خطه ب من ايش اذاكر !!

[~Me~]

السلام عليكم ورحمة الله وبركاته

ها انا اتورط الورطه حقت كل إختبارات

طبعاً أخوكم ساحب طول الترم على الدراسه وبصراحه اروح المحاضرات اجلس على الجوال ومشتري الفيش الي يركب على افياش الجامعه عشان اشحن الجوال يعني مو مقصر

المهم إني مو فاهم شي ولا ادري عن شي

فأبغى ألزبده

كيمياء + احياء + احصاء

من وين اذاكر يا شباب ؟

خصوصاً الكيمياء انا عند السباعي ومعطينا اشياء كذا ومذكرات صراحه مو مقتنع فيها في شباب يقولو ما يجي منها شي

واتمنى من الشباب الي كانت عندهم الخطه الترم الي فات ينزلو صور من النماذج الي اختبروها

وشسمو دا دحين الانجليزي كيف انا ليفل 3 و يقولو بنختبر سبيكنق واجهز في 3 دقايق وانا اول اسم في الكشف

ايش جاكم الاختبار عن ايش ؟؟؟

واخيرا أقول الله يعين

انا جبت الترم الاول 4.75 وبصراحه ندمت عليها لان الخطه كانت سهله وبسبب إهمالي جبت العيد

فما ابغى انزل عن الـ 4.5 في معدلي العام هذا الترم يعني لازم اجيب b+ في جميع المواد على الاقل


وادري مهمل وكل شي ترا نصحت نفسي وقرأت وحمست وحفزت وحطيت اوراق تحفيز لصقتها فجبهتي وطاولتي والمغسله والحمام الله يكركم

مافي امل الاحساس ميت

والله يهدينا ان شاء الله الاختبارات القادمه اكون مذاكر اول بأول من بدري << دائماً أقولها والله يعين

[رورو احمد]

مدري شكلك شاطر بس خائف من العين

[~Me~]

شدخل !

الموضوع مره مالو دخل بالعين !!

انا عندي مشكله وهي التسويف ما قدرت احلها ما اعرف اذاكر

صاحبي اعطاني مذكره للشعراوي حق الاحياء لها اسبوع قدامي ما خلصت الصفحه الاولى فيها !

كل شويه اقوم من المكتب كل شويه اروح واجي اتفرج ع اليوتيوب اخش مواقع واتصفح اكل واشرب و bbm وغيرو

وخلاص باقي اسبوع عشان كذا ابغى حلول سريعه أبغى أي طريقه عشان أقدر أغطي المنهج وما اتورط ويطيح المعدل

[Somaiah Yousef]

الاحصاء شوف ملخص جمال السعدي انا عجبني ونآسبني مرراا ,, بس انا مسكت معاه الكتاب ,, وانت تبغى شي سريع

ودي المادة الوحيدة اللي ماتحتاج لها تدريب كثير ,, يدوبك تعدي ع المنهج

الاحياء اقرا السلايدات اول ,, اقراها بفهم ,, بعدين امسك ملخص الشعراوي حيكون عندك فكرة عن محتواه

الكيمياء انا اعتمدت على سلايدات ليلى الحربي وممكن تشوف مقتطفات من فيديوهات يوسف زويل عشان يكون عندك فكرة عن المنهج

[رفّات حُلم]

المشاركة الأصلية كتبت بواسطة فيونكـه الاحصاء شوف ملخص جمال السعدي انا عجبني ونآسبني مرراا ,, بس انا مسكت معاه الكتاب ,, وانت تبغى شي سريع ودي المادة الوحيدة اللي ماتحتاج لها تدريب كثير ,, يدوبك تعدي ع المنهج الاحياء اقرا السلايدات اول ,, اقراها بفهم ,, بعدين امسك ملخص الشعراوي حيكون عندك فكرة عن محتواه الكيمياء انا اعتمدت على سلايدات ليلى الحربي وممكن تشوف مقتطفات من فيديوهات يوسف زويل عشان يكون عندك فكرة عن المنهج

فين ألاقي ملخص السعدي للاحصاء؟

[رورو احمد]

امم بمزح معك

عموما الكيمياء ذاكرها من السلايدات وممكن تستعين بملخصات زويل بس الملخصات لحالها مو كفاية


الاحصاء ممكن من السعدي

الاحياء اسهل مادة بس مشكلتها طويلة ابدا من دحين دوبك تخلص

[~Me~]

المشاركة الأصلية كتبت بواسطة فيونكـه الاحصاء شوف ملخص جمال السعدي انا عجبني ونآسبني مرراا ,, بس انا مسكت معاه الكتاب ,, وانت تبغى شي سريع ودي المادة الوحيدة اللي ماتحتاج لها تدريب كثير ,, يدوبك تعدي ع المنهج الاحياء اقرا السلايدات اول ,, اقراها بفهم ,, بعدين امسك ملخص الشعراوي حيكون عندك فكرة عن محتواه الكيمياء انا اعتمدت على سلايدات ليلى الحربي وممكن تشوف مقتطفات من فيديوهات يوسف زويل عشان يكون عندك فكرة عن المنهج

انا كتاب ما عندي ولا اشتريت ملخصات بس في شباب من الخطه الي قبلها اعطوني ملخصاتهم وبصراحه نسيت ايش قالولي عن المواد والمذاكره ذاكرتي ضعيفه امي ترسلني اجيب
شي اوصل المكان وانا ناسي ايش ابغى

الله يعين

ويعطيكي العافيه ع المعلومات بصراحه خايف الهندسه تطير والمشكله الوقت ضيق وانا صرت متوتر

وحاس اني محا اقدر اخلص

المشاركة الأصلية كتبت بواسطة رورو احمد امم بمزح معك عموما الكيمياء ذاكرها من السلايدات وممكن تستعين بملخصات زويل بس الملخصات لحالها مو كفاية الاحصاء ممكن من السعدي الاحياء اسهل مادة بس مشكلتها طويلة ابدا من دحين دوبك تخلص

تصريفه حلوه

ومشكوره ع النصايح إن شاء الله كل حرف ب 10 في موازين حسناتك

[~Me~]

دحين الاحياء ايش الشباتر الي معانا

وايش في الكيمياء والاحصاء ؟

ابغى بالزبط حتى لو الفرق في الدروس لانها تفرق معايا كثير في الوقت لاني بطيء

[Emad.3]

المشاركة الأصلية كتبت بواسطة ~me~ دحين الاحياء ايش الشباتر الي معانا وايش في الكيمياء والاحصاء ؟ ابغى بالزبط حتى لو الفرق في الدروس لانها تفرق معايا كثير في الوقت لاني بطيء

الاحياء 5

الكيمياء 4

الاحصاء 3

وبس

[Somaiah Yousef]

الكيمياء 4 شبآتر

شابتر عن التحويلات " زي حق الفيزيآء " ,, شابتر تسمية المركبات الكيميائية ,, شابتر المول والكتلة المولية و..الخ ,, وشابتر يتذاكر في ساعة مدري وشهو


الاحصاء 3 شابترزز

شابتر نظري ,, وشابترين سهلة وقوانينها بسيطة وفيها قوانين لازم تحفظها


هذا في حالة لو كنتو زينآ