طـالـبـات الــدمــام ، اللـي ضـايــع لهـا جـوال ..؟

[عبدالله العاصمي]

.

السلام عليكم ورحمة الله وبركاتة

طالبات الدمام

بعد ماطلعت من الاختبار اتجهت لسيارتي وكانت مقابله للباب اللي يخرجون منه الطالبات
فوجدت جــوال طايح بالارض بالقرب من سيارتي ، وكان الجوال مغلق .
حاولت اشغل الجوال لعلى وعسى صاحب الجوال يدق عليه ولكن كانت الشريحة برقم سري ،
ولذلك حطيت شريحتي في الجوال وشغلته واشتغل معاي ، الجوال لا يوجد فيه اسماء حتى اتصل بها ،
ولكن يوجد فيه ( صور ومقاطع فديو خاصه ..... ) ، ومما اتضح لي انه جوال بنت ،
ومن باب احترام الخصوصيه ( قفلت الجوال ) والجوال موجود عندي الآن ،

لذلك ارجو منّ من يهمه الامر
سوآ كانت هي صاحبة الجوال أو تعرف من هي صاحبة الجوال أن توضح لي عدة امور :
1- نوع الجوال
2- لون الجوال
3- نوع الشريحة ( اتصالات ، موبايلي ، زين )

ملاحـظـة /
1- لن اسلم الجوال الا شخصيآ لصاحبة الجوال او من ينوب عنها ( ولي آمرها ) وهذا للخصوصية التامه .
2 - انا موجود في الدمام الى بكره ( بعده بسافر وبرجع للوسطى ) .

الله يغنيني وأياكم بحلاله عن حرامه

.

[ابو ريوفي]

الله يجزاك الف خير ويكثر من امثالك

[نوفـــــا]

جزاك الله الف خير وان شالله يرجع الجوال لصاحبته !

[عبدالله العاصمي]

^

أخي ابو ريوفي / يجزاني وإياك والمسلمين اجمعين كل خير

أختي نوفـــــا / يجزاني وإياك والمسلمين اجمعين كل خير ، وان شاء الله تعالى بيرجع الجوال ،
حتى لو كلفني ذلك الانتظار الى يوم الجمعه ، مع العلم انه عندي دوام يوم السبت

.

[خالد الطالب]

بارك الله فيك ع الامانه

ان شاء الله تلقى راعي الجوال

[ro7i Leek]

الله يبارك فيك وفي أمانتك ..

ان شاء الله صاحبة الجوال تشوف الموضوع

[mesho.ksa]

الله يعطيك العافية آخوي عبدالله وشكرآ لك على امانتك


المشكلة ان الجوال لآيوجد فيه ارقام ولآ كان سهل عليك مهمة تسليمه لصآحبته


كثر الله من آمثإلك ويعطيك الف عافية


وبالنسبة لموضوعك بقسم السنة التحضيرية تم تنفيذ طلبك




موفق

[ضحـى]

لمزيد من التأكيد وانك تسلم الجوال لصاحبه الاصلي

خليه يعطيك الرقم السري للشريحه وافتحه وتأكد

مو يجي اي احد يخمن وياخدو

[عبدالله العاصمي]

المشاركة الأصلية كتبت بواسطة ضحـى لمزيد من التأكيد وانك تسلم الجوال لصاحبه الاصلي خليه يعطيك الرقم السري للشريحه وافتحه وتأكد مو يجي اي احد يخمن وياخدو

ماراح اعطي الجوال لأي شخص مهما كان
الا بعد ما يعطيني الرقم السري وجهآ لوجه ، واشغله واتأكد .

[عبدالله العاصمي]

^

أشكركم جميعآ

وبارك الله فيكم وفي جميع المسلمين يآرب

عزيزي ميشو ( مشرف ملتقى الإنتساب التحضيري ) أشكرك على تنفيذ الطلب ، لاهنت وبيض الله وجهك