يواسيني وانا الميت

[الحـ العيوف ـلم]

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[حنين الروح]

آآآآآآآآآآآآآآآآآآآآآآآآآه ياربي
الله يصبرو ويقويه ويرحمها

[Taurus]

شعر صادق و مؤثر.. من قلب محروق..
يار ب ينزل على قلبه الصبر و السكينة..
ويرحم أمه و يدخلها فسيح جناته..

[الباحث عنها]

ما أصعبها من مواساة

[Naser]

من أروع ما قرأت .. ومن أألم ما عرفت :(
مشكورة على النقل الحلم

أدمن

[الحـ العيوف ـلم]

العفو لكم كلكم وانا اللى أشكركم على ردودكم لمواضيعي المتواضعه تواجدكم فيها شهاده أعتز بها

وأهم شئ من مواضيع مثل كذا العضه والعبره000وزي ما يقولون الواحد ما يحس بالنعمه إلا عقب ما يفقدها وإذا فات الفوت ما ينفع الصوت

الزبده ما نبي نخصر أشياء يمكن نشوفها عاديه بحياتنا اليوميه لكن هي بالواقع اغلى من كنوز الدنيا كلها وبعدين نندم عليها ونقول يا ليتني سويت وفعلت وقلت وكلمة ليت ماتعمر بيت

تـحـــيـاتـــي

[Taurus]

القصيدة أكثر من رائعة ....
مشكوور الصقر ...
و تم دمج الموضوعين و الردود...

[alsagr]

تسلمون على التنويه أعلاه ..............................

وصدقوني كم هو مؤلم ان يكون الانسان سبباً في فقد أمــــــــــــــــــــــــه ز

شكراً على الدمج

[NooDy]

لا تعليق ..

فعلا احساس لا رد له ولا مواساة ..

بس الله الله يصبره ويرحم والدته ويغمد روحهاالجنة ياااارب ..

ماادري يمكن مااقدر اقول شكرا ,, هل اشكر عالاحساس المؤلم ؟؟

بس اكيد شكرا عالنقل ...

[مستشار]

اشتـكـي هــم وغرابـيـل و حــزن
داعـيـن ربــي مجـيـب الـدعـيـات

ضاق صدري زود وعيوني بكن
قلت إنــا إلي فيـه عزونـي عـزات
‏
اسألوا قلـبـن لـهـا دايــم يـحـن
حبـهـا نـابـت عـلـى أرضه نـبــات‏

واسألوا عينّ بكتـهـا فــي شـجــن
جرحـتـهـا دمـوعــن حـامـيـات‏

قالوا أنت ألي عــزاه نـحـن
قـبـل تتـوفـى عطتـنـا لــك وصــات‏

قالـت أوصيكم بـمـن حـبـه فـتـن
قلـبـي وروحــي لحـبـه شـاهـدات‏

رددت اسمـك وهـي مابيـن المحـن
قالـت انـه هــو أعــز الأمنيات

كـل شـي قبـل موتـي ذكـرن
اسـعـد اللحـظـات وأحلى الذكـريـات‏

مـع حبيـب الـروح لكـن الـزمـن
اصــدر أحكامه عليـنـا جـاريـات‏

بالقدر نرضـى وربـي قـال كـن
وكانـت الفرقَ مــا مـنـه مانـعـات‏

وأخر إللي قالـتـه لا يقطـعـن
من زيــارة مــع سـلامـن كـفـيـات‏

ربــي يرحمـهـا كريـمـن مايـمـن
يعـطـي بـرايـه بــدون مـشـاورات

يجعـل تسكـن فـي جنـات عـلـن
جـنـت الـفـردوس اعـلـى العالـيـات