التحويل من فرع الشرفية لفرع السليمانية.,

[Louz]

مررحباا بناات
ابا اسأل و ي ليت تفيدوني
انا كان ترشيحي بالاستماره ف السليمانية بس لما روحت كان فرع السليمانية تقفل خلاص وحطوني بالشرفيه
واليوم صاحبتي راحت موعدها وقالو لها تقدر تحول من الشرفيه للسليمانية بسهولة عن طريق النت التحويل من كلية لكلية..
السؤال الحين كيف؟ ومن وين؟ ومتى؟ ومين قد جربت شي كذا تفيدنا.. >> ماقصرت بالاسئلة
جزااكم خيير مقدماا

[Amal Bakhsh]

آهليين

انا في الشرفية زيك ههههههه وفي البداية زعلت بس بعدين شفت صور ليها بصراحة احسها حلوة وصغيرة ومولازم تمشي كتير عشان توصلي للمحاضرة...بس ما عندي فكرة عن التحويل و اتمنى احد يفيدك :)

[Louz]

هلا امل :)
يب حتى انا عجبتني بس ابا اكون مع صاحباتي d:

[المستندات]

المشاركة الأصلية كتبت بواسطة louz هلا امل :) يب حتى انا عجبتني بس ابا اكون مع صاحباتي d:

شوفي يااا عسلة
أنا كنت زيك بالزبط
وكانت صحبتي اللي أعرفها من التمهيدي بالسليمانية وأنا بالشرفية
لما عرفنا إنو كل وحدة انقبلت بمكان زعلنا بالبداية وهي زعلت أكثر
بعدين قلتلها يابنتي خيرة وكدا ما حنقعد نلعب سوا وكل وحدة تنتبه لدراستها أكثر
إنتي أكيد لما تتخصصي ما حتدخلي تخصص زيهم عشانهم صحباتك بس
فلازم تبدأي من الحين تفكري أنو أنتي حتبدأي لوحدك بدون صحباتك لإنو كل وحدة بتكمل بتخصص شكل بالنهاية
بس تواصلي معاهم بكل وسائل المواصلات المختلفة
وترا الشرفية جدا حلوة والكل متعاونين إلا من رحم ربي
وصحبتي بالسليمانية تشتكي من كل دكتورة درستها
كمان بالسليمانية المباني بعييييدة عن بعض وحر وحااالة ما يعلم فيها إلا الله
فشوفي المميزات كثيرة بالشرفية والله

كمان التحويل من كلية لكلية أكيد قصدها حق التخصص
الحين نحنا عندنا التحويل من كلية لكلية
بس سالفة من شرفية لسليمانية قد جربوها كثير وما نفعت معاهم
بس كأني سمعت في الترم الثاني زبطت معهم والله أعلم

إنتي استخيري وشوفي واللي فيه الخير ارضي بيه
بالتوفيق

[Waah Fdatek]

شوفي حبيبتي .. أنا مثلك أنقبلت في الشرفية .. بس من العام أنا ..
مو من دفعتكم ..
صح في البداية زعلت وقلت لا .. وش يوديني هناك أنا لوحدي ..
وما أعرف أحد وصحباتي كلهم في السليمانية ..
وشويت مناحه .. ولا وبعد تأهيلي مو انتظام .. عاد تعالي شوفي الحاله كيف ..
لكن من بدينا من أول يوم تعرفنا على بنات ..
حتى البنات يحبوا يتعرفوا على أحد .. محد هناك يحب الوحدة ..
فلا تزعلي لو كنتي في الشرفية .. ترى جدا جميلة وصغيرة وملمومة على بعضها ..
حتى لو تعرفتي ع بنات أربع وعشرين ساعه بوجهك .. ما يمديكم تطلعوا من محاضرة إلا هم وجهك ..
تنبسطوا شوي وترجعوا محاضراتكم .. تعرفي على بنات غير .. لأنهم هم كمان يحبوا يتعرفوا عليك ..
أنا يكلامي هذا ما قصدي اقولك أقعدي بالشرفية وكذا .. لا ..
لكن لو حصل وما قدرتي تحولي السليمانية .. إلا وانتي متقبلة الوضع وما تتضايقي مثلي ..
أنا غلطتي اني تضايقت ونكدت على عمري .. لكن الحمد لله تعرفت ع بنات أحلى من السكر ..
والله كل ما اتخيل فراقهم بعد التسكين وكل ما اتخيل انو كل وحده منهم بتخصص .. أنهار من البكا ..
لأنه شيء جدا مؤلم تتعرفي على أحد وتتعودي عليه وفجأة تتفارقوا ..
عموما .. الله يكتبلك اللي فيه الخير ..
عن جد اتمنى تروحي فمكان يكون لك فيه خير ..
وبالتوفيق عيوني ..

