بنات وشباب تدريب ميداني 2 تخرج بس بليز

[نجوان الجحدلي]

السلام عليكم ورحمه الله

ارجوكم الي ماعندوا رد لا يكتب رفع او يرد عليا

الحمدالله هذا ترم تخرج لنا واخيرا ان شاءالله نتخرج على خير

حاب اسالكم عن اماكن التدريب فين رح تدربوا انا رحت مستشفى السلامه بس للاسف مافي اخصائي نفسي

الي يعرف اماكن تدريب يعطيني خبر

[smo3]

للاسف للحين مالقيت مركز
اللي يقولو اكتفينا
واللي يقولو ماعندنا تدريب
بس الربوع دقيت على مركز بادغيش عند عزيز مول
وقالولي تعالي الاثنين وشوفي

[رزونه]

دحين انا ع بالي استنى لمن الدوره تبداء وتعطيني الاستاذه ورقه وبعدين اروح ادرب ؟؟؟؟؟؟

مركز بادغيش حيبداء هذا الاثنين ؟؟

وعادي اروح كدا من غير ورقه ؟؟

[أسيرة الصمت]

لاتستعجلوا


اهم شي تاخدي استمارة التقييم من الجامعه من عند الاستاذه عشان بعد التدريب المسؤولـ/ـة عنك .. تسجل تقييمها لكِ في الاستمارة وتحطها في ظرف مغلق وانتي تاخدي الظرف وتسلميه لاستاذة المادة

وهذا موضوع الأخ قوود مان ان شاء الله يفيدك في خصوص اماكن التدريب

http://www.skaau.com/vb/showthread.php?t=543248

[مجرد إنسانة!]

لاتفكروا أنكم تلاقوا مكان بسهولة أنا عانيت لين لقيت مكان يقبلوني فيه..أنا أقولكم كده عشان تدوروا من بدري شوفو أستاذتكم ورحوا عندها وخلوها تعطيكم الأوراق وأتفقوا مع المكان اللي بتدربوا فيه من الحين أنو بعد الدورة التأهلية عالطول حتدربوا ..لالالالالاتستنوا الدورة التأهلية تبدأ وبعدين تقومي دوري مكان تدربين فيه..أنا الحمد لله أدربت في مستشفى الملك فهد العام وطبعا مو عالطول خبط لصق في المستشفى جبت ورقة من القسم لادارة التدريب والأبتعاث ولفة طويلة لين ماقبلوني..وصحباتي في الميديكال(العيادة الطبية للخطوط الجوية) وصحبتي التانية في الصحة النفسية..الله يوفقكم ويسهل عليكم ..

[عازفة الوتر الحزين]

طيب وان مالقيت مكان يقبلون فيه ايش اسوي ؟؟!!

وانا الآن افكر في مستشفى الملك فهد
يعني لازم ادور لي كذا مكان غير المستشفى دي
الله يستر ويفرجها علينا :(

[نجوان الجحدلي]

انا جالسه ادور بس ابغى اعرف انتوا رح تدربوا الحين ولا بعد الدوره

[عازفة الوتر الحزين]

نجوان انتي نزلتي التدريب مع استاذه ايمان ؟؟؟

شوفي انا قبل امس ارسلت للأستاذه على الايميل رساله
وسألتها راح تسوو محاضره في دي الفتره ولا لا
عشان نعرف على الطرق وكيف نسوي وناخد الاوراق عشان نروح نتدرب
فـ ردت عليا

(( سيكون التدريب قبل الدورة إن شاء الله
سوف أقوم بعمل محاضرة في الجامعة لأراجع لكم الاختبارات التي أخذتوها بتدريب 1 و المطلوب منكم تطبيقها و أيضا سأشرح دراسة الحالة و التقرير لتتمكنوا من البدء قبل الدورة

لأن دورة طالبات المستوى الثامن سوف تكون في محرم إن شاء الله و لا يوجد وقت كافي بينها و بين الاختبارات للتدربوا و تذاكروا باقي المواد

سأرسل إيميل لاحقا إن شاء الله لتحديد موعد و مكان هذه المحاضرة

راجعي إيميلك يوم الخميس
لأنني غالبا سأحاول حجز القاعة يوم السبت أو الاثنين في الأسبوع القادم ))

يعني لازم ندور من دحين اماكن ونشوف يقبلونا ولا

وان شا الله الاستاذه تدخل للمنتدى وتنزل موضوع بخصوص المحاضره
والله يعين

[نجوان الجحدلي]

يب مع استاذه ايمان

[مجرد إنسانة!]

كلام أ/ إيمان صح مئة بالمئة قلتلكم أستلموا الأوراق منها ولازم تدوروا من الحين الأماكن وبعدين تحضروا محاضرة أ/إيمان الطباع عشان تسوي المراجعة حق وكسلر وتعرفوا دراسة الحالة عشان التطبيق.. تراها سهلة وبعدين تبدوأ تدريبكم
نصيحة مهمة..لاتدوروا وأنتو جالسين في البيوت وتتصلوا محد بيقلك إيه عندنا..أتمصلحوا مع أبوكي ولا أخوكي ولا أعطي السواق قرشين والبسي جزمة عجلات (الله يكرمكم)ويالله فرفري لين ماتلاقي مكان وفيدي غيرك ...
أي مساعدة أنا بالخدمة قد ماأقدر..