ضروري للطالبات اللي لسا ما ادربو ادارة موارد بشرية

[nonie]

يا بنات كيفكم دوبي اتصلت بالدكتورة سامية و بصراحة ما قصرت معايا .. و ردت علي كل اسئلتي .. اما التدريب قالتلي المفروض تكوني بتتدربي الان خلاص ما بقي وقت و البحث خلاص المفروض تسوية ايش منتظرة ما بقي وقت .. اما عن الزيارة 5علامات و 15٪ من الدرجة قالتلي لا .. و لمن سالتها علي فندق بارك حياة ادرب فيه قالت كويس .. اما عن البحوث التخرج سالتها ان كان عندها شي معين اكتب فيه ولا اشوف انا قالتلي شوفي اللي يعجبك عن تحفيز و تنمية اي شي .. و بصراحة كان كلامها حلو كل كلامها بنتي .. و بس الله يسهلها

[&ديم&]

الله يعطيك العافية
طيب يعني نكتب عن اي شي من عندنا
انا حابة اكتب عن مشكلات الموظفين
طيب لازم نروح لها قبل التدريب والا لا ؟؟
لانه الاوراق لازم تتوقع منها صح؟؟؟

[nonie]

سالتها ان كنت اقدر اروحلها السبت عشان توقع اوراق التدريب قالتلي التوقيع مو عندي عند الادارة اما عن البحث تكتبي عن مشكلة صادفتيها في التدريب و التقرير تكتبي عن الموارد البشرية و دوري و لخصي ما بين كتب الادارة الموارد البشرية سواء لمدني علاقي دا ولا غيرو

[&ديم&]

يعني اكتب عن التقرير والبحث موضوع واحد صح
مثلا عن مشكلات الموظفين

[nonie]

التقرير تكتبي عن الموارد البشرية .. و البحث تكتبي عن مشكلة صادفتيها في مكان تدريبك

[&ديم&]

طيب كم صفحة التقرير وكيف صيغته

[&ديم&]

والبحث كم صفحة ؟؟

[nonie]

والله ما سالتها دا السؤال :((( .. استفسر و اردلك و ان شاءالله اللي يعرف يجاوب

[nonie]

يا قمر سالتلك الاستاذة .. بصراحة مادري ايش اقول من روعة ردها سألتها : هل المطلوب مننا البحث و التقرير ؟ و كم عدد الاوراق لكل منهم ؟؟ أجابت : لا يوجد عدد محدود من الاوراق العلامة لا تكون بعدد الورق و الكلمات و انما بقدر تغطيتك للموضوع و تختاري واحد منهم يا اما البحث او التقرير .. و انا افضلك البحث

[&ديم&]

الله يسعدك ويسعدها يارب
طيب اخر سوال ياقلبي تعبتك
عرفت كيف كتابة التقرير مقدمة وفهرس وخاتمة
طيب البحث كيف ؟؟؟نفسه