قصتي وتدهور نفسيتي !!

[Mr.3z0z]

السلام عليكم ورحمة الله وبركاته ..

صباحكم / مسائكم ، ورد أيها الصِحاب ..

إليكم أحدد القصص الي تحصل لكثير من طلاب جامعتنا الخطيرة !!

في الترم المااضي وقبل الاختبارات بفترة بسيطة قدر الله وقرر لي الاطبااء عملية في الكتف ، مما اضطرني للتأخر في سداد رسوم اختبار المناطق [ العالمية ] .. الألف ريال ، بالإضافة لمروروي ببعض الضروف المادية الصعبة ، وانهيت العملية وانفكت الزنقة ، ولكن بعد فوات الأوان ، رحت لقاعة الاختبارات .. وشرح ضروفي لمشرف القاعة ، وكان وقتها لسى ما بدأت اختباراتي ، يعني أول اختبار في جدولي كان حيكون بكرة ، أقنعني إنو مستحيل ياخذ مني الرسوم وقتها ، وانه رد قبلي كذا طالب ، فليس من العدل أن يأخذ مني رسوم دخول الاختبار وهو رااد كذا طالب طاالب قبلي ، اقتنعت وسألته طيب وش الحل ..؟
قال لي تروح للشخص الفلاني ، مسؤول شؤون الطلاب الموجود في الرياض ، في نفس القاعة ، وتشرح له ضروفك ، وتكتب [ معروض ] ، للعميد ، وبإذن الله راح يرحلون لك الرسوم والمواد للترم الجاي [ اللي هو الترم ذا ] .. قلنا يالله ، خير ان شااء الله ..

والله واروح له واصور بطاقتي الوطنية ، واكتب فيها ذاك المعروض .. واشرح فيه كل ششي ، وقال خلاص بيرسلونه ان شااء الله بالفاكس ، نفس اليوم أو بكرة بالكثير ..

وانا اللي اتوكل على الله ، ثم على هالدكاترة اللي يمثلون الجامعة ،

وتدور الأيام ويبدأ هالترم ، وافتح الأوديس متحمس ، انتظر موادي تنزل ، خصوصاً اني مشتري كتبها وملخصاتها من الترم اللي راح ، بس انها تأخرت ، قلت مافي مشكلة ، يمكن مسألة وقت ، وانتظر انتظر انتظر ، لين حسيت ان الموضوع طول ،
وامسك ذا التلفون وادق على كل رقم في الجامعة ، ومحد يرد . واحاول اشوف لي حجز ويوم لقيت ، رفض مديري يعطيني يوم اجازة لحتى انزل جدة اشوف المشكلة ، واضطر اني ادق على واحد من الشباب الله يوفقه ، ساكن في جدة . ويروح للجامعة ويشرح لهم الموضوع ويعطيني الجوال واكلم سكرتير قسم الانتساب ، واشرح له السالفة . ويقول لي ما يمكن كذا ، انت نازل لك مواد الترم اللي راح كلها رسوب ....

ويجيك التحطيم الأليم .. واحاول فيه وافهمه السالفة ..

وطبع جدولي واخذ رقم جوالي وسجله ع الجدول ويقول لي بيدخل ع الدكتور ويشرح له موضوعي ويرجع يكلمني ، وإلى الآن ما جاني اتصال ..

وقبل انهي معه المكالمة قلت له يعطيني رقم تحويلته ، عطاني رقم ثابت ، لقسم آخر ..

دقيت عليه أمس ورد عليّ موظف فقلها بوجهي :(

عطيته رقمي الجامعي وشرحت له موضوعي ، قال لي هذه ماهي الطريقة السليمة ..

الطريقة السليمة انك ترفع معاملة الاكترونية ، وتجينا هنا وتتابعها لين يتم نقل وترحيل الرسوم والمواد .. اما انك تعطيها دكتور من المشرفين الموجودين في الرياض هذا غلط ،

قلت له أجل وش الفايدة ترسلونهم .؟؟

كان ارسلتم بنقاليين يوصلون الأسئلة وانتهي وبلاشي ما ترسلون دكاترة وفي الأخير ما يطلع منهم فايدة ..


والله يا شبااب حبيت افضفض من القهر ..

وادعوا لي ان الله يفرج همي ويسهلها لي ..

لانها والله قفلت بوجهي ..

[بــنــت الــوطــــن]

وعليكم السلام ورحمة الله وبركاته

اسأل الله ان يفرج همكـ ويسهل لكـ يارب

موفق ،،

[هلوتين]

الله يفرج همك

[عبدالعزيز366]

الله يفرج همك وييسر أمرك

حسبي الله ونعم الوكيل

[أبـو تـركـي]

وعليكم السلام والرحمه .. يسعد صباحك

موضوعك سهل ياغالي

لاتتكدر ولاتدهور نفسيتك بسبب موضوع بسيط .. بل وبسيط جداً

أعطيك الحل ياغالي

أكتب خطابك وأرفق به جميع الأوراق الثبوتية التي تثبت بأنه أجري لك عمليه قبل الإختبارات .. بالإضافة إلى أنك مررت بضائقة مادية أدت إلى تأخرك في سداد مبلغ إختبار المناطق

بالمختصر .. أذكر كل شيء

ولاتنسى أن ترفق جميع الأوراق الثبوتية لذلك

وأرسلها عن طريق الـ بريد الممتاز .. أو .. الـ dhl .. إلى مدير الجامعه

وسوف تصله بإذن الله ويتم أعطاء معاملتك أهمية وينحل موضوعك بإذن المولى

أنا تعمدت أن أقول لك أن ترسلها بأحد الطريقتين السابقتين .. نظراً لأن البريد لايضيع عن طريقها
وهو بإستلام وتوقيع أينما ذهب هذا البريد ( معاملتك ) ..

وبإذن الله .. بهذه الطريقة تستطيع أن تحل مشكلتك بأقصر الطرق

وربنا يوفقك وييسر لك كل عسير

[نسيم الفجر]

الله يفـــــــرجها عليك ويكون بعونك
حسبي الله ونعم الوكيل