هااام جداً...بخصوص إستمرار اختبارات المناطق... أرجوا التفاعل ..

[@SaUd@]

السلام عليكم ورحمة الله وبركاته

مساء/ او صباح الخير للجميع

فيه موضوع مهم جداً وارجوا من جميع الاعضاء التفاعل الا وهو مكان الاختبارات الكل يعرف ان اول سنه اللي اهي السنة التحضيرية بإمكان الطالب ان يختار المكان اللي يختبر فيه بمعنى انه يختبر في المدينه اللي ساكن فيها سواء المنطقه الوسطى (الرياض) اوالمنطقه الشرقيه (الدمام) مقابل رسوم 1000 ريال عن كل مستوى.... اقتراحي ليه مايكون هالشي لجميع سنوات الدراسه حتى ولو كان المقابل رفع الرسوم 100% لـــ 2000 ريال بس يريحونا وكل واحد يختبر بالمكان اللي يناسبه..
وخاصه ان عدد الطلاب باالمنطقة الوسطى والمنطقه الشرقيه اللي منتسبين بجامعة الملك عبدالعزيز كبير جداً وايضاً بالنسبه للطالبات هناك الكثير من الطالبات اللي يتمنون يكملون الجامعة (انتساب) بس مايقدرون بسبب انهم مايقدرون يسافرون من الرياض والدمام لجده وحدهم بل هناك طالبات اكملوا السنه التحضيريه على امل ان تستمر الاختبارات بالمناطق لكن ماحصل هالشي وفصلوا من الجامعة مع ان معدلاتهم كانت ممتازه جداً....وايضاً هناك الكثير من الطلاب اللي اكملوا السنه التحضيرية بنجاح وامتياز ولم يستطيعوا اكمال باقي السنوات بسبب ان اعمالهم او الاماكن اللي يشتغلون فيها سواءً قطاع خاص او عام رفضت تعطيه اجازه وانا ايضاًعانيت من هالشي والله حرام اجازتي بالسنه 30 يوم بدل مااخذها علشان ارتاح لا اخذها علشان الاختبارات صح شي يستاهل بس برضوا اكيد راح تحتاج للراحه... وايضاً لو حسبنا تكاليف السفر والسكن والمواصلات والاكل راح تكون اكثر بكثييييير من (2000 ريال اللي اهي الرسوم المقترحه)....

اتمنى التفاعل من الجميع واتمنى من اي شخص يستطيع تقديم هذا الاقتراح للمسؤولين بالجامعة مساعدتنا لإيصال هذا الاقتراح ولكم جزيل الشكر والامتنان

اخوكم سعود

[القلب الاحمر3]

اقتراح رائع وانا عن نفسي سجلت في الجامعة بسبب الاختبارات في المناطق لكن للأسف توهقت ولا كملوا المعروف معانا وربك يفرجها ذلحين بس نتمنى انهم ما يخيبونا ويكونوا في عوننا وياليت يوصل صوتنا لهم في اسرع وقت
"بالمناسبة" نسيت أخوي ما تذكر مركز اختبارات المنطقة الجنوبية. أبها. مع ان فيها اعداد طلاب وطالبات لا يستهان بها
وانا منهم

[متعلم]

الله يعطيك اخوي العافية
صراحة الموضوع في محله يعني أهي أهي الختبارات بس مكان الاختبار وحنا بندفع تكاليفه 1000 ريال للترم صراحة احسن من السفر والغربة.
اتمنى من الجامعة تسمع نداء منتسبيها وتحقق آمالهم.
كما اتمنى رفع هذا الأقتراح لحرم الجامعة (يا شباب وبنات محتاجين مشاركتكم حتى ينظروا في طلبنا)

[ميــلان]

الله يعطيك العافيه اخوي على الموضوع ،،، اريح لنا وعلشان تخف الزحمه في جدة

حتى مساكين اخواتنا الطالبات اللي يختبرون في جدة بعضهم ضروفهم صعبه ولا تقدر تجي مع محرم ،،، لا تقولي فيه بنات يدبرون نفسهم ،،، مو كلهم والله والبنت في طبيعة حالها ضعيفه فرق اذا كانت عند اهلها ومعها رجل من اقاربها تستند عليه

[rose tulip]

واالله انا اضم صوتي لصوتكم بقوة لاني معاناه اركبي طياره وانزلي منطياره من جد معاناه كبيرخ وخصوصا علينا يالبنات ارجوا التفاعل منهم وباسرع وقت لاننا تعبنا نفسيا واقتصاديا واجتماعيا من هالسالفه

[@SaUd@]

القلب الاحمر & متعلم & ميلان & rose tulip
شرفني واسعدني مروركم واتمنى التفاعل من جميع المشرفين الاعزاء والاعضاء الكرام وياليت احد يقدر يوصل هالرساله وهاالطلب الضروري لنا كطلاب للمسؤولين بالجامعة وله دعواتنا جميعاً...

[المنسية]

والله ياااريت وعلى كذا الجامعة ماهي خسراااااااااانةشيء بالعكس!!!!!!!

[@SaUd@]

المنسيه شرفني مرورك واتمنى اتمنى ان يتفاعل جميع المشرفين والاعضاء مع هالموضوع المهم جداً

اتمنى من المشرفين تثبيت الموضوع لانه مهم جداً جداً لنا
ولكم جزيل الشكر والامتنان

[شاهين14]

لا لا لا الله يرحم والديك لا جيبلهم سيره الفلوس تراهم مايصدقون:كلامك في محله بس يخفضون الرسوم كفايه عليهم 3000 ريال المفروض تكون شامله للي بيختبر خارج مدينة جده...و2000ريال للي بمدينة جده

[@SaUd@]

انا معاك اخوي شاهين وياليت يتم تخفيض الرسوم بس هذا ماراح يحصل اذا مابقت زي ماهي والا مستحيل ينّقصونها وانا قلت يرفعون الرسوم لانو منطقياً احنا نخسر اكثر بكثير من 2000 ريال لما نختبر بجده ولأن المسؤلين بالجامعة يقولون ان اختبارات المناطق تكلفهم الكثير من استئجار اماكن الاختبارات وانتدابات للموضفين وتكاليف لانعلم عنها لذلك اقترحت رفع الرسوم.

شاكر لك مرورك وشرفني ردك