النسبة الخاصة واللغة

[amar131315]

المشاركة الأصلية كتبت بواسطة amar131315 مشاهدة المشاركة

ممكن احد يشرحلي ايش هيا النسب الخاصة والعامة ؟؟؟ للقبول في التخصصات ؟؟؟ خصوصا الطب .....


جواب :

راح اشرح لك

اولا النسب العامة...

عامة يعني النسبة المئوية لكل درجاتك ...في الكل المواد

طريقة حسابها تضرب كل مادة في عدد ساعاتها و تجمع النواتج بعدين تقسم ناتج الجمع على مجموع عدد الساعات

النسبة العامة هيا اللي راح تنقبل على اساسها وهيا اللي وقفت عليها نسب القبول في جدول التسكين .. يعني التركيز يكون على كل المواد .. الرياضيات =الانجليزي 2 =الكيمياء=المهارات = الانجليزي 4 = الاحياء..إلخ

..................

النسبة الخاصة ...هيا خاصة

بعض الكليات لها نسبة خاصة و تختلف من كلية لكلية

الكليات اللي لها نسبة خاصة:

الطب و طب الاسنان و الصيدلة و التمريض و العلوم الطبية

كلية الهندسة

كلية الحاسبات


............

النسبة الخاصة للكليات الطبية تختلف


الطب و الاسنان و صحة الفم والاسنان نسبتهم الخاصة 85

الصيدلة و العلوم الطبية و التمريض 80

كيف نحسب دي النسبة؟

طريقتهم في الكليات الصحية وحدة

تحسب الدرجة من 100 لدي المواد ..

احياء و كيمياء و فيزياء و انجليزي

درجة كل مادة في عدد الساعات و تنجمع والناتج ينقسم على مجموع الساعات

الانجليزي كيف ينحسب؟

كل مستوى انقلش ينحسب كمادة مستقلة و عادي لو كان درست ليفيل او ليفيلان المهم ما تكون الدرجة عالية

لو اتعادل الانجليزي عادي " أفضل كمان " ما ينحسب في المعدل


الاخ \الاخت AoDi جاوب\ت على سؤالي ولاكن ما فهمت الجزء المتعلق باللغة ممكن احد يشرحلي ؟ خصوصا /(المهم ما تكون الدرجة عالية)

[Azzoz1996]

يعطيك العآفية..
وايش مواد النسبة الخاصة للحاسب و الهندسة ؟

[AoDi]

الانجليزي كيف ينحسب؟

كل مستوى انقلش ينحسب كمادة مستقلة و عادي لو كان درست ليفيل او ليفيلان المهم ما تكون الدرجة عالية

لو اتعادل الانجليزي عادي " أفضل كمان " ما ينحسب في المعدل
.................

طبعا الدرجة ماتكون عالية ..غلط مطبعي

قصدي بـ " كل مستوى يحتسب كمادة مستقلة " لمن تحسب النسبة الخاصة مثلا و انت عندك المستويات 3,4 فقط

(درجة المستوى 3 ×2) + (درجة المستوى4 ×2)+ (درجة الكيمياء×3) +(درجة الاحياء×3) + (درجة الفيزياء×3) ÷13

و لو عادلت الانقلش راح تحسبها كدا:

(درجة الكيمياء×3) +(درجة الاحياء×3) + (درجة الفيزياء×3) ÷9

و اذا عندك استفسار انا في الخدمة

[amar131315]

المشاركة الأصلية كتبت بواسطة aodi الانجليزي كيف ينحسب؟ كل مستوى انقلش ينحسب كمادة مستقلة و عادي لو كان درست ليفيل او ليفيلان المهم ما تكون الدرجة عالية لو اتعادل الانجليزي عادي " أفضل كمان " ما ينحسب في المعدل ................. طبعا الدرجة ماتكون عالية ..غلط مطبعي قصدي بـ " كل مستوى يحتسب كمادة مستقلة " لمن تحسب النسبة الخاصة مثلا و انت عندك المستويات 3,4 فقط (درجة المستوى 3 ×2) + (درجة المستوى4 ×2)+ (درجة الكيمياء×3) +(درجة الاحياء×3) + (درجة الفيزياء×3) ÷13 و لو عادلت الانقلش راح تحسبها كدا: (درجة الكيمياء×3) +(درجة الاحياء×3) + (درجة الفيزياء×3) ÷9 و اذا عندك استفسار انا في الخدمة

اولا شكرا على هذا التفاعل السريع والاهتمام بمساعدة الطلاب ! فشكرا لكي اختي الكريمة ولبقية الاعضاء المتعاونين ....... اما بعد:

الي فهمته انه كل ما قل عدد الساعات( بمعادلة مواد اللغة ) كل ما كانت فرصة ازدياد النسبة الخاصة اعلى ...

