ساعدوني بخصوص اختبار القبول لقسم اللغات للي فاتهم :'( :'(

[NuranoO]

السلام عليكم ورحمة الله وبركاته

انا ادرس في فرع السلامة واختباراتنا دائماً في الفيصلية حتى اختبار القبول ،،




المهم حطو إعلان وقالو يوم الأحد اختبار القبول بقسم اللغات الأوروبية وماهم كاتبين شي نجيبه معانا ،،
لمن رحت اتفاجأنا انه لازم يكون معانا كشف الدرجات مع العلم ما كانوا طالبينو ولا جايبين له سيرة ، ورحنا من مكتبة لمكتبة ومن مبنى لمبنى عشان نطبع وأتمرمطنا صح اليوم !!




ولمن جبناه قالوا خلاص نعطيكم موعد تاني الاختبار فاتكم اليوم ! وأسلوبهم معانا سيء لا تنظيم ولا توضيح ولا شي ! قهرونا حسبي الله بس




سؤالي دحين :( متى الموعد التاني ؟ قالو راجعي الموقع ، طيب في اي قسم وكيف اعرف ، ووحدة تقول انه حيكون اول يوم في الدراسة فلازم نراجعهم وقتها ،
فهموني كيف كدا ، لانه حيكون راح التسكين وقفل لمن تبدأ السنة الجديدة، انا ايش يدريني ممكن يكتفو وما يقبلونا ،ونكون استنينا ع الفاضي
ياريت تساعدوني وتقولي لي ايش وضعنا لانه بمووووووت على قسم الانجليزي :(
كيف استنى ولا اختار شي ثاني :( ايش هرجتهم :(

[m-alhrby]

الله يعينك والله قريبتي العام صار لها نفس الموضوع وحتى يوم يختبرونك اختبار القبول
م يرسلون لك النتايج يرسلون بس للمقبولين وطيب الي مو مقبولات كيف يعرفون !!
فا انا اشوف احسن لك تدقين على القسم وتستفسرين منهم عساهم بس يفيدونك
مشرفة القسم - شطر الطالبات د رندا ال الشيخ
+966-2-6952000 تحويله 52736
وذا رابط قسمهم
http://european-languages.kau.edu.sa...act-Us-AR.aspx

[NuranoO]

جزاك الله خير يارب ،،

بس لينا يومين ندق ع الرقم وما يردوا ، وبعدها رد شخص وأعطانا تحويلة تانية وما يردوا او مشغووووول !!

:(

[m-alhrby]

ايوه كذا هم م يردون مدري ليش !
لو فيه دوام السبت روحي لهم الافضل
عشان يجاوبونك على اسالتك لاتجلسين كذا انصحك
اتمنى غيري يفيدك اكثر ..

[NuranoO]

والله مدري ، لمن كنا عندهم ونسألهم عن شي يقولوا ما ادري ما اعرف ،،
حشوف كيف ان شاء الله
والخيرة فيما اختاره الله
،،،
ومشكور كثييير الله يعطيك العافية :)