أرجو المساعدة ....

[,,غادة,,]

السلام عليكم ورحمة الله و بركاته ..

أنا خريجة ثانوية عامة من ثلاث سنوات ..
نسبتي 84,10 بتقدير جيد جدا ... تخصص علمي ..

ارغب بالتسجيل قسم موارد بشرية .. انتساب ..

لكن لدي أسئلة و ارجو الاجابة عليها ..

1/ سمعت انو فيه مركز بالدمام لأنو انا من المنطقة الشرقية ..
و هذا المركز تتم فيه اكمال جميع الاجراءات و اختبارات السنة التحضيرية ..
هل هذا كلام صحيح أو لا ؟؟

2/ هل استطيع اختبار جميع الاختبارات لكل السنوات بالمركز ولا السنة التحضيرية فقط ؟؟

3/ طيب .. اذا كان لازم اختبر بجدة ... هل يلزم حضور صفوف لأنجح ؟؟
ولا عادي بس احضر ايام الاختبارات ؟؟


ارجو الإجابة ع اسئلتي مشكورين ..

جوزيتم خيرا ً أحبتي ..

[دلوعة الجامعه]

اهلا بك اخيتي

بالعكس كملي دراستك وربنا يوفقك

وفعلا هنالك مركز للاختبارات مو شرط تحضرين


لكن انصحك اذا عندك امكانية لحضور الدورة التاهيليه خاصة بالمواد العلمية

كالمحاسبة والاقتصاد والاستثمار والمالية.....الخ


عن نفسي هذي الماود تتطلب حضور



اما بالنسبة للاختبارت انا سمعت انه ممكن تختبرين من مكانك


لاداعي للحضور ابد



وبالتوفيق

[المنجم]

عزيزتي بالنسبة لكلام الاخت دلوعة الجامعة صحيح ولكن بالنسبة لحضور الدورات مو شرط بأمكانك الحضور في وقت الاختبار بس والاستعانة بالمنتدى للأخوان الي يقدرون يحضرون الدورات توكلي على الله وسجلي بالتوفيق

[حسن الياسين]

المشاركة الأصلية كتبت بواسطة ,,غادة,, السلام عليكم ورحمة الله و بركاته .. أنا خريجة ثانوية عامة من ثلاث سنوات .. نسبتي 84,10 بتقدير جيد جدا ... تخصص علمي .. ارغب بالتسجيل قسم موارد بشرية .. انتساب .. لكن لدي أسئلة و ارجو الاجابة عليها .. 1/ سمعت انو فيه مركز بالدمام لأنو انا من المنطقة الشرقية .. و هذا المركز تتم فيه اكمال جميع الاجراءات و اختبارات السنة التحضيرية .. هل هذا كلام صحيح أو لا ؟؟ 2/ هل استطيع اختبار جميع الاختبارات لكل السنوات بالمركز ولا السنة التحضيرية فقط ؟؟ 3/ طيب .. اذا كان لازم اختبر بجدة ... هل يلزم حضور صفوف لأنجح ؟؟ ولا عادي بس احضر ايام الاختبارات ؟؟ ارجو الإجابة ع اسئلتي مشكورين .. جوزيتم خيرا ً أحبتي ..

ا

ختي العزيزه غاده
اول شيء الله يحييك بالمنتدى كعضوه جديده
احب اوضح لك شيء
البكالريوس طبعا اربعه سنوات
اول سنه تكون تحضيريه تدرسي فيها مواد عامه { عربي انجليزي رياضيات الخ ,,, }
السنه الثانيه تختاري الكليه { اداره واقتصاد او آداب وعلوم انسانيه }
السنه الثالثه تحددي المسار { اداره مستشفيات , تنظيم وتطوير اداري } على حسب الكليه الي انتي فيها
والسنه الرابعه تكمله لنفس المسار الي اخترتيه
--------------------------------------------
السنه التحضيريه ممكن تحضريها بالشرقيه وتختبري بالشرقيه اخبرها الترم الي راح كانوا يختبرون بصاله السيف للإحتفالات تعرفينها طبعا وكل سنه يحددون المكان الي يكون فيه الاختبار

رسوم الترم الواحد 3000 ريال واذا تبين تختبرين بالشرقيه لازم تدفعي الف ريال زياده لكل ترم .

حضور الدورات مهو ضروري ولا اجباري بالعكس اختياري ولكن بصراحه حضورها مهم للطلبه
لأن الطالب مايعرف شيء عن الماده ولما يحضر الدوره يتم شرح المنهج في ست محاضرات كل محاضره ساعتين واكيد ماراح يشرح المنهج كامل يشرحون الضروري جدا والمطلوب اكثر .

الامتحان وجدول الامتحان والمواد والمقررات الدراسيه كلها تنزل بموقع الجامعه الرسمي
وكل طالب يكون له صفحه خاصه بموقع الجامعه برقم سري ورقم الجامعه الخاص فيه
من هالصفحه انتي تقدري تشوفي موادك لكل ترم ومنها تضيفي مواد وتحذفي مواد كل عملياتك تسويها وانتي ببيتك .

حتى التسجيل تسويه عن طريق موقع الجامعه بالنت مافي داعي تروحي لايمين ولا يسار وتجيك اوراق القبول عن طريق dhl

اختباراك للسنه الاولى تكون اختياريه ممكن بجده او بالشرقيه لو تبين
بس باقي السنوات الثلاث ماراح تكون بغير جده { الا اذا غيروا النظام السنه الجايه }

بالنسبه للمركز الي تقولين عنه بالشرقيه فيه مركز للاختبارات بس مركز للقبول ما عندي فكره بحكم ان التسجيل بالنت

ابغى منك بعد هالكلام تاخذي رقم الجامعه من 905 كليه الاقتصاد والاداره وتسألي الموظفين بنفسك
عشان تقطي الشك باليقين
واذا احتجتي اي شيء لايردك حتى لسانك
حنا هنا كلنا اخوان ونحب نخدم بعضنا
اتمنى اشوفك الترم الجاي كطالبه معاانا وبالتوفيق ياااااااااااارب
تحياتي
اخوك
حسن الياسين

[,,غادة,,]

دلوعة الجامعة ..
تسلمي ع الرد يا عسل ..


المنجم ..
مشكور ومااقصرت أخوي ..


حسن الياسين ..
الله يجزاك ألف ألف خير
بصراحة اعطيتني معلومات أول مره اعرفها ..
وارتحت كثير و وضحت لي الصورة أكثر ...

لا خلا ولا عدم ..

[حسن الياسين]

الاخت العزيزه غاده
العفو ماسويت شيء يالغاليه
اتمنى لك كل التوفيق
اون احتجتي اي شيء او اي استفسار لايردك حتى لسانك
تحياتي
اخوك
حسن الياسين