اختبار الحاسب فاتني

[OneNoura]

السلام عليكم ورحمة الله وبركاته

زي منتوا شايفين اختبار الحاسب اليوم نمت عنه وراح عليا وقالولي البنات انهم مايختبروا الا بعذر طبي
صحيح هذا الكلام؟

[Doaa66]

غالبا ما يقبلو الإعادة إلا بعذر طبي شوفي المستشفيات الخاصة بعضها تعطي اعذار والله يعينك وييسرلك

[Yasmina95]

انا صحبتي اليوم صار لها نقس الشيء ، حسبت الاختبار الساعة 2 و راحت و لقتوا مقفل ..!!
بس اللي اعرفوا ما يختبروا إلا بعذر طبي ، الله يعينك و حاولي تشرحي موقفك او تجيبي لك عذر من جهة تضمني حقك

بالتوفيق

[mo7essi10]

الله يعوض عليكي

[Ranad Ayman]

انا دحين اقولك الخظوات وامشي عليها بحذافيرها ..

اولاً: روحي عمادة القبول والتسجيل مبنى 65 اول ماتدخلي اسألي الاستقبال قوليلهم انا راح عليا اختباري اروح فين حيوجهوكي.

ثانياً: روحي للمكان هذاك شكله تلاقيه زي كأنك طالعة حق المطار يشوفولك جوازك .. "على امل السفر " المهم .. قولي للآنسة ايش سارلك بس اصحك تحطي على لسانك راحت عليا نومة قولي راح عني الاختبار لظروف * اصحك تكذبي عشان يتباركلك في اختبارك*

ثالثاً: اظن حتقولك الآنسة اطلعي فوق وكلمي استاذة فلانة *مو فاكرة اسمها* بس انسانة جداً طيبة ومتفاهمة وبرضه لا تقولي راحت عليا نومة .. حتقولك جيبي عذر طبي ولا تخافي واسأليها اي شي تجاوبك

رابعاً: عشان لا يسير الموضوع فيه ان روحي اعملي كشف على اي مرض حاسة انه عندك زي مثلا كحة .. مسخنة .. فقر دم وخلي الدكتور يعطيكي عذر يعني لا تسوي شغل اخذ عذر بس كدا .. حرام والله * انتي والطبيب تكون في ذمتكم*

خامساً: روحي للعمادة واطلعي للآنسة ووريها عذرك حتوقعلك عليه.

اخيراً : انزلي للآنسة واعطيها الورقة الموقع عليها مع بطاقتك و بطاقة السجل المدني حتخليكي تعبي ورقة في الاخير حتقولك تم قبول عذرك ولمن يتحدد وقت الاختبار حنبلغك .. حيجيكي الخبر من المنسقة او الاستاذة عن الموعد .

وموفقة ان شاء الله

[Nuha Khalid]

انا اختبار الحاسب الدوري الاول ماغبتو ومعايا عذر طبي ولا كلمت العماده وكلية الحاسب قالو الاختبار النظري حتى لو عندك عذر مانختبرو لكي بس نعادلك الدرجه على حسب كم تجيبي بالعملي

انا دحين جبت بالعملي 20 ولمن عادلتو ليا الاستاذه طلع اخدت بالدوري النظري 8
انتي شدي حيلك بالعملي عشان يحطولك درجه حلوه

وبالتوفيق

[Ranad Ayman]

المشاركة الأصلية كتبت بواسطة nuha khalid انا اختبار الحاسب الدوري الاول ماغبتو ومعايا عذر طبي ولا كلمت العماده وكلية الحاسب قالو الاختبار النظري حتى لو عندك عذر مانختبرو لكي بس نعادلك الدرجه على حسب كم تجيبي بالعملي انا دحين جبت بالعملي 20 ولمن عادلتو ليا الاستاذه طلع اخدت بالدوري النظري 8 انتي شدي حيلك بالعملي عشان يحطولك درجه حلوه وبالتوفيق

والله حلوة الفكرة .. هذا الي اول مع المواد التانية
شكله كلية الحاسبات في وادي والمواد العلمية في وادي تاني

على كدا روحي كلية الحاسبات عند الادارة .. حماس الحركة ياخي لا تذاكري ولا يحزنون

[Nuha Khalid]

معليش قصدي غبت بالدوري الاول نظري