الرياضيات وكيفية دراسته

[Rghd]

السلام عليكم ورحمة الله وبركاته

مره مضايقه واحس اني ضايعه . مني عارفة كيف اذاكر الرياضيات .. كل الناس يقولوا اتدربي على اختبارات السنة اللي فاتت وذاكري الورك شوب
بس المشكله انهم غيروا المنهج سار مختلف مره عن اول
مني عارفه كيف انصرف
ياريت لو احد يعرف ما يبخل علينا .. وشكرا

[Somaiah Yousef]

وعليكم السلام ورحمة الله وبركاته

المنهج مو مختلف .. هو نفسه بس الكتاب تغير .. كوبي بيست مافي جديد

اختلافات طفيفة تكاد لا تذكر

بعدين احنا البنات مرجعنا الاساسي الكتاب

لا بنشوف اسئلة سنوات سابقة ولا وورك شوب .. الا للاستزادة

يعني لو فهمتي الكتاب وحليتي تمارينه .. حيغنيكي بقوة عن الوورك شوب

ممكن عشان تتاكدي من مذاكرتك .. تمسكي اسئلة اختبارات قديمة

لا تخافوا ❤

ابدؤوا ذاكروا من دحين وشوفو فين نقاط ضعفكم وطوروها وخلوها نقاط قوة

لا تستنوا الاختبارات تجي

الرياضيات ابدا ماينفع له كدا اذا تبغي تجيبي فل الفل مارك

الدروس حلوة وبسيطة .. لو عندكم استفسارات لا تترددو تسالونا

احنا موجودين لكم وعشانكم

والافضل تجمعو استفساراتكم في الموضوع المثبت عشان ماتتكرر الاسئلة وكذا

موفقينن

[Ranad Ayman]

^
طيب كويس اذا مو مختلف عننا اول مرة .. لانه لمن اسمع احس في اختلاف شديد
اشتروا ملزمة جمال السعدي .. مررة شرحه حلو ويحطلك اسئلة تحليها وانتي خلاص فاهمة

بالنسبة للكتاب انا بالنسبالي كنت ما احسه يوفي كتير .. يعني مثلا يحطلنا امثلة قليلة و مباشرة .. او انه يحل بطرق مادري كيف كنت اتوه معاه
فكنت امسك ملزمة جمال السعدي واذاكر الشابتر منها واحل واتعرف على طرق مختصرة واشياء جدا جميلة يفكلك المسألة بأسلوب جدا جميل ومرتب ..

بعدها ..

افتح الكتاب وبس اشوف المثال واحله واطل في النتيجة من غير ما اطل في الطريقة واتأكد من جوابي انه صح ..
والوورك شوب ينحط في مواقع الدكاترة حقونكم .. هذه تحلوها بعد ما انتو خلاص بتشطبوا يعني قبل الاختبار بيوم كدا ..

وبس وعلى هذا الروتين كنا انا وزميلاتي ..

والحمدالله ..

[Hanan0]

اول شيء لاتتضايقي بالعكس ركزي بالذات اذا كنتي تبغي تخصص زي الهندسة وذاكري الورك شوب كانت تجي اشياء مشابهه وترى منهج الرياضيات مو صعب للي يحبه

[Rghd]

الله يسعدكم ويطمن قلبكم
شكرا مره