I need some answers,Can anyone help me !!!

[salman_yasser_]

!!!hello evre someone

اول شي السلام عليكم ورحمة الله وبركآته

زي ماهو مكتوب في العنوان بالانجليزي محتاج اجوبة ضروري وراح اعطيكم قصتي وبعدين راح اسآلكم



يآخوان يآخوان انا كآنت عندي اختبارات الترم الي فات وماحضرتها ورحت واتضربت ومشوار وتعال ورح وجيب عذر وخطاب ......الخ
النتيجة جات لصالحي ولله الحمد ولي اول مرى تسويها الجامعة صراحتآآ يعني اتفاجآت انهم يعني افادوني كان المفروض اصفق للدكتور لمن تغيرت لي المواد

المهم .. لااطول عليكم ..
انا سؤالي هوا دحين متى الاختبارات حقتي او متى موعدهآ ؟؟
علماآ اني انتساب طيب كمان هل الجدول نزل ؟؟
واذا نزل يليت احد يرفقو تحت ؟؟
طيب متى تنزل الجداول ؟؟
فين يعلنو عنها ؟؟
وا ايش راح يصير في الايام الجاية هل في دوام ولا لا يعني هل اروح الجامعة اخر الايام
انا سمعت يقولو انو في دوام يعني تدوام قبل الاختبارات باآسبوعين هل صحيح ولا كذب !!

يعني يعني ابغى معلومات شاملة ( بلمختصر المفيد ) انا عارف انهاآ صعبة لكن ماعتقد تصعب عليكم طلاب علم وجامعات ان شاء الله بتفيدونني
وواتمنى واتمنى لكم خالص الشكر والتوفيق للجميع !!!

اخوكم فالله سلمان

[طــبــعــي خــجــولــه]

وعليكم السلام ورحمة الله وبركاته ..

خيوو الجدول نزل من 4 ايام تقريبا

الاختبارات تبدأ في 4/7/1435

يعني تقريبا 32 يوم باقي لنا قبل الاختبارات
يمديك تراجع فيهم وتذاكر كل ماده 4 ايام وبتختمهم قبل الوقت ان شاء الله

ادخل الرابط هذا

http://admission.kau.edu.sa/Pages-%D...A8-2-1435.aspx

اخر شيء تحت حتلاقي جدول كليه رابغ للطلاب واختار تختبر في عسفان او اختبار مناطق


بالنسبه للدوام هذا حسب ماقالت لنا الاستاذه مو اجباري هو فقط مراجعه فيس تو فيس للماده للي ماحضر السنترا وطبعا مايشرحون زياده عن اللي اخذناه بالسنترا
والدوام مدته 3 ايام فقط واحيانا يومين .. بالمختصر لو ماحضرت سنترا لاتفوت الدوام , اما لو حضرت سنترا فماله داعي الموضوع من اصله لانه عباره عن اعاده لدروس السنترا اكيد مافي مانع لو رحت واستفدت اكثر لتثبيت المعلومات وكمان عشان لو فيه سؤال صعب او استفسار حاب تقوله للدكتور ..

ان شاء الله افدتك ولو بشيء بسيط .. :)

[salman_yasser_]

مشششششكوووررره ياآختنا على الافآآآده المختصررة صرآحة الان عرفت وش علي
يعطيكي الف عافية ماقصرتي وما قصرو الاخوان منتدى جدآ جميل ومفيييد جدااا