هل نظام حمل المواد يشمل طلاب السنة التحضيرية

[abu2nawwaf]

لأنه أذكر إني قريت إن نظام السنة التحضيرية لازم الطالب ينجح في كل المواد والمادة إلي يرسب فيها لازم يختبرها ترم صيفي ويدفع كمان 3 آلاف ريال عشان الصيفي؟

هل الكلام هذا صحيح؟
وإلا يحمل المواد للترم الثالث؟؟

بالله إلي يعرف يبلغنا الله يجزاكم خير

[Galaxy]

على حسب علمي مافي ترم صيفي يعني لو حملت ماده تختبرها الترم الثالث ان شاء الله

وتأكد من غيري اخاف اكون غلطانه

[تأبط علماً]

ايش حلا كل شويه 3000
لا ان شاءالله نحملها الترم الثالث طفرنا اعوذ بالله :(

[عزي الشرقيه]

^
^
حالفين الجامعة يطفروك بكل ترم ..

الا سؤال الان حنا يا دفعة 09

اذا عدينا السنة التحضيرية ..ندرس اربع سنوات كمان ؟؟
والا ثلاث ؟؟

وهذي السنة محسوبة ..لاني سمعت انها تحضيريه وغير محسوبة ..

اذا كذا يعلمونا من الحين نهون محنا فايقين لهم نصرف على الجامعة ..

[abu2nawwaf]

هههههههههههههههههههههههههه
من جد والله نصرف على الجامعة

حسبي الله عليهم جامعة حكومية ميزانيتها مليارات الريالات وطفرونا بهالثلاثة آلاف

[مشعان بسكلاني]

شوفوا عاد انا اللي سمعته (شكلنا بنبدع كل واحد يصرح من عنده) او قريته بالاصح من احد مشرفين المنتدى اذا ماكنت ناسي يلدرم وهو طبعا ماخذ المعلومة من احد بالجامعة. انه لازم تعدي الـ 28 ساعة خلال ثلاث اترام مدفوعة واذا ماعديتها تمسك الباااااااااااااااااااااااااااااااااااااااب.

[زين آل موبايلي]

طبعا هناك ترم صيفي مجاني

لاي مادة ماراح تتجاوزها خلال السنه التحضيريه

وهذ الامر راجع لك يعني باختيارك

اما اذا كان هناك اكثر من مادتين تقريبا سوف يكون اجباري دارسة الترم الصيفي المجاني

حسب مافهمته من الدكتور المسؤول عن اختبارات الرياض

بالتوفيق

[abu2nawwaf]

المشاركة الأصلية كتبت بواسطة زين آل موبايلي طبعا هناك ترم صيفي مجاني لاي مادة ماراح تتجاوزها خلال السنه التحضيريه وهذ الامر راجع لك يعني باختيارك اما اذا كان هناك اكثر من مادتين تقريبا سوف يكون اجباري دارسة الترم الصيفي المجاني حسب مافهمته من الدكتور المسؤول عن اختبارات الرياض بالتوفيق

معقولة مجاني!!!!!!!!!!
مافيه شئ ببلاش عند الجامعة

[$$$$]

طيب هالشي شامل اللي يحمل الانجليزي مرتين ؟

مو يقولي هذا مكمل لهذا ما ينزلن سوا ؟

معقوله لو اسقط بكرا يطوو قيدي بدون ترم ثالث مع العلم اني ما حملت غيره ؟

[العلم والعالم]

يوجد موضوع للأخ بيض مسلوق فيه توضيح كامل لأستفساراتكم أبحثوا عن المواضيع التي كتبت بمواسطة بيض مسلوق