الطريقة الصحيحة لحساب النسب الموزونة على طريقة بوابة القبول

[sweety rooz]

السلآم عليكم ورحمة الله وبركاته ...

حبيت أوضح للجدد اللي بيسجلوآ واللي مافهموا طريقة حساب النسب الموزونة مثل ماتنحسب بـ بوابة القبول ... لآني أشوف كثير لخبطة بالموضوع
بوابة القبول لها طريقتين لحساب النسب .. طريقة قبل الفرز الاولي .... وطريقة بعد الفرز الاولي ... وطبعا النسبتين هنا وهنا تخختلف والمعتمدة هي الطريقة الثانية ورح أوضح ..
أرفقت صورة لحساب نسبتي قبل الفرز المبدئي ومثل ماهو واضح طريقتهم هنا بهالشكل :
أخذوا 40% من القدرات
وأخذوا 60 % من المعدل
وحسبوا النسبة من 100%
نسبتي كانت قبل الفرز 78.92 حلوووو ؟؟


القدرات : 77 * 0.4 = 30.8
المعدل: 4.01 * 12 = 48.12
نجمع: 30.8 + 48.12 = 78.92
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
أما بعد الفرز وقت النتايج :
أخذوا 40% من القدرات
وأخذوا 50% من المعدل
وحسبوا النسبة الموزونة من 90%
والناتج زادوا عليه عشششر درجات حقت القرب من التخصص وصاارت نسبتي بعد الفرز
80.9

القدرات: 77 * 0.4 = 30.8
المعدل بما انه 50% : نقسم معدلنا على المعدل الكلي ونضربه في 50 { 4.01/5 * 50 } = 40.1
النسبة بما انها من 90% : نجمع 30.8 + 40.1 = 70.9 ونضيف عليها العشرة حق قرب التخصص ويصيرر 80.9


شفتووا الفرررق كيف تخختلف بعضهم يظن ان الطريقة وحدة ماتتغير وهذا غلط والحين انا وضحت الي كاان مبهم للبععض

دعواااتكم لي بالقبووول واي سؤال انا حااضرة

[مرام العمري91]

جزاك الله كل خير
ممكن تحسبلي نسبتي لانه موعارفه احسبها
معدلي التراكمي ٢.٤٩/٤
واختبرت استيب وحصلت ٥٨
واختبرت قدرات وحصلت ٦٨
وتخصصي في البكالوريس علم الحاسوب وتطبيقاته
احسبلي اذا بقدم ع كليه الاقتصاد
او اذا بقدم ع تخصص اداره المعلومات

[sweety rooz]

المشاركة الأصلية كتبت بواسطة مرام العمري91 جزاك الله كل خير ممكن تحسبلي نسبتي لانه موعارفه احسبها معدلي التراكمي ٢.٤٩/٤ واختبرت استيب وحصلت ٥٨ واختبرت قدرات وحصلت ٦٨ وتخصصي في البكالوريس علم الحاسوب وتطبيقاته احسبلي اذا بقدم ع كليه الاقتصاد او اذا بقدم ع تخصص اداره المعلومات

والله مااعرف احسب المعدل من 4 ولا الاستيب ،، لان الشرح اللي حطيتو تبع المعدل من 5 بس ان شالله احد يفيدك من المتواجدين 💕🌸

[we_4]

المشاركة الأصلية كتبت بواسطة مرام العمري91 جزاك الله كل خير ممكن تحسبلي نسبتي لانه موعارفه احسبها معدلي التراكمي ٢.٤٩/٤ واختبرت استيب وحصلت ٥٨ واختبرت قدرات وحصلت ٦٨ وتخصصي في البكالوريس علم الحاسوب وتطبيقاته احسبلي اذا بقدم ع كليه الاقتصاد او اذا بقدم ع تخصص اداره المعلومات

كل التخصصين تتم المفاضله عليها كالتالي
- المعدل التراكمي 50%.
- اختبار القدرات للجامعيين 40%.
- مدى قرب تخصص المتقدم من تخصص البرنامج 10%


عشان تطلعين اي نسبة من المعدل او من درجه معينه تحسبينها ع هالاساس :
إذا كانت معدل : معدلك / المعدل الكلي * درجة النسبة
وإذا كانت درجه : درجتك / الدرجة الكلية * درجة النسبه

تماام ؟


بنطبق على درجاتك

نسبة المعدل : 2.49 / 4 * 50 = 31.125
نسبة القدرات : 68 / 100 * 40 = 27.2


المجموع =58.33

طبعاً المجموع من 90%
تبقى لك 10 هذي مو محددة، الكلية اللي مقدمه عليها تحددها لك وتضيفينها على المجموع


اتمنى افدتك وصل الله وبارك

[Ghazalh]

المشاركة الأصلية كتبت بواسطة we_4 كل التخصصين تتم المفاضله عليها كالتالي - المعدل التراكمي 50%. - اختبار القدرات للجامعيين 40%. - مدى قرب تخصص المتقدم من تخصص البرنامج 10% عشان تطلعين اي نسبة من المعدل او من درجه معينه تحسبينها ع هالاساس : إذا كانت معدل : معدلك / المعدل الكلي * درجة النسبة وإذا كانت درجه : درجتك / الدرجة الكلية * درجة النسبه تماام ؟ بنطبق على درجاتك نسبة المعدل : 2.49 / 4 * 50 = 31.125 نسبة القدرات : 68 / 100 * 40 = 27.2 المجموع =58.33 طبعاً المجموع من 90% تبقى لك 10 هذي مو محددة، الكلية اللي مقدمه عليها تحددها لك وتضيفينها على المجموع اتمنى افدتك وصل الله وبارك

طيب اختبار المفاضله ؟؟
و الا خلاص ملغي !!

[we_4]

المشاركة الأصلية كتبت بواسطة ghazalh طيب اختبار المفاضله ؟؟ و الا خلاص ملغي !!

لا ابد منو قال ملغي انا بس طبقت على التخصصين اللي هي ذكرتهم

اي تخصص ثاني فيه اختبار مفاضله حطيه بدل اختبار القدرات مع مراعاة النسبة من الاختبار
ونسبة الـ 10 ٪‏ لقرب التخصص

انا فقط كتبت طريقة حساب النسبه وكل تخصص تختلف فيه آلية المفاضله

وبالتوفيق يارب

[to0oni]

و مدى القرب لازم فيه شهادات ودورات والا عادي بس بالتخصص؟
يعني انا علوم اداريه ابغى ادارة اعمال ؟ بس ماعندي دورات ):

[sweety rooz]

المشاركة الأصلية كتبت بواسطة to0oni و مدى القرب لازم فيه شهادات ودورات والا عادي بس بالتخصص؟ يعني انا علوم اداريه ابغى ادارة اعمال ؟ بس ماعندي دورات ):

لا مدى القرب من التخصص تاخذين عليه عشر درجات كاملة اذا انك كملتي ماستر نفس تخصص البكالوريوس تبعك اما الدورات وكذا هذا شي اضافي ماله علاقة بقرب التخصص

[to0oni]

جزاك الله خير ع الرد
والله يكتب القبول في هذي السنه

[sweety rooz]

المشاركة الأصلية كتبت بواسطة to0oni جزاك الله خير ع الرد والله يكتب القبول في هذي السنه

آميين يارب العالمييين اجمعين ..