اراءكم تهمني

[جامعي تحضيري]

انا انقبلت ادارة واقتصاد وفتحو اعادة التسكين وموجودة كلية العلوم وانا كان نفس ادخل علوم طبية تطبيقية بس الله ما كتبلي الحمدلله بسبب النسبة الخاصة بس

الحين احول كلية العلوم عشان بعد سنة احول علوم طبية وﻻ خلاص اتوكل على الله وابقى في الادارة ﻻني خايف ادخل العلوم وما اقدر احول علوم طبية واتورط واذا دخلت العلوم يمكن ادخل كيميا حيوية او فيزيا طبية .. >> لها شروط وﻻ اي احد يدخلها

اما اذا دخلت ادارة واقتصاد مدري ايش ادخل بس سمعت انو المحاسبة علييه طلب كثير بس بما اني كنت ابغا علوم طبية يمكن ادخل ادارة مستشفيات ياليت احد يفيدني بالتخصصات اللي لها مستقبل ان شاء الله بالكلية

وشكرا

ايش رايكم

[الهيملي]

أنا حعطيك رأيي وفي النهاية هو رأي وأنت قرر واستخر .

من وجهة نظري أنو وظائف كلية العلوم تعتبر محدودة وأغلبية خريجيها يتجهو إلى التعليم لقلة مجالاتها في السعودية , بعكس كلية الإدارة (ولا أقول هذا لأنيي طالب فالكلية ) بحسب معلوماتي أنو تخصصات الإدارية فيها مجالات عديدة لا تحصى وكل الشركات والإدارات تقوم على هالكلية هذا إذا كنت ماراح تحول .
فكرة التحويل تراود الكثيرين بعد التحضيري ولما يدخل كلية العلوم يجلس فيها ونادرا مايحولون لكن إذا كان لك عزم هائل أنك تتحسن فالله يوفقك وإن شالله يحولوك , القبول في داخل كلية العلوم ما أتوقع أني في منافسة وتقدر تتخصص اللي تبي .

أيضا تخصص إدارة المستشفيات لا يعني أنك تدرس شي طيب وإنما كيف تدير هذه المنشئات أو المرفقات الطبية , المحاسبة عليها طلب وهو تخصص حسابي بحت لكن برضو فيه تخصصات ثانية حلوة وعليها طلب كالتمويل ونظم المعلومات الإدارية (حاسب +إدارة ) إدارة أعمال ... إلخ , طبعا إدارة المستشفيات راح تتخصص على طول , أما بقية التخصصات فراح تدرس ثلاث أترام أو ترمين وصيفي ثم تتخصص لكن ليس هناك منافسة في الغالب الكل يدخل تخصصه .

بالتوفيق.

[الإخلاص]

طيب.. أخوي ايش رايك في تخصص موارد بشرية ..بالنسبة للطالبات ؟...هل هو افضل او إدارة الأعمال؟

[الهيملي]

المشاركة الأصلية كتبت بواسطة الإخلاص طيب.. أخوي ايش رايك في تخصص موارد بشرية ..بالنسبة للطالبات ؟...هل هو افضل او إدارة الأعمال؟

للأسف ماعندي خلفية .