بعد نتيجة التصميم الداخلي || ساعدوني في اختيار التخصص البديـل...؟!

[rnd]

بسم الله الرحمن الرحيم




آآآه يا قلبي ..

للأسف ما انقبلت بالتصميم الداخلي اللي مررة كان نفسي فيه ..

حتى تخيلت نفسي وأنا أدرسه ..

لكن ربنا ما أراد ..

تحطمممممممممممت جداً و بكيت ..حتى فكرت أطلع من الجامعه و أقعد بالبيت ... خصوصاً اني المفروض أكون مستوى 7 الترم الجاي ..!!


:(

والله حرام 30 طالبه من الجامعه كلللللها .. يعني جامعة طويله عريضه ما يقدروا يعملوا توسعه ..!!

المهم .. قدر الله وما شاء فعل ..


أبغى مشورتكم باختيار تخصص ثاني .. لانه ما أعرف أسأل مين .. انتو معايا بالكليه و عندكم خبره أكثر من غيركم ..



أنا نفسي في ( فنون اسلاميه - أو - ادارة سكن و مؤسسات ) لأنه :



فنون اسلاميه: لانه أنا أحب العملي .. لكن أخاف من قلة فرصه الوظيفيه .. ويكون كرف عالفاضي ..!


ادارة سكن و مؤسسات : فكرت ادخله واخذ مواد مشتركه مع تصميم داخلي وأقدم الترم الجاي عالاختبار مرة ثانيه و أجرب حظي ..

لكن أخاف ما انقبل بالاختبار تبع التصميم.. ويضيع عليا كمان ترم .. وأكون ما استفدت شي ..


- هل لو لوكملت ادارة سكن في فرص وظيفيه حلوة ؟

لانه بصراحه ما أصدق الكلام اللي مكتوب بموقع الجامعه أحسه تضخيييم بـ تضخيييم ..

- و هل انه بشهادة التخرج يكتبوا فقط ( خريجة ادارة سكن ) مو (ادارة سكن و مؤسسات ).. عشان كذا ما ينقبلوا بالوظائف .. لانه قرأت وحده تشتكي من هذا الشي؟




ساعدوني بالاختيار بين التخصصين .. بأي شي تعرفوه .. أو أي فكرة .. أي شي,

و سامحوني عـ الاطاله .. بس والله من حزني و قهري على السنوات اللي فاتت .. وعلى مستقبلي اللي ماني عارفه كيف نهايته ..


الله يبارك فيكم ..

[Roa'a]

شوفي ياقلبي
انت اكتبي كل اللي انت تحبيه في ورقه
وشوفي ايت تخصص اقرب ليكي

ونصيحه اذا كنت داخله اداره عشان هوا قريب من التصميم
ترى مررره مو زيووو دا شي والتصميم شي تاااني

هوا صح ياخدوا مادتين زينا
استديو 1 وياخدوا تاريخ أثاث
بس فيا لاستديو مره شغلهم غيرنا احنا شي وهما شي تاني
هما ياخدوا مررررره مبادئ بسيطه
واحنا مره متعمقين
حتى تاريخ أثاث لأنو مالها كتاب الاستاذه هيا اللي تعطينا المنهج
في اشياء في الماده نتفق فيها واشياء مره غير بعض
يعني لا تحسبي انو زي التصميم وتورطي

انت استخيري وربنا يسهلك ان شاء الله =)

[Roa'a]

ولا تهتمي في حكاية الوظايف كتير
اذا لك نصيب ربنا حيخليكي تتوظفي
يعني احنا قبل كم اسبوع رحنا شركة جوتن
هناك شفنا موظفات وقالولنا انهم متخرجين فنون اسلاميه
يعني الشغل ماراح يجي لحد عندنا مهما كان تخصصك تقدري
تروحي وتدوري وتسالي الين ماتلاقي اللي يناسبك

^_"

[rnd]

الله يسعدك يارؤى ..

مشكورة على مساعدتك ..

كلامك فادني كثير ..

بس محتاااارة ..

شكرا ..

:(

[Roa'a]

ويسعدك يااارب
..
انت استخيري والخيره فيما اختار الله
=)