تدريب صيفي .............

[lolipop]

سلاااام يا صبايا

كيف حالكم .. وكيف اختباراتكم ان شاء الله تمام

ابغى مساعدتكم في موضوع ....
بما انو ما في صيفي دا الترم ولا سفر بسبب دا المرض انفلونزا الخنازير ..الله يجيرنا منو ، فكرت اشتغل في الصيف ( خبرة بس مو وظيفة) فاللي عندها فكره عن شركات تقبل تدريب بس
لاني كل ما سألت في شركة يقولو ما عندنا و انا ما بغى اشتغل في بنوك ، وشكرا

هاف انايس اجازة

[خليجي 22]

الله يعطيك العافيه

[charming lady]

ياقمر

اكتر التدريبات تكون في البنوك.. الشركات قليل ماتدرب او يمكن يكون فيه بس ماتكون معروفه زي البنوك

عموما عندك سعودي اوجيه يعملو تدريب للطلاب.. بس مو شغل دراسه بمعهد .. يعني يعطوكي دورات على حسابهم
انا اخذتها من قبل سنتين بس كانت تبع الراجحي.. وصحباتي اخذوها السنه اللي فاتت كمان برضو تبع الراجحي.. وكانت دوراتنا ناخذها في نيوهورايزن اللي بالتحليه

تصيحتي لكي اتصلي على الغرفه التجاريه او مكتب العمل.. والافضل انك تروحي لهم بنفسك إذا تبغي فعلا تتدربي بالصيف لأنه مكتب العمل هوه المسؤول عن استقبال طلبات الشركات والبنوك للطلاب المتدربين.. والغرفه التجاريه سمعت انه بيعملو تدريب كمان

اتمنى اكون افدك ياقلبوو..بالتوفيق

[lolipop]

المشاركة الأصلية كتبت بواسطة charming lady ياقمر اكتر التدريبات تكون في البنوك.. الشركات قليل ماتدرب او يمكن يكون فيه بس ماتكون معروفه زي البنوك عموما عندك سعودي اوجيه يعملو تدريب للطلاب.. بس مو شغل دراسه بمعهد .. يعني يعطوكي دورات على حسابهم انا اخذتها من قبل سنتين بس كانت تبع الراجحي.. وصحباتي اخذوها السنه اللي فاتت كمان برضو تبع الراجحي.. وكانت دوراتنا ناخذها في نيوهورايزن اللي بالتحليه تصيحتي لكي اتصلي على الغرفه التجاريه او مكتب العمل.. والافضل انك تروحي لهم بنفسك إذا تبغي فعلا تتدربي بالصيف لأنه مكتب العمل هوه المسؤول عن استقبال طلبات الشركات والبنوك للطلاب المتدربين.. والغرفه التجاريه سمعت انه بيعملو تدريب كمان اتمنى اكون افدك ياقلبوو..بالتوفيق

مرررررره شكرا يا قلبي

[طالبة محاسبة]

المشاركة الأصلية كتبت بواسطة charming lady ياقمر اكتر التدريبات تكون في البنوك.. الشركات قليل ماتدرب او يمكن يكون فيه بس ماتكون معروفه زي البنوك عموما عندك سعودي اوجيه يعملو تدريب للطلاب.. بس مو شغل دراسه بمعهد .. يعني يعطوكي دورات على حسابهم انا اخذتها من قبل سنتين بس كانت تبع الراجحي.. وصحباتي اخذوها السنه اللي فاتت كمان برضو تبع الراجحي.. وكانت دوراتنا ناخذها في نيوهورايزن اللي بالتحليه تصيحتي لكي اتصلي على الغرفه التجاريه او مكتب العمل.. والافضل انك تروحي لهم بنفسك إذا تبغي فعلا تتدربي بالصيف لأنه مكتب العمل هوه المسؤول عن استقبال طلبات الشركات والبنوك للطلاب المتدربين.. والغرفه التجاريه سمعت انه بيعملو تدريب كمان اتمنى اكون افدك ياقلبوو..بالتوفيق

ياقلبي ابي اعرف فين مكانهم وكيف اسجل عندهم والدورات كم مدتها وعليها شهاده ولالا

[lolipop]

معليش حبيبتي ممكن سؤال ؟
ايش دا سعودي اوجيه ؟ وكيف يعني ندرس على حسابهم ؟

[طالبة محاسبة]

lolipop مره مشكورة ياقلبي عالكتب اللي عندي والله يوفقك
وهي عندي بس كيف اجيبها لك اذا تحتاجيها والاسبوع الجاي عندك دوام حجيبها لك اوك

[طالبة محاسبة]

اتصلت عليهم بس مايردوا لو عندك رقم تحويله اكتبيه

[E7sasBanota ~]

تصدقي فكرة حلوة الله .. بس ماعندي خبرة الله يوفقك يارب ان شاءالله تحصلي وظيفة للتدريب

[charming lady]

هاااااي

مررره sorry تأخرت عليكم بالرد..

اول شي سعودي أوجيه هيا شركه سعوديه لبنانيه.. بس بسراحه ايش نشاطاتها مااعرف.. اللي اعرفه بس انها حقت اولاد رفيق الحريري

وتعطي كل سنه دورة مجانيه لطلاب الجامعه والثانويه في معهد معين هما يحددوه.. تدرسو انجليزي وكمبيوتر ويعطوكي عليه مكافأه 500 ريالززز

يعني فله ودراسه بلاش وفوقها فلوس .. وين تلقونها

ودا السايت حقهم http://www.saudioger.com/index.html

ورقمهم 6940002

انتو دقو وشوفو ايش يصير معاكم

اما بالنسبه للغرفه التجاريه دا رقمهم 6515111
تحويله 4111 -4115- 4116 -4114

اسألو عن التدريب الصيفي عندهم ..اظن والله اعلم انه عندهم التدريب من غير اي مكافأه في الحياه..بس اظن خبره


بالنسبه للبنوك.. قرفووووووووووني.. كل ماادق على بنك يزحلقوني.. الي يقولي لسه واللي يقولي خلاص اكتفينا واللي يقولي مدري اشكلو يعني قلق.. الوحيد اللي اداني وجه بنك الاهلي رسلت السي في علي ايميلهم وخلاص

بس انتو اتصلو وجربو

الأهلي 6673215
سامبا 6533555
بنك الرياض 6513333
الجزيره 6098888
الراجحي 6422111

وبسسسسسسسسسس

ونصيحتي الأخيره لكل وحده تبغى تتدرب بالصيف انها تتوجه لمكتب العمل .. لا تفكرو تدقو عليهم لأنه مااحد بي يرد دااااااااااااايما.. عشان كدا روحو بنفسكم عشان يحسو انكم مهتمين.. وترا طلبات التدريب مو بس تكون من البنوك من الشركات كمان.. يعني لازم تروحو وتحطو اوراقكم

ان شاءالله كلكم تستفيدو وتدربو.. واذا صار معاكم شي ادعولي بليز

موفقييييييييييييين ياقمرررات