الطالبات اللي انقبلوا طب وجراحة أو طب أسنان ابغاكم شوي :)

[Positive]

السلام عليكم ورحمة الله وبركاته
اول شي مبروك لكم
تسكينكم بكلية الطب أو طب الأسنان :)
ثاني شي لو ما عليكم أمر تقدروا تقولوا ايش المصادر اللي نذاكر منها ؟
وطريقة المذاكرة ؟
مين هم الدكتورات اللي تنصحوني أخذ المواد عندهم ؟
ياليت تفيدوني ☺
وأخيرا جزاكم الله خير ع المساعدة مقدما ❤

[Positive]

13 مشاهدة ومحد رد :( 😭

[Ebtihal AlGhamdi]

والله وأنا مثلك متمنّية أحد ينصحنا خاصّة بموضوع الدكتورات .,

متابعة .. ~ وبإذن الله ييجي أحد يساعدنا

بس شوفي فيه كم موضوع ممتاز استفدت منه كثير ممكن يفيدكـ لو لسا ما شفتيه

.•|. مناهج السنــة التحضيـــرية بالتفصيل الممل - دفعــة 14 .|•.

طريقك الى معدل عالي في السنة التحضيرية، تجربة طالبة طب :)

ولو كنتي مثلي حتدرسي بالسليمانيّة بإذن الله .. ففيه ناس مدحولي بعض الدكتورات على كلّ مادة :

الفيزياء = دكتورة سناء أباضه
مهارات الإتصال = دكتورة أميرة النّمر
الإحصاء = أستاذة ريم الحربي

أما الرياضيات والحاسب والكيمياء فأغلبهم يقول انهم متشابهات وكلّهم ممتازات..

وبالنّسبة للأحياء فكثير ناس بتقول ما حتفرق معانا لأنها مادة تعتمد عالحفظ ..

ولو عندكـ معلومات أو أحد نصحك بشي ياريت تفيديني غاليتي..

والله يوفقكـ يارب ويحقق اللي خاطركـ فيه

[Fanno Amoudi]

أهلا حبيبتي أول شي مبرووك لقبولك وعقبال ما نشوفك في التخصص اللي تبغيه يارب
بالنسبة للمزاكرة هي تختلف من بنت لبنت


بالنسبة ليا خطة أ ما كان فيها تعب كتير كنت أزاكر في الويكيند بس لأن المعلومات في المنهج تقريباً متشابهة بس انه طرق مختلفة وأسلوب جديد
بالنسبة للرياضيات والفيزيا لازم تحلي نماذج قد ما تقدري خصوصاً نماذج الاختبارات السابقة ومذكرة هناء فرحان في الفيزيا عشان تتعودي على الأسئلة الصعبة واللي فيها لف ودوران ولا تفوتي السيكشن
والرياضيات برضو يبالها حل تمارين أكثر من المزاكرة وانتي حتشوفي لما تبدأي دراسة مافي معلومات جديدة بس لازم تكوني نبيهة في الحل لأنه في الاختبار حتلاقي كل الاجابات اللي تتوقعيها
مصادري في الفيزيا كانت الكتاب + ملخصات أشرف بركات + السيكشن + نماذج اختبارات هناء فرحان
الرياضيات الكتاب + دفتر المحاضرة + الوورك شوب + نماذج اختبارات سابقة
الاتصال والحاسب الكتاب بس

بالنسبة للدكتورات
الفيزيا ما كانت ماشية معايا عشان كدا لجأت لملخصات أشرف بركات عشان أفهم المنهج أكثر
الرياضيات كنت مع الأستاذة هتون شعيب وكانت مره ممتازة شرحها كافي ووافي وما يحتاج تعتمدي على أحد جنبها أسلوبها سلسل وسريع وتفهمنا كويس
الاتصال والحاسب مو مهم الأستاذة كيف كله على الكتاب وأشياء ما يحتاجلها فهم مره

خطة ب لازم المزاكرة اول بأول معلوماتها مره كثيره خصوصاً الأحياء والكيمياء جداً طويلين
الأحياء ممكن أسهل عشان اللي نختبره ما نرحعله تاني بس الكيميا الشابترات مره كتيره وبعد الاختبار الدوري الثاني حتنصدمي انه ممكن لسا باقي من المنهج 4 شباتر جديدة ولازم تزاكريهم مع اللي فات
بالنسبة ليا تعبت في مزاكرة الكيميا أكتر شي في الترم التاني عشان ما كنت أمسكها أول بأول.
الاحصاء أسهل مادة في خطة ب وكتير جايبين فيها a+ بس عيبها انها زي الرياضيات الأسئلة تلخبط مرره لازم تكوني مركزة ونبيهة
مصادر الأحياء السلايدات والأسئلة المساعدة بس
الكيميا تمارين الكتاب وسلايدات المنسقة و التيست بانك
الاحصاء أهم شي الكتاب + تمارين السيكشن + نماذج سابقة وحل تمارين قد ما تقدري عشان تتعودي على الأسئلة

بالنسبة لاستاذات خطة ب
الكيميا كانت مع دكتورة إكرام وكانت كويسة وطريقة ترتيبها للسلايدات ممتازة, النقاط اللي تلخبط وممكن تتشوشي فيها تحطهم مع بعض وتفرق بينهم بس عيبها انها بطيئة شويا وبس تعيد , بس فادنا دا الشي في الشباتر اللي يبالها تركيز
الأحياء الدكتورة ما تفرق يعتمد على حفظك
الإحصاء كلهم ممتازات ما مرت عليا أي بنت تشتكي من أستاذتها

وزي ما قولتلك هو حيختلف من بنت لبنت , والسنة التحضيرية مو صعبة بس يبالها تنظيم وقت صح ممكن يجيكي أوقات تتعبي وتطفشي فيها بس اتذكري انها السنة المصيرية تتعبي دحين بس ترتاحي في تخصصك
والله يوفقك ويحقق اللي تتمنيه يارب

[Positive]

Up up up Up

[Dr.a7med2lharthii]

بسالكم سؤال .. انا صراحة ماني فاهم قصدكم بالضبط الدكاترة اللي يدرسونا
هم يجونا زي الثانوية ولا نروح الدكتور اللي نبيه يعطيكم العافيةةة !!!!!

[suliman az]

المشاركة الأصلية كتبت بواسطة dr.a7med2lharthii بسالكم سؤال .. انا صراحة ماني فاهم قصدكم بالضبط الدكاترة اللي يدرسونا هم يجونا زي الثانوية ولا نروح الدكتور اللي نبيه يعطيكم العافيةةة !!!!!

في السنه التحظيريه بجونك زي الثانويه اما اذا تخصصت تقدر تنزل اي مادة عند اي دكتور تبيه

[شووشوو050]

مبرووك والله يوفقكم .. سؤال كم نسبة الدخول للطب ؟

[Amal Bakhsh]

المشاركة الأصلية كتبت بواسطة شووشوو050 مبرووك والله يوفقكم .. سؤال كم نسبة الدخول للطب ؟

للبنات وقف هذه السنة على 97.8 انتظام، والموازي 94.7 بس تتغير من سنة لسنة

[Dr.Merve]

المشاركة الأصلية كتبت بواسطة amal bakhsh للبنات وقف هذه السنة على 97.8 انتظام، والموازي 94.7 بس تتغير من سنة لسنة

مبروووووك للكل على القبول الله ييسرلكم ويفتحها عليكم
بس أبا أسأل كيف يكون اقبول بالنسب؟ مو هوا يعتمد على معدل السنة الحضيرية!!
وسؤال تاني : ليش الموازي تكون نسبته مختلفة عن الانتظام العادي؟