جدولي للترم الثاني ,,,!

[أمير الهدوء]

السلام عليكم ورحمة الله وبركاته ,,,

ابغى استفسر منكم عن جدولي للترم الثاني والمواد اللي نزلتها هي ::

انجليزي 1
تمويل
نظم معلومات
تحرير كتابي
احصاء اعمال
اقتصاد جزئي

لازم اخذ 18 ساعة هذا الترم لظروف !

المواد اللي ما عندي خلفية عن صعوبتها وسهولتها هي التمويل ونظم المعلومات ...
ممكن اعرف شرح المادتين بشكل عام

[أمير الهدوء]

اذا بغيت انزل المحاسبة 203 تنصحوني انزلها بدل اي من المادتين هذه ::
( تمويل / نظم معلومات )

[د/شهود]

مااعرف احس انو مره كتير عليك نظم وتمويل واحصاء مع بعضهم

اول انت اخدت محاسبه 117؟؟

ازا اخدتها خلاص نزل محاسبه 213 حلوه

التمويل ماده تعتمد على الفهم وحسابات والتنبؤ بالأموال المستقبليه للشركه والسعر الحالي والمستقبلي وزي كدا

اما النظم شي نظري يتكلم عن كيف الشركات تحقق الميزات التنافسيه باستخدام نظم المعلومات وايش الانظمه اللي تستخدمها وكيف الشركه تدير اجهزتها وبرامجها وعن قواعد البيانات وادارتها وكلام كدا


الله يخترلك اللي في الخير

[Dr.bassam]

السلام عليكم ورحمة الله وبركاته

ابي رايكم بالمواد الي بنزلها في الترم الثاني إن شاء الله

acct 203 محاسبة

fin 230 اساسيات التمويل

mis 250 نظم معلومات ادارية

mrkt 260 التسويق

elib 204 اعداد التقارير

[Dr.bassam]

تقريبا قريب من جدولي إن شاء الله الاخوان يفيدونا

بالتوفيق

[أمير الهدوء]

آنآ منزلت محاسبة 117 هذا الترم ..
بس آنزلها بدال التمويل ؟؟

[girl.k.s.a]

وعليكم السلام ورحمة الله وبركاته
ايوا لازم تنزل محاسبة 117 لأنو محاسبة 203 متطلب ليها
ما تقدر تاخدها بدون اللي قبلها

وزي ما شرحت لك أختنا، أحس مرا ما يجي إحصاء وتمويل حتتعب :/

---------
وعليكم السلام ورحمة الله وبركماته
د. بسام

acct 203 محاسبة
حلللوة المادة دي مرا أسهل من محاسبة 117 خدها واتوكل على ربنا

fin 230 اساسيات التمويل
حاول تاخد مع دكتور كويس في دي المادة لازم تفهمها تمام لأنو يبغالها شوية فهم
ومذاكرة أول بأول

mis 250 نظم معلومات ادارية
المادة نظرية زي ما قالت الأخت الحلوة وإن شاء الله سهله

mrkt 260 التسويق
المادة غثيثة شوية بس لو أخدتها مع دكتور تمام راح تنبسط فيها ولو فهمتها مرا حتفيدك

elib 204 اعداد التقارير
حلوووووة أحسها أسهل من انقلش 2 ومافيها تقارير و شي بس اسمها كدا خخخ

يلا ربي يوفقكم ويسهل أموركم

[أمير الهدوء]

طيب عندي ثلاث مواد اللي هي ::

تمويل
محاسبة 213
نظم معلومات

ابغى انزل 2 منها تنصحوني بايش ؟
ينفع محاسبة 213 وتمويل ؟!

[د/شهود]

كفت ووفت اخت قيرل

احس انو تاخد محاسبه ونظم

لانو محاسبه وتمويل كلها فهم بس في بنات دا السمستر اخدين تمويل ومحاسبه بس هما ماشاءالله شطار وعندهم قدرة فهم عاليه على حسب انت تحب تحفظ او تفهم
وان شاءالله تلاقي نصايح تانيه

[د/شهود]

وكمان برضو ف نفس الوقت التمويل يعتمد شويتين ع المحاسبه يعني تقدر برضو تاخدهم