في بداية التسجيل البنات طلع لهم نفس المشكلة (الطالب مسجل مسبقاً)

ياليت اللي حصل معهم يجيون يفيدونك
لأن ماعندي أي فكرة

حاولي تكلمي الجامعة
مع اني دقيت اليوم مافي أحد يرد
بس جربي يمكن يردوا عليكي..

موفقة إن شاء الله

[so0osy]

يمامه

مستحيل احد يرد عليك لانهم عارفين الضغط والاسئلة اللي حتجيهم

ماعليك امر اكتبيلي البريد اللي حترسلي عليه الاوراق


انا سجلت تقريبا بعد يومين من بداية التسجيل

ياليت اللي صار لهم كذا يردو عيا

[يمامة سلام]

جامعة الملك عبدا لعزيز - وكالة عمادة الدراسات العليا

شطر الطالبات / وحدة القبول

ص.ب42801جدة 21551

[يمامة سلام]

طيب عندك فكرة كيف نستفسر عن وصول الأوراق؟؟

[زهوة]

بجد بجد إنتو بتجننوا ... الله يوفقكم يارب وييسهل الطيب للجميع

أنا من خارج جدة كمان ،، راح أرسل الأواق زيكم .. ماخطرت ببالي حكاية صندوق البريد اتوقعت إنه لازم يدا بيد وعشان كذا اترددت ..
بس ياريت أحد من المسؤولين لوكان موجود بالمنتدى يجي يقلنا إذا كفاية ارسال الأوراق بهذي الطريقة وألا ..

[يمامة سلام]

المشاركة الأصلية كتبت بواسطة زهوة بجد بجد إنتو بتجننوا ... الله يوفقكم يارب وييسهل الطيب للجميع أنا من خارج جدة كمان ،، راح أرسل الأواق زيكم .. ماخطرت ببالي حكاية صندوق البريد اتوقعت إنه لازم يدا بيد وعشان كذا اترددت .. بس ياريت أحد من المسؤولين لوكان موجود بالمنتدى يجي يقلنا إذا كفاية ارسال الأوراق بهذي الطريقة وألا ..

هلا فيكي زهوة..
على الله توصل بالسلامة أوراقنا..

لكن فعلاً كيف أعرف انهم استلموا اوراقي وانو ممكن ادخل امتحان القسم..

اتوقع كفاية لان كثير بنات هنا راح يرسلوها بالبريد..