ولاكن الانجليزي ممكن يرفع النسبة العامة !

...............

1- هل من مصلحتي الغي الانجليزي ؟

2- هل اركز على رفع النسبة الخاصة ام العامة اكثر ؟؟



بالتوفيق وشكرا ....

[Somaiah Yousef]

المشاركة الأصلية كتبت بواسطة amar131315 اولا شكرا على هذا التفاعل السريع والاهتمام بمساعدة الطلاب ! فشكرا لكي اختي الكريمة ولبقية الاعضاء المتعاونين ....... اما بعد: الي فهمته انه كل ما قل عدد الساعات( بمعادلة مواد اللغة ) كل ما كانت فرصة ازدياد النسبة الخاصة اعلى ... ولاكن الانجليزي ممكن يرفع النسبة العامة ! ............... 1- هل من مصلحتي الغي الانجليزي ؟ 2- هل اركز على رفع النسبة الخاصة ام العامة اكثر ؟؟ بالتوفيق وشكرا ....

غير صحيح .. العكس أصح

كل ما أخذت ساعات أكثر أو مواد أكثر .. هذا يرفع نسبتك .. بشرط تكون جايب درجات كويسة

أما لو جبت درجات متدنية راح يأثر فيك بشكل سلبي

وإحنا ننصح بمعادلة الانجليزي مو عشانه ينزل معدلك لالا أبدا .. لكن لأنه يضيع وقتك وجهدك

الانجليزي في النسبة الخاصة والنسبة العامة نفس الشي

لو درجتك عالية .. يرفعك

لو درجتك نازلة .. ينزلك

بالنسبة لإلغاء اللغة الانجليزية

انا من رأيي إلغائه

بصراحة مآشفت آي طالب او طالبة عادلوا الانجليزي وكان معدلهم نازل

والسبب تفرغهم للمواد الأخرى + راحة نفسية + دوام أقل + وقت إضافي

طبعا باستثناء الطلاب المتهاونين أساسا بالدراسة ومعادلين الانجليزي .. أثر عليهم هذا الشي سلبيا

لكن لو أنت تعرف نفسك دافور مشاء الله خلاص احذف الانجليزي وريح نفسك

عن تجربة شخصية والله !!

أو مثل رأي بنت عز .. تنتظر إلى اختبار الدوري الاول وتشوف درجاتك

لو درجاتك كويسة خلاص احذفه ماتحتاجه

انا عن نفسي جبت 85 في الانجليزي وأثر في نسبتي سلبيا .. أوك ماراح اقول اني تعبت نفسي في مذاكرته .. ذاكرته بشكل عادي

لكن بدون الانجليزي معدلي ونسبتي أعلى من ماهي عليه :)


وبالنسبة للنسبتين الخاصة والعامة

النسبة الخاصه تعتمد على مواد معينة .. والمهم تكون +85 للكليات الصحية و+80 للهندسة والحاسب

ومو مهم تكون أكثر من كذا أو حتى جبت 85.1 عادي ماتفرق

المهم التركيز على النسبة العامة لانه هي اللي تدخل في المفاضلة وتحدد موقعك في أي كلية تنقبل

[Somaiah Yousef]

راح أوضح لك الفرق بالأرقام :)

طبعا الإنجليزي يساوي 2 في المعدل !

لو إنت أخذت المستوى الثالث للإنجليزي + المستوى الرابع .. بالاضافة للمواد الاخرى صار عندك 25 ساعة في المعدل

كل درجة تنقصها في الانجليزي ... تنزل نسبتك بمقدار 0.080

وكل درجة تنقصها من أي مادة أخرى .. تنزل نسبتك بمقدار 0.12



لو إنت أخذت المستوى الرابع فقط .. بالإضافة للمواد الأخرى يصير عندك 23 ساعة في المعدل

كل درجة تنقصها في الانجليزي .. تنزل نسبتك بمقدار 0.097

وكل درجة تنقصها في المواد الأخرى .. تنزل نسبتك بمقدار 0.13


انا شخصيا أخذت المستوى الرابع فقط وجبت 85 ونزلني تقريبا نسبة ونص :) .. ولو جبت فيه 100 كان رفعني 0.013 فقط !!!!

