بخصوص استلام الوثيقة

[سولار]

السلام عليكم ورحمة الله وبركاته

ابي اسال بخصوص استلام الوثيقة مكتوب بالتقويم انها لين 29 هالشهر نهايتها

ف ابي اسال اللي استلمو وثائقهم هل خلصو الاجراءت بنفس اليوم ولا كان في بطء في التسليم ؟؟


من اي بوابه ادخل عادي ولا في بوابات مخصصه للانتساب؟؟ وكمان بالنسبه للايام اي يوم عادي ولا في ايام محدده

لاني بكون جايه من الشرقيه فما ابي اروح ويطلع انو في ايام محدده ويروح علي الحجز حق التذكره او ما الاقي سكن

اللي سوت توصيات ياريت تخبرني على الاجراءات بالتفصيل اذا امكن

شااااااااكره لكم تجاوبكم...

[*زهرة السوسن*]

أنا استلمتها الأسبوع الماضي يوم الأحد ..أما بالنسبة لإجراءات التسليم والتوصيات فهي كالتالي :
الأيام المحددة الأحد والإربعاء ...
دخلت من بوابة غربية ..وما أدري إذا في بوابات مخصصة أو لا ..
والإجراءات عادي تخلصيها في نفس اليوم....تروحي مبنى 65 (عمادة شطر الطالبات) جنب 420
..تاخذي ورقة (إخلاء طرف للانتساب ) من الدور الأرضي ..تعبيها ..
وتطلعي الدور 3 أو 4 بالمصعد مو فاكرة بالضبط ..أسألي على مكان تسليم الوثائق ..تعطيهم الورقة والبطاقة الجامعية ...
ويسلمونكم الوثيقة وكشف الدرجات ..
وإذا تبغي صور موثقة ..تروحي تصوري (الوثيقة وكشف الدرجات ) في خوارزم ..وترجعي لمبنى 65 الدور الأرضي ..وتختميها ..
طبعاً ماكتب أعلاه يخص إجراءات التسليم ..
أما بخصوص التوصيات العلمية :
تروحي لمبنى كلية الإقتصاد والإدارة ..ويكون معاك كشف الدرجات والوثيقة ..
تشوفي ايش المواد الي ماخذة فيها درجات عالية وتروحي لأستاذتها ..تطلبي منها تعطيك توصية ..راح تطبعها لك وتوقع عليها ..
وتروحي للسكريترة قسم إدارة عامة الأستاذة دارم غزاوي تختمها لكِ ..
وطبعا الأستاذات مو كلهم يعطوا توصيات ..مثلا أستاذة خديجة الحربي قالت أنا ما أعطي ..وكمانة بعضهم تقولك أنا ما أطبعها ..روحي لفلانة هيا تطبعها لك وهاتيها أوقعها ..
وهذا كله يبغالك أقل شيء ساعتين أو ثلاثة تسويه ..مع الصبر وطولة البال ..
موفقة ^ـ^

[سولار]

شكرا مااااااره

مبروك التخرج واستلام الوثيقه ومنها للاعلى ياااارب

بجد ما قصرتي مو غريبه عليك ياما استفدت من مواضيعك
وبخصوص التوصيات
انا ناسيه مع مين اخذت المواد فكيف بعرف مع مين اخذت الماده اللي درجتي فيها كويسه فهل في طريقه اقدر اطلع فيها مين استاذتي في الماده خخخ
وكمان ليش يعني خديجة الحربي ماتعطي يعني مثلا الشغله في صلاحيات يعني في استاذات مصرح لهم يعطو توصيات وبعضهم لا ولا هي كذا ماتحب تعطي
معليش ثقلت عليك باسئلتي

[سولار]

وكمان بالنسبه للزي دققو معاك ولا عشانك انتساب ماقالو لك شي؟؟

[*زهرة السوسن*]

المشاركة الأصلية كتبت بواسطة سولار شكرا مااااااره مبروك التخرج واستلام الوثيقه ومنها للاعلى ياااارب بجد ما قصرتي مو غريبه عليك ياما استفدت من مواضيعك وبخصوص التوصيات انا ناسيه مع مين اخذت المواد فكيف بعرف مع مين اخذت الماده اللي درجتي فيها كويسه فهل في طريقه اقدر اطلع فيها مين استاذتي في الماده خخخ وكمان ليش يعني خديجة الحربي ماتعطي يعني مثلا الشغله في صلاحيات يعني في استاذات مصرح لهم يعطو توصيات وبعضهم لا ولا هي كذا ماتحب تعطي معليش ثقلت عليك باسئلتي

المشاركة الأصلية كتبت بواسطة سولار وكمان بالنسبه للزي دققو معاك ولا عشانك انتساب ماقالو لك شي؟؟

الله يبارك فيكِ ..
مافي إلا إنك تحاولي تذكري مع مين ..
وأتوقع مافي صلاحية معينة ..بس هيا كذا ماتبغى تعطي ..
والزي لا عادي مادققوا في شيء ..

[سولار]

المشاركة الأصلية كتبت بواسطة *زهرة السوسن* الله يبارك فيكِ .. مافي إلا إنك تحاولي تذكري مع مين .. وأتوقع مافي صلاحية معينة ..بس هيا كذا ماتبغى تعطي .. والزي لا عادي مادققوا في شيء ..

مشكوره حبيبتي والحمدلله دورت بالكتب ولقيت اسماء الاستاذات >>نعمه من الله كنت اكتب استاذة الماده ع الكتاب 😁
وان شاءالله اللي ابيهم يعطوني توصيات لان مو كثير المواد اللي علاماتي في تمااام

[يويو ون]

السلام عليكم.ياقلبي لاتشيلي هم ادخلي من بوابه شماليه 3 اللي قريبه من مبني 420 عادي مو لازم لها وقت محدد لدخول انا سالتني قلت باخذ الوثيقه قالت تفضلي وسالتها وين مبني 65 ووصفته ليه قريب من البوابه مره خطوتين تدخلي وتمشي وتلفي يسار وادخلي مبني 65 الدور الاول تحصل موظفات جلسات ع شبابيك اخر شباك قليلها باخذ الوثيقه تقولك خذي ورقه من السله وتعطيك ورقه عبيها وتقولك خذيها اطلعي الدور الرابع واعطيهم ايها وتعطيك الوثيقه عطول حتى الموظفه اللي فيه وحده من الطالبات عليها تدريب .وطلعلت وصورتها من برا وراح زوجي قسم الرجال وختمها علشان الوظيفه مانعطيهم الاصل .مااخذت وقت غير 5 دقايق كلها ع بعضها

[يويو ون]

انا كنت لابسه عابيتي عادي

[om yara]

ايش فايده التوصيات العلميه

[gshammary]

التوصيات العلمية للي بيكملون ماجستير عقبالنا جميعاً يارب