بنات ساعدوني خالي تخرج من الطب ابغى هدايا تخرج

[hanany]

اعطوني ارئكم ايش اهديه بس تكون فخمة تليق ماابغى اهدي اي كلام

[O-DODY-O]

والله انا عن نفسي الاولاد هذولا مشكله ما تدري ايش تديهم

بس عن نفسي عن نفسي

كلمت ابويا قلتلو يشتري سياره لأخويا عشان الوظيفه وحددت نوع السياره <لأنو هوا نفسو فيها بصراحه

وهذا غير الهدايا اللي من عندي بشتريلو عطر من شانيل وساعه من سواتش وبعملو بارتي كبير ان شاء الله

وحالياً هوا ذا اللي فكرت فيه


------

بس خالك ما اعرفلو

انتي شوفي هوا بإيش يهتم زي مثلاً ..
في شباب يحبو النضارات
وفي شباب يحبو الساعات
وفي شباب يحبو العطور
وفي شباب يحبو الاقلام
وفي شباب الله يعينك عليهم ما تدري ايش تديهم (جنوط للسياره) تنفع ـههههههههـ من شدة اهتمامهم بسياراتهم وتزبيطهم لها

(ترا الاشياء اللي قلتها من نضرتي لأخواني كل واحد عندو حاجه مهتم فيها)

والله يوفق خالك وعقبال الوظيفه ان شاء الله

[حلاي من حلى روحي]

عزيزتي
اولا بحسب الميزانيه اللي عندك هيا اللي تحدد ايش الهديه..

ممكن درع او تيشرت طابعه فيه صورته +بيتين شعر او اي عباره بمناسبه تخرجه
اوممكن تحطي بصندوق كاب+عطر+مجموعه جسم + نظاره ...الخ( شوفي اللي يعجبه وحطيها كلها مع بعض)..

والف مبروووك تخرجه وعقبال الوظيفه يارب=)