[Rawaby]

المشاركة الأصلية كتبت بواسطة waah fdatek شوفي حبيبتي .. أنا مثلك أنقبلت في الشرفية .. بس من العام أنا .. مو من دفعتكم .. صح في البداية زعلت وقلت لا .. وش يوديني هناك أنا لوحدي .. وما أعرف أحد وصحباتي كلهم في السليمانية .. وشويت مناحه .. ولا وبعد تأهيلي مو انتظام .. عاد تعالي شوفي الحاله كيف .. لكن من بدينا من أول يوم تعرفنا على بنات .. حتى البنات يحبوا يتعرفوا على أحد .. محد هناك يحب الوحدة .. فلا تزعلي لو كنتي في الشرفية .. ترى جدا جميلة وصغيرة وملمومة على بعضها .. حتى لو تعرفتي ع بنات أربع وعشرين ساعه بوجهك .. ما يمديكم تطلعوا من محاضرة إلا هم وجهك .. تنبسطوا شوي وترجعوا محاضراتكم .. تعرفي على بنات غير .. لأنهم هم كمان يحبوا يتعرفوا عليك .. أنا يكلامي هذا ما قصدي اقولك أقعدي بالشرفية وكذا .. لا .. لكن لو حصل وما قدرتي تحولي السليمانية .. إلا وانتي متقبلة الوضع وما تتضايقي مثلي .. أنا غلطتي اني تضايقت ونكدت على عمري .. لكن الحمد لله تعرفت ع بنات أحلى من السكر .. والله كل ما اتخيل فراقهم بعد التسكين وكل ما اتخيل انو كل وحده منهم بتخصص .. أنهار من البكا .. لأنه شيء جدا مؤلم تتعرفي على أحد وتتعودي عليه وفجأة تتفارقوا .. عموما .. الله يكتبلك اللي فيه الخير .. عن جد اتمنى تروحي فمكان يكون لك فيه خير .. وبالتوفيق عيوني ..

طيب كيف الدكتورات هناك ؟!!
انا برضوا سنة تحضيرية في الشرفية
وكيف الملابس ؟ّ!!
عادي لو نلبس جينز أو نجلس بالعبايات وكدا ولا ممنوع ياليت تفيديني وجزاك الله خير <3 !!

[Waah Fdatek]

المشاركة الأصلية كتبت بواسطة rawaby طيب كيف الدكتورات هناك ؟!! انا برضوا سنة تحضيرية في الشرفية وكيف الملابس ؟ّ!! عادي لو نلبس جينز أو نجلس بالعبايات وكدا ولا ممنوع ياليت تفيديني وجزاك الله خير <3 !!

اممممم .. الدكتورات ممتازات .. بس طبعا فيه فرق بينهم وكذا ..
يعني تجيك وحده أحسن من الثانية .. لكن كلهم ممتازات ..
يعني لا تخافي من هذي الناحية ..
تقدري ترجعي لقسم الملخصات والمواضيع المميزة وتقرأي عن أحسن الدكتورات في الشرفية ..
لأنه أنا كنت تأهيلي وكانوا استاذاتنا مو ذاك الزود .. يعني مشّي حالك ..
لكن الانتظام كانوا دكتوراتهم احسن ..
وزي ما قلتلك ارجعي للمواضيع القديمة واسألي ومحد مقصر .. ماشاء الله عليهم كل شي كتبوا عنه ..


أما الملابس .. تجي بتنورة ما تكون مرة قصيرة .. لانهم بيسحبون بطاقتك وكذا ..
مافي بناطيل او جنزات أبدا .. حتى لو جلستي بالعباية .. لأنهم راح ينتبهوا خصوصا الأمن والمشرفات .. فـ من البداية ريحي نفسك والبسي تنورة ..
بس تقدري تجلسي بالعباية محد يكلمك بس لبسك تنورة .. بس بعض الدكتورات زي دكتورتي .. ما تخلينا بالعباية ..
تقول شيلي العباية قبل ما تدخلي المحاضرة ولا ما تحضري .. مدري وش تحس فيه !!! ..

العام سمحوا بالبناطيل قاموا البنات فصخوا الحياء .. صرنا نشوف مناظر عجيبة ..
ورجعونا ع التنانير .. عموما اللبس أي شي بس يكون تنورة ...

عموما لو عندك أي شي .. ترى أنا موجودة .. يعني أول ما تداوموا انا راح أكون معاكم في الشرفية لاني بعد ما خلصت تحضيري ..
وإن شاء الله نتقابل هناك ..
بالتوفيق ..

[يارب يسرلي]

المشاركة الأصلية كتبت بواسطة waah fdatek عموما لو عندك أي شي .. ترى أنا موجودة .. يعني أول ما تداوموا انا راح أكون معاكم في الشرفية لاني بعد ما خلصت تحضيري .. وإن شاء الله نتقابل هناك .. بالتوفيق ..

ليش لسا ماخلصتي تحضيري؟؟>>لقاافه

[Waah Fdatek]

المشاركة الأصلية كتبت بواسطة يارب يسرلي ليش لسا ماخلصتي تحضيري؟؟>>لقاافه

لا ما خلصت يا سكره .. لأني حملت مواد وكذا ..
وباقي أكمل المواد اللي علي بالتحضيري..
أهم شي اللقافة هههههههههههههه

[يارب يسرلي]

المشاركة الأصلية كتبت بواسطة rawaby طيب كيف الدكتورات هناك ؟!! انا برضوا سنة تحضيرية في الشرفية وكيف الملابس ؟ّ!! عادي لو نلبس جينز أو نجلس بالعبايات وكدا ولا ممنوع ياليت تفيديني وجزاك الله خير <3 !!

الشرفيه حلوه والله ومريحه كل شي قريب من بعضه
بالنسبه للبنطلون الله اعلم اش بيكون النظام ع سنتكم لانو مره قالوا لنا عادي وبعد كم اسبوع رجعوا منعوه فما اعرف اش راح يقولوا لكم
انتي اداري ولا علمي؟؟ عشان اقولك مين احسن الدكتورات