توقعاتكم بالنسبة لنسب تسكين الطب السنة هاذي

[عاشقة التحدي]

السلام عليكم ورحمة الله وبركاته
نسب التسكين حقت السنة اللي فاتت بالنسبة للطب التالي:-
النسبة العامة>>93
النسبة الخاصة>>85
طبعا بالنسبة للبنات
فأنا ابغا اعرف هل النسبة حترتفع ولا لأ؟؟
طبعا حتقولون ايش عرفنا بهذا الشي؟؟!
بس انا ابغا لو تخمين بسيط يسير اتطمن
يعني من الواقع اللي حوليكم شايفين الدرجات عالية ولا متوسطة يعني بتوصل لأاعلى من هذي النسب ولا لأ؟؟؟!
شايفين بنات كثير يبغوا طب؟؟!
ومشكووورين مقدما على التخمين اللي بتخمنوه معايا

[S.Bn]

و الله انا اشوف البنات ما شاء الله اللي يبو الطب درجاتهم عال العال

بس كثير و لا لأ مدري و الله

يا رب انقبل في الهندسة

[ساعتي خربانه]

انا بالشرفية وكتير وربي ماجدين اربعا بوينت ثمانية والي ماخد خمسة
ادا الشرفية درجاتهم مرة مرة مرة عأية اجل كيف بنات السلمانية
انا اتوقع الطب يوصل 93 وفوق مراآاآ

ويارب تخفض يارب يصير شئ بالنطام ،يقبلوني بالغلط طب
يارب حقق احلامي

[Miss.JA]

وعليكم السلام ورحمة الله وبركآته ..

صعب التخمين .. بس بقول على الي شفتو من درجات :p ! ويوم سألت حقت الطب ف يوم التسكين هذا الي سووه

* يوم التسكين لما سألت حقت الطب عن توقعاتها للنسب هل ترتفع او لا ! قالت لي اتوقع ترتفع مرا لانو الناس بدأت تستوعب التحضيري مو زي اول دفعه + تقولي كل سنه ترتفع عن الي قبلها ... ( الكلام هذا قبل مايفتحو الهندسه )

* اما درجات البنات الي درست معاهم ماشاءالله عاليه وكثير جايبين 5 بس بما انهم فتحو تخصص هندسه احس انو ماراح ترتفع نسبة القبول في الطب مرا ,, لانو تقريبًا 60 بنت ( والاغلب معدلاتهم 5 ) يبغو هندسة .. ف راح يخفف هذا الشي عن الطب ... ( برآيي ) :)

هذي توقعات بس .. ممكن تصيب وممكن لأ ,, وبالتوفيق وان ششاءالله كل وحده تدخل التخصص الي تباه :*

[كياني]

94 هه 93 ونص هه
حولها حولها

[جنوُوُنْ شآع‘ـرةً]

موآضيع التوقعآت تحبطنيً نوعآ مآ ما ادري ليش !!
نخليهآ على ربً العالمين افضل
مصصيرنا نشوفً النتايج بعدينً

[محمد907]

هل تعتبر 92 و 93 نسبة التسكين عالية ؟

[ريتشارد]

المشاركة الأصلية كتبت بواسطة محمد907 هل تعتبر 92 و 93 نسبة التسكين عالية ؟

لا طبعا مو عالية ، لأنه وبكل بساطة أعداد الطلاب بالدفعة كبير
والفرع الرئيسي للطب يقبل تقريبا 150 طالب إنتظام و30 تقريبا موازي بدون مكافئة يعني
نقول 180 طالب وإذا مرة 200 ، الـ 200 طالب تم قبولهم من بين 3000 الآف طالب إنتظام
إذا مو اكثر بعد وبالمنطق نسبة 92 او 93 من بين هذي الأعداد الكبيرة يعني ولا شيء .

[محمد907]

المشاركة الأصلية كتبت بواسطة ريتشارد لا طبعا مو عالية ، لأنه وبكل بساطة أعداد الطلاب بالدفعة كبير والفرع الرئيسي للطب يقبل تقريبا 150 طالب إنتظام و30 تقريبا موازي بدون مكافئة يعني نقول 180 طالب وإذا مرة 200 ، الـ 200 طالب تم قبولهم من بين 3000 الآف طالب إنتظام إذا مو اكثر بعد وبالمنطق نسبة 92 او 93 من بين هذي الأعداد الكبيرة يعني ولا شيء .

يعني دخول الطب عندكم أسهل من عندنا.

الله ييسر ويعين.

[ريتشارد]

المشاركة الأصلية كتبت بواسطة محمد907 يعني دخول الطب عندكم أسهل من عندنا. الله ييسر ويعين.

اب تو يو هذي الأشياء راجعة لمستوى الدفعة حاليا والظروف اللي حاصلة عليها
حاليا النسب عندكم اقوى لكن هذا الشيء ما يكون مُطلق لأن حتى مناهجكم تختلف
شد حيلك اخوي وبالتوفيق ..