بخصوص البطاقة الجامعية

[Mohammed AL-Qarni]

السلام عليكم ورحمة الله وبركاته
أسعد الله مساكم ..

اليوم اختبرت مادة الاحصاء وللأسف نسيت بطاقتي الجامعية في القاعة وطلعت مستعجل وما انتبهت الا قبل شوي
المشكلة الكبرى عندي بكرة اختبار انجليزي وأعتقد ما اقدر أدخل الاختبار بدون البطاقة


شباب وصبايا يا ليت اللي عنده خلفية عن الموضوع أو يعرف ايش ممكن اسوي ما يبخل علي

شاكر ومقدر لكم مقدماً ...

[شرق غرب]

اح

طيب بكرا الصبح روح للمبنى واسالهم .. اذا مالقيت شي

روح لقسم التحضيري وطلع بطاقه جديده

وترا شغله البطاقه الجديده كلها 5 دقايق

واذا مره مامداك خذ بطاقه الاحوال وروح الاختبار وشوف وش يصير معك

الله يوفقك ويسهل امرك

[Mohammed AL-Qarni]

فين أروح بالضبط ؟؟
وايش الاجراءات اللي راح تصير ؟؟

[xo7]

اذا ضاعت منك ممكن تطلع بطاقة جديدة في 5 دقايق من العمادة بس لازم تشيل صورة شخصية بنفس المقاس الصورة لمن قدمت للجامعة و اظن في غرامة قدرها 50 ريال وبأمكانك تختبر ببطاقتك الشخصية الاحوال او رخصة القيادة

[nawaf2020]

حاليا اترك موضوع البطاقة لاتشتت نفسك وادخل الاختبار بالهوية وبلغ عن ضياع البطاقة واسأل المراقبين والمشرفين عنها وغالبا بيلقونها ويجونك وسط الاختبار يعطوك هيا

[شرق غرب]

انا صاحبي ضاعت بطاقته بالجامعه وسال ودور وبلغ ولا جا عنها خبر

فالافضل تروح للعماده وماتحتاج صوره ولا شي

يطلعوها لك بنفس الصوره القديمه وباقل من خمس دقائق

[Mohammed AL-Qarni]

شكرا جزيﻻ يا شباب والله يعطيكم العافية

[bandar99]

وعليكم السلام

زي ماقالو لكـ الشباب خذ بطاقة الاحوال اذا ماقبلوها

لاتتوتر الحل بسيط خذ معكـ خمسين ريال وروح عمادة القبول والتسجيل

واول شبكين على يدكـ اليمين يقول لكـ معاكـ بطاقة صراف اكيد غير الجامعية على شان تدفع الخمسين

اذا مامعكـ بيعطيكـ سند تسدد من سامبا وترجع ويعطيكـ ورقه وتروح للمكتب وفي دقيقة تطلع لكـ بدون اي شيء

اهم شيء بطاقة الاحوال او تكون حافظ رقم بطاقة الاحوال

وشكرا

[sultan ksa]

ههههههههههه سبحان الله انا ضاعت معي الترم الاول في اختبار الاحصاء والترم ذا في اختبار الانقليزي طلعت بدل فاقد مرتين , تروح عمادة القبول والتسجيل وعند الاستقبال تقوله ابغى اطلع بدل فاقد , يعطيك سند تروح لسامبا تسدده , لما تخلص ترجع للقبول و التسجيل تروح اول غرفة في وجهك تعطي الرجل الورقة حقت البنك و يطلعها لك في دقيقة. طبعا بدل الفاقد ب 50 ريال ك مخالفة

[Mohammed AL-Qarni]

مشكورين الله يعطيكم العافية جميع
خويي كان جنبي في القاعة وشافها واخذها معاه وردها لي اليوم