نداء عاجل للجميع بخصوص مادة الإحصاء

[سـلـيـمـان]

السلام عليكم ورحمة الله

أبي واحد شاطر في الإحصاء يقابلني بكره علشان نقعد جنب بعض أغش منه

وربي ماني فاهم شي بالإحصاء تكفون أفزعولي جعلها بموازين حسانتكم

سليمان

[خجلانه]

وش عندك يا سليمان الوقت طويل يمديك تذاكر واذا تبي تقول صعب ومو فاهم ذاكر بتعبك ومجهودك ولا تنتظر احد يعطف عليك ويغششك لان مايرضى احد يأخذ تعبه ...


توكل ع الله وذاكر ...

وربي ما يضيع التعب

[~Aspirant~]

الله يهديك
وش تبي بدرجات مو من حلالك

[منتسب لرغبة والدي]

هههههههههههههه

سليمان

ماتجي غششوني وجعلها في موازين حسناتكم < علاقه عكسيه

الله يعينك ويوفقك

[سـلـيـمـان]

يووووووووووووووووووووووووووه



تكفون الوضع لا يحتمل التفلسف



عكسيه وطرديه



وندائي للشخص إللي يعرف نفسه



ماني ناقص أحد يقول ذاكر لأني أصلاً مو فاهم شي وشلون بالله أذاكر وبعدين وش أذاكر



الحمد لله أني عديت التحليل الإحصائي على خير والمواد الباقي

ما بقي إلا هالعجوز الإحصاء


فهل من مجيب !!

[رواااقة بال]

هههههههههههههههههههههههه من جد لاقالو الصراحه راحه ليتني ولد كان جلست جنبك وغششتك لاني حاسه فيك>>>>مااخص من قديد الاعسفان مثل شهير الله يعينك ويعيني ويعين الجمييييييييييع

[مشعل أبوتركي]

المشاركة الأصلية كتبت بواسطة سـلـيـمـان السلام عليكم ورحمة الله أبي واحد شاطر في الإحصاء يقابلني بكره علشان نقعد جنب بعض أغش منه وربي ماني فاهم شي بالإحصاء تكفون أفزعولي جعلها بموازين حسانتكم سليمان

أبعلمك سر








سر خطير














لا تجلس جنب واحد لابس شمـاغ مهما حصل من ظروووف


بأذن الله تنجح










عندي طرق ثانيـه تجنن وتهبل تهبل بس ما أقدر اكتبها على العام خوفاً من الله والجهر بالمعصيه

[سـلـيـمـان]

رواقة بال

أبو تركي



وربي تطبقون حديث الرسول صلى الله عليه وسلم
( مثل المؤمنين في توادهم وتراحمهم مثل الجسد إذا اشتكى منه عضو .... الحديث )


تسلمون لي وربي أفتخر فيكم

[مهدي الساهر]

المشاركة الأصلية كتبت بواسطة سـلـيـمـان رواقة بال أبو تركي وربي تطبقون حديث الرسول صلى الله عليه وسلم ( مثل المؤمنين في توادهم وتراحمهم مثل الجسد إذا اشتكى منه عضو .... الحديث ) تسلمون لي وربي أفتخر فيكم

عسى الله يوفقك في كل إختبار يقابلك يا سليمان

والله العظيم .. إنه متعاطفك معاك إلى أبعد درجه

بس تبيني أكذب عليك ... وأقول اللي تسويه صح ..

والله من محب لمحب ... إذا اليوم بتعدي في إختبار في الدنيا ..

إختبار تافهه ..

وش بتسوي في أعظم إختبار .. بين يدي رب العزه والجلال ..

أنصحك تذاكر يا سليمان ..

وعسى الله يوفقك دنيا وأخره .. وكل من يقرأ هالكلام وكل مسلم ..

[>KhoLooD~]

المشاركة الأصلية كتبت بواسطة سـلـيـمـان رواقة بال أبو تركي وربي تطبقون حديث الرسول صلى الله عليه وسلم ( مثل المؤمنين في توادهم وتراحمهم مثل الجسد إذا اشتكى منه عضو .... الحديث ) تسلمون لي وربي أفتخر فيكم

يومنك تعرف احاديث الرسول وكلامه ليه ما تعمل به ؟

ولا تاخذ اللي يعجبك بس !

انت ما تعرف ان الرسول قال : "من غشنا فليس منا" !

وما تعرف بعد ان الرسول قال : "اذا ابتليتم بالمعاصي فاستتروا" !

الله يكون بعونك

ذاكر وخلها على ربك

اغلبنا دخلنا اختبار التحليل الاحصائي واحنا مو فاهمين منه شي واولهم انا لكن ربك ييسرها ان شاء الله

تعوذ من ابليس واقرا بتركيز وان شاء الله بتفهم

والاخوان والاخوات هنا ما يقصرون اطلبهم شروحات واي شي تحتاجه وابشر بسعدك

بالتوفيق للجميع