بخصوص ماستر الأدب الانجليزي والقدرات

[Emmy1]

السلام عليكم.


تخصصي انجليزي و أرغب بالتقديم ع ماستر الاأدب الانجليزي لأنو الاعادة مو مضمونة وجبت درجة الكفايات تقريبا ومعدلي حلو ماشاء الله. لكن خايفة من القدرات وبعرف كم النسبة اللي يأخذوها من قدرات الجامعيين ولا بس اختبر وما يطالعوا في الدرجه الا للمفاضلة ؟! لانهم مو كاتبين نسبة معينة في الموقع. و المفاضلة للمعدلات الاعلى ولا كيف ؟!

[اوديسا]

المشاركة الأصلية كتبت بواسطة emmy1 السلام عليكم. وبعرف كم النسبة اللي يأخذوها من قدرات الجامعيين ولا بس اختبر

::: وعليكم السلام ورحمة الله وبركاته:::

المشاركة الأصلية كتبت بواسطة أم ميسا لا يوجــد درجة محدةة لكن كل ما كانت الدرجــة أعلا كانت فرص قبولك أكثر القدرات لها 40% من نسبــة المفاضلة عادة أي علامة فوق ال 75 تعتبر جيده

[اوديسا]

المشاركة الأصلية كتبت بواسطة Emmy1 تخصصي انجليزي و أرغب بالتقديم ع ماستر الاأدب الانجليزي لأنو الاعادة مو مضمونة وجبت درجة الكفايات تقريبا ومعدلي حلو ماشاء الله

::: ماجستير الأدب الإنجليزي :::

[اوديسا]

المشاركة الأصلية كتبت بواسطة emmy1 و المفاضلة للمعدلات الاعلى

::: نعم :::

[Emmy1]

جزاك الله خير

و 40 ع القدرات مرررة كتير :(

[ماجت على كيفي]

كيفك أختي emmy1
أنا أختبرت قدرات وحصلت على 81
أختبرت إستيب وحصلت على 83
وخريجة جامعة الطائف بتقدير ممتاز 3.55 من 4
ولم يتم قبولي الحمد لله على كل حال
والله تحفرت خدودي من كثر البكي وإلى الأن ماتروح من قلبي
يعني حاولي تجيبي 90 في القدرات وأكثر
تحياتي

[Emmy1]

ماشاء الله وما انقبلتي ؟ والله قهر


يعني انا جيدجدا مرتفع ومرتبة شرف تانيه ومن جامعة ام القرى يعني انجاز لانو قسمنا خطة سيئة ودكاترة الحمد الله بس.
وجبت في الكفايات 82 وحاسة في الكفايات ان شاء الله اعلى من الاول لاني الاول رحت في الليل وكان عندي دوام من 8 مرررا كنت مرهقة. وامس خبصت في القدرات صراحه حتى اللفظي كان صعب عليا لانو سنين ونحنا نقرأ وندرس انجليزي وانا حاولت اطور الانجليزي واهملت العربي مررا ما اتوقعت لو بكمل ماستر ادب ح يطلبوا شيء غير المعدل واللغة

[ماجت على كيفي]

المشاركة الأصلية كتبت بواسطة emmy1 ماشاء الله وما انقبلتي ؟ والله قهر يعني انا جيدجدا مرتفع ومرتبة شرف تانيه ومن جامعة ام القرى يعني انجاز لانو قسمنا خطة سيئة ودكاترة الحمد الله بس. وجبت في الكفايات 82 وحاسة في الكفايات ان شاء الله اعلى من الاول لاني الاول رحت في الليل وكان عندي دوام من 8 مرررا كنت مرهقة. وامس خبصت في القدرات صراحه حتى اللفظي كان صعب عليا لانو سنين ونحنا نقرأ وندرس انجليزي وانا حاولت اطور الانجليزي واهملت العربي مررا ما اتوقعت لو بكمل ماستر ادب ح يطلبوا شيء غير المعدل واللغة

هذا إللي صار معايه يعني لازم أكون دافورة في الجزء الكمي عشان أنقبل أدب إنجليزي شي عجب وتعقيد غير منطقي

[Emmy1]

المشاركة الأصلية كتبت بواسطة ماجت على كيفي هذا إللي صار معايه يعني لازم أكون دافورة في الجزء الكمي عشان أنقبل أدب إنجليزي شي عجب وتعقيد غير منطقي

مررا واصلا ظلم لانو يوم حسبت معدلي من النسبة المكافئة يساوي 50٪ والباقي قدرات مرررا ولا حق الكرف اللي كرفتو في البكالوريس. واصلا ادب انجليزي يعتمد على اللغة مو الكمي انا ما عمري يوم حللت مسرحية احتجت اعرف مساحة المربع ولا المضلع. ولا يوم اسوي ابحاث احتجت استخدم اي شيء له علاقة بالكمي يعني لو وحده معدلها اقل وقدراتها اعلى مني ممكن تنقبل طيب ليش نحنا اجتهدنا 4 سنين واتخصصنا انجليزي وتعبنا وبعدها يقولوا لازم قدرات يعني الكفايات لازم صح لانو اكتر البرامج بالانجليزي لكن القدرات تعجيز بس

[نايف 26]

أعتقد القدرات منصفه للجميع بشرط أن تكون أسئلة القدرات منطقيه ...لأن هناك في الجامعات م يحصل على معدل عالي بسبب الحظ الجيد في الخطة الدراسية وتعاون الأساتذة في بعض الجامعات ولذلك أعتقد أن القدرات يجب أن تأخذ حقها ولكن أأكد على ضرورة أن تكون الأسئلة منطقيه وتقيس مستوى الطالب ولا تهضم حقه كما يحصل الآن في بعض إختبارات قياس.