وهذا يعتمد على الدرجات الثانية طبعا يعني عشان ماتحط ف بالك إنه لو اخذته بيرفعك 0.013 .. لان النسبة تختلف من طالب للثاني حسب الدرجات الاخرى



كل ماكانت درجاتك منخفضة والانجليزي مرتفع .. يرفعك بشكل كبييير

وكل ماكانت درجاتك مرتفعة .. الانجليزي يقل تأثيره عليك :)

جربت احسب نسبتي مع الانجليزي وبدونه

من هذا الرابط

http://www.skaau.com/vb/showthread.php?t=732354


إن شاء الله تكون فهمت عليا .. عشان تقدر تحدد بنفسك إذا تحذف المادة ولالا

يعتمد عليك شخصيااا

وعشان ماتلوم أحد :)

ولا تنسى الاستخارة

وربي رآح يوفقك للي فيه خير لك

[amar131315]

المشاركة الأصلية كتبت بواسطة فيونكـه راح أوضح لك الفرق بالأرقام :) طبعا الإنجليزي يساوي 2 في المعدل ! لو إنت أخذت المستوى الثالث للإنجليزي + المستوى الرابع .. بالاضافة للمواد الاخرى صار عندك 25 ساعة في المعدل كل درجة تنقصها في الانجليزي ... تنزل نسبتك بمقدار 0.080 وكل درجة تنقصها من أي مادة أخرى .. تنزل نسبتك بمقدار 0.12 لو إنت أخذت المستوى الرابع فقط .. بالإضافة للمواد الأخرى يصير عندك 23 ساعة في المعدل كل درجة تنقصها في الانجليزي .. تنزل نسبتك بمقدار 0.097 وكل درجة تنقصها في المواد الأخرى .. تنزل نسبتك بمقدار 0.13 انا شخصيا أخذت المستوى الرابع فقط وجبت 85 ونزلني تقريبا نسبة ونص :) .. ولو جبت فيه 100 كان رفعني 0.013 فقط !!!! وهذا يعتمد على الدرجات الثانية طبعا يعني عشان ماتحط ف بالك إنه لو اخذته بيرفعك 0.013 .. لان النسبة تختلف من طالب للثاني حسب الدرجات الاخرى كل ماكانت درجاتك منخفضة والانجليزي مرتفع .. يرفعك بشكل كبييير وكل ماكانت درجاتك مرتفعة .. الانجليزي يقل تأثيره عليك :) جربت احسب نسبتي مع الانجليزي وبدونه من هذا الرابط http://www.skaau.com/vb/showthread.php?t=732354 إن شاء الله تكون فهمت عليا .. عشان تقدر تحدد بنفسك إذا تحذف المادة ولالا يعتمد عليك شخصيااا وعشان ماتلوم أحد :) ولا تنسى الاستخارة وربي رآح يوفقك للي فيه خير لك

الله يوفقك دنيا واخره اكثر من كذا جواب الصراحة مااافي :-)

[أُنـثــﮯ مـــلآئـكيـة]

نصيحة مني
اذا كنت ناوي تتخصص طب او هندسة
نصيحة احذف الانجليزي عشان تركز بالمواد الباقية + تحضر محاضرات اضافية بالجامعة في اي مادة تصعب عليك

[AoDi]

معادلة "حذف " الانجليزي افضل

1- بسبب الوقت... محاضرات طويلة و حضورها اجباري غالبا

2-الدرجات .. حساب درجات الانجليزي مش زي باقي المواد في درجات في يد الاستاذات في اختبار الكلام وفي تصحيح لقطعة الكتابة و ممكن تنقص نص درجة عشان فاصلة او خطاء املائي...

" نقصت درجتين في الانقلش بسبب اني ما كتبت العنوان في اختبار الكتابة!"

3-البونس.. مافي ولا حتى درجة تحسين في الانقلش المواد الثانية اذا مررة الواحد خبص في بونس يرفع و يدفع .. اما الانقلش مافي و لا نص درجة.

هادا رأيي الشخصي

[amar131315]

المشاركة الأصلية كتبت بواسطة AoDi معادلة "حذف " الانجليزي افضل 1- بسبب الوقت... محاضرات طويلة و حضورها اجباري غالبا 2-الدرجات .. حساب درجات الانجليزي مش زي باقي المواد في درجات في يد الاستاذات في اختبار الكلام وفي تصحيح لقطعة الكتابة و ممكن تنقص نص درجة عشان فاصلة او خطاء املائي... " نقصت درجتين في الانقلش بسبب اني ما كتبت العنوان في اختبار الكتابة!" 3-البونس.. مافي ولا حتى درجة تحسين في الانقلش المواد الثانية اذا مررة الواحد خبص في بونس يرفع و يدفع .. اما الانقلش مافي و لا نص درجة. هادا رأيي الشخصي

وهوا رأي كمان ...... انا راح اداوم شهر تقريبا بسبب مواعيد اختبارات ال ielts , هل ممكن يخرب الانجليزي شي عليا ؟ خلال شهر