بالجامعة كن البشر غير البشر !!!

الفاغر · #1 29-03-2009, 01:32 AM

(مجرد خاطرة)

بالجامعة كن البشر غير البشر ..

ناس جايه من القمر ..

جينز تي شيرت بنكي ..

سلسلة وخاتم وإسورة ..

وأهم شي تسريحة شعر ..

بالجامعة صاروا البشر ماهم بشر ..

ناس جايه تحتضر ..

أشباح تدرس هنا ..

وكأنها ما هي هنا ..

أشباح طلاب ذابحها السهر ..

بالجامعة .. جن البشر ..

كلام دكتورك درر ..

حتى ولو قال ..

(بلطنا البحر )..

ولو تعارض ..

تصير عبرة لمن لا يعتبر ..

بالجامعة .. بس ..

تدخل القاعة ..

كأنك داخل قبر ..

بالجامعة .. ما احنا بشر ..

والله عجزنا نرتب صفوفنا ..

اليوم بصلاة الظهر ..

بالجامعة انسى معاملة البشر ..

تدرس طووول الترم شي ..

وفي شي ثاني تختبر !! ..

واصحى تسأل عن شي ..

إختبر وروح بيتك وانثبر ..

ولا انتحر ..

لا انتظر ..

نصيحة لا تنتحر ..

بالجامعة يحرم الطالب المنتحر ..

بقلم:
محمد الشاعر

طقوس ..~ · 29-03-2009, 02:45 AM

بالخاطره قراءت الدرر

قراءت ابداع الصور
قراءت قرار صدر

من محكمه كل من فغر

/

قلمك اضحكني بدموع حسره والم

وقليل من الاقلام تلك

الى الامام

بتميز الفغاره

ستجنى المزيد من الابداع
,

همسه :

يظهر لي انك تمتلك اشعار من تأليفك

اتمنى ان اراها يوما على صفحات المنتدى

,

دمتم بود

توووbearooيتي · 29-03-2009, 09:35 PM

ههههههههههههه حلو النقد الساخر...
الفاغر طيب ماينفع تقفل فمك وأنت تنااظر رعبتني هع هع هع نقرتين لعرض الصورة في صفحة مستقلة

*nar*jes* · 29-03-2009, 09:42 PM

بالجامعة .. بس ..

تدخل القاعة ..

كأنك داخل قبر ..

بالجامعة .. ما احنا بشرسلمت يداك ..والله انك جبتها على الجرح
بالجامعة محنا بشر
الله يحميك ويوفقك ....ننتظر من ابدعاتك المزيد
اشكرك بقووة

الفاغر · 30-03-2009, 01:06 AM

خوخه , تويتي , نرجس

مشكوووورين على المرور

همسه (بصوت عالي):

وين الشباب؟؟

غلا&جده · 30-03-2009, 06:48 AM

هههههههههههههههههههههههههههه

باين انك متعقد حيييييييييييييييل من الخاطره هع

يسلموووووووو

كفاني عذاب · 30-03-2009, 05:51 PM

أنا أشهد انك فااغــر << مسووي يمدح خخخ

كلماات ولا اروع خيوو وصح انها ساخره

لكن فيها نوع من الحزن الداخلي

الى الامام اخوي ويعجبني النثر لمن يكون في القضايا الاجتماعيه

لانها تكون قريبة من الانسان

تحياتي لك يا ذيب :)