تجمع مادة المورفولجي lane 333

[الملاك الأبيض]

مساءكم سكر

مادة الموروفولوجي مع الاستاذة ايمان عبده

المادة المطلوب فيها التشابترات التالية
8-9-10-11-12-13

اول محاضرة يوم السبت اخذنا فيها اول تشابتر لحد جزء affex
في المرفقات نزلت لكم السلايدات الي شرحت منها وحبيت انوه لكم انو السلايدات الي نزلتها هي جزء من السلايدات الي نزلتها الميس لانو مالحقت انزلها كلها لانها تزيد عن 130 شريحة وماقدرت ارتبها تمام . واللي حابة تشوف السلايدات تشوفها من تصفح المحتوى راح تكون اوضح .بالتوفيق للجميع ^^

[الملاك الأبيض]

المحاضرة الثانية مورفولوجي . مازلنا في التشابتر الاول ووصلنا لحد الرسم الشجري او
tree diagram
كملنا من عند الافيكس وشرحت الinflectional suffex >> وهي الاضافات الي نضيفها لاخر الكلمات وفائدتها هو انها تضيف قاعدة للجملة . هذا الجزء من الاضافات يشمل اضافات الافعال الي هي ال s ,ing,ed..etc

والقسم الثاني من الاضافات الي هو اضافات ال derivational affix
وهذي الاضافات فائدتها انها تغير نوع الكلمة من اسم لفعل او من اسم لصفة ..الخ

الميس ركززت على جزء الاضافات وجابت امثلة كثيرة وغير موجودة في الكتاب عشان كذا الافضل تشوفو التشابتر الاول من السلايدات لانو بيفيدكم اكثر

بعدين تكلمت عن الرسم الشجري وذكرت انو مطلوب مننا في الاختبار الرسم الشجري + طريقة الاقواس ولازم نكون عارفين الطريقتين لانو ممكن تطلب مننا تحليل الجملة باحدى الطريقتين . وقالت انو لازم نتدرب عليها لانها مهارة تحتاج التدريب .. وطريقة الاقواس مارح تلاقوها في الكتاب ولكن احنا اخذناها من قبل في السينتاكس وكمان بتلاقو عليها مثال في السلايدات ..


هذا كل شيء وارجو من البنات التفاعل لتعم الفائدة

[الملاك الأبيض]

محاضرة يوم الاحد موروفولوجي . كملنا تشابتر 8 واخذنا تشابتر 9 و10 . كانو يتكلمو عن الكلمة والعمليات الي تدخل على الكلمات مثل الكويناج والكليبينق وغيره .

ونزلت لكم في المرفقات السلايدات الي شرحتها اليوم ..
بالنسبة لطريقة التري دايقرام والبراكيتس قالت الطريقتين مطلوبة مننا في الاختبار .

وفي الاختبار ممكن تجيب كلمة وتقول طلعي منها الرووت او السفيكس او البريفكس بنفس الطريقة الموجودة في تمارين الكتاب .

وقالت التمارين الموجودة بصفحة 112 في الكتاب مهمة .. وهذا كل شيء لليوم . موفقين يارب

[رؤى م.]

شكرا ملاك ربي يسعدك ويوفقك

[رؤى م.]

ملاك نزلي بقية السلايدات تبع المحاضرات الباقيه الله يسعدك

معتمده عليها بعد الله الماده ما نزلتلي في الدورة التأهيليه

[الملاك الأبيض]

سلايدات الفصل الثامن في المرفقات . موفقين يارب وسامحونا على التاخير

[رؤى م.]

شكرا لك
وهل راح تنزلي الباقي اختي ؟؟

[الملاك الأبيض]

المشاركة الأصلية كتبت بواسطة رؤى م. شكرا لك وهل راح تنزلي الباقي اختي ؟؟

العفو عزيزتي .. يب باذن الله بنزلها . اكييد ماراح اتركك في نص الطريق ^_^ بس اعطيني وقت لانو يمكن اتأخر شويات . بس هاليومين راح انزل لك باقي السلايدات باذن الله

[الملاك الأبيض]

هذا الفصل ال 13

[الملاك الأبيض]

هنا الفصل ال11 و12 في المرفقات . تم انزال جميع الفصول . موفقين يااارب