اريد انا احول من كلية العلوم لكلية اخرى

[طالبة منتظمه]

السلام عليكم و رحمة الله وبركاته
انا طالبة انقبلت في كلية العلوم بس انا ابدا مو حابة ادرس فيها
فان شاء الله حدرس ترم و الترم التاني احول لكلية الاقتصاد و الادارة
او كلية الاقتصاد المنزلي
فلو انا حابة احول لكلية الاقتصاد والادارة ايش القسم اللي ادخلو احصاء و لا رياضيات !!
و نفس الشي لكلية الاقتصاد المنزلي
و بالنسبة للمعدل المطلوب لتحويل لكلتا الكليتين
ياريت تفيدوني .. و جزاكم الله الف خير

[picasso]

ان شااء الله يفيدوك , بالتوفيق ..

[طالبة منتظمه]

إن شاء اللـه

[بريد الاحساس]

شوفي التحويل للاقتصاد والادارة يحتاج منك تشدي حيلك وتجيبي 5 هذي عاد شروطهم الترم الماضي !!

بس أنا ماني فاهمه قصدك ؟!
انتي تسألي ايش أسهل عشان تجيبي معدل ؟!! والا قصدك ايش التخصص اللي قريب من اللي تبي تحوليه ؟!

[LeLou]

المشاركة الأصلية كتبت بواسطة طالبة منتظمه السلام عليكم و رحمة الله وبركاته و عليكم السلام و رحمة الله و بركاته.. انا طالبة انقبلت في كلية العلوم بس انا ابدا مو حابة ادرس فيها فان شاء الله حدرس ترم و الترم التاني احول لكلية الاقتصاد و الادارة او كلية الاقتصاد المنزلي فلو انا حابة احول لكلية الاقتصاد والادارة ايش القسم اللي ادخلو احصاء و لا رياضيات !! ادخلي أي شي ما يفرق لأنه ما أظن أنه في مواد راح تتعادل لك.. لذلك,, ادخلي أي تخصص و أضيفي مواد عامة و حرة بس لأنها راح تتعادل إن شاء الله،، و لو أصروا أنك تضيفي مادة تخصص أضيفي مادة واحدة فقط.. وشوفي إنتِ فين ممكن تجيبي درجة أحسن في الماث و لا الإحصاء.. + روحي للمشرفة الأكاديمية و قولي لها أنا أبغى أحول لذلك نزلي لي مواد أقدر أرفع بيها معدلي.. و نفس الشي لكلية الاقتصاد المنزلي نفس الكلام إللي فوق.. بس بالنسبة للاقتصاد المنزلي،، لو تبغي تغدية ممكن تدخلي أحياء لو حابة.. و بالنسبة للمعدل المطلوب لتحويل لكلتا الكليتين المعدل كل سنة يطلعوا لهم طلعة,, دا يرجع لعدد المقاعد الشاغرة و عدد طلبات التحويل و معدلات اللي طالبين التحويل.. مرة الإقتصاد و الإدارة طلبوا معدل 5 عشان تتحولي,, حتى 4.98 ما حولوا.. لذلك إنتِ توكلي على ربنا ثم شدي حيلك و استخيري,, و يمكن سبحان الله تحبي التخصص اللي راح تدخليه في العلوم.. ياريت تفيدوني .. و جزاكم الله الف خير

الرد في الاقتباس..
و بالتوفيق||~

[~..candy..~]

المشاركة الأصلية كتبت بواسطة طالبة منتظمه السلام عليكم و رحمة الله وبركاته انا طالبة انقبلت في كلية العلوم بس انا ابدا مو حابة ادرس فيها فان شاء الله حدرس ترم و الترم التاني احول لكلية الاقتصاد و الادارة او كلية الاقتصاد المنزلي فلو انا حابة احول لكلية الاقتصاد والادارة ايش القسم اللي ادخلو احصاء و لا رياضيات !! و نفس الشي لكلية الاقتصاد المنزلي و بالنسبة للمعدل المطلوب لتحويل لكلتا الكليتين ياريت تفيدوني .. و جزاكم الله الف خير

وعليكم السلام ورحمة الله وبركاته
تقدري تتخصصي في اي تخصص وتحولي من كلية العلوم
كلية الاقتصاد والادارة زي ماذكرت ليلو طلبو مره معدل 5
اما كلية الاقتصاد المنزلي التحويل لها ميسر باذن الله
وفقك الرحمن