ممـ~ـكن تفيدوني بأسمـآء الكتب ....

[حنين الود]

مــســآء الخير للجميع.. اول حاجه انا من جد مبسوطه من هذا المنتدى بالمره هذي اول مره اكتب فيه اي شي مع انو فتره مسجله فيه ..
وحابه من جد افضفضلكم يابنات انا بعد عناء خلصت الرايتنق والريدنق وعيوني طلعت ..
ويكفي الرسوب والإفات الي اخذتها ..وانا ناويه اخذ كورسات بالصيف
وحاخذ أسماء الكتب الفونولوجي والفونتكس لأن المورفولوجي اخذته من مكتبه الأمين خلاص وماني متأكده من المواد التانيه بليز اذا في وحده اخذتها تكتبلي اسمها بأقرب فرصة.. عشان اشتريها من جده قبل ماأنزل عند جدتي في مكه بسرعه قبل لايخف الحماس الي نازل عليه فجأة..
اذا مافيها تعب عليكم .. ممــ~ــكن ؟؟

[DeepFeeling]

أختي حنين ،، تحيه عطره

المعذره على المداخله ولكن انا قرية كثير لردودك في المنتدى وتبين لي انك ماشاءالله تبارك الله فكرتك وشرحك واضح
وكثير اثناء عليك في الرد وعشان كذا حبيت يكون لك يد في مساعدتي ولك مني خالص الدعاء ،،،

الطلب وبأختصار عليك وبحسب خبرتك في المذاكره !! أبي تنصحيني بأسهل طريقه اذاكر فيها لمواد الانقليش وخصوصاً ( الرايتينق ) الإختبارات باقي عليها القليل ولاادري هل يستغرق وقت لكل ماده !!

أنا متأسف اذا بكثر عليك بس خذي وقتك في شرح افضل طريقه واتبعتيها في دراسة اللغه الانقليزية وكانت مجدية .!!

انشاءالله اكون وضحة المعلومة ..


واخيرا اتمنى لكي التوفيق والسعاده في الدنيا والآخره

احترامي

[حنين الود]

أول شي ياويلك من امبراطوره عشانك رفعت الموضوع انا مالي شغل
تاني شي انا قعدت مع بنات من المستوى التالت لقيت منهجهم بالمره اتغير صار عندهم الإعلان وماني عارفه ايش حسيت تهت معاهم بس لسى عندهم مقالات
بالنسبه للمقالات اهم حاجه طريقه الاستاذ في التصحيح والله لو عرفت اسلوبه يهون تعرف على ايش بيركز تهمه الافكار ولا لأ.. بس مو مشكله اهم حاجه ركز على مستواك يعني
الأغلاط الإملائيه اقتل نفسك ولا تغلط ولاتكتب كلمه الا وانتا متأكد منها في spelling
الشي التاني لازم تتدرب على مقدمه سهله وجملها لها معنى مرتب ممكن تغير فيه شي بسيط وينفع مع أي موضوع عشان لو انزنقت في الوقت تكتبها
غير كدا تكون فاهم علامات الترقيم يحتاجلك ساعه وحده بس فيها وبكذا تضمن كم درجه منها
حاول ماتكرر الكلمه لانو كل ماتكررها تنقص منك ربع درجه
حاجه مهمه انك تبدا تكتب الموضوع في ورقه خارجيه بعدين تكتب 3 او 4 او اكتر افكار حلوه وفيها كلام تقدر تصرف نفسك فيه وبعدها كل فكره اكتب تحتها فكرتين تشتمل عليها وبالطريقه دي يكون عندك 3 افكار رثيسيه وتحتها 3 افكار وجيب على كم وحده منها مثال لو كان نوع المقاله examle essay
وحاااااااااجه مهمه لازم تحفط في الخاتمه conclusion تكتب جمله تدل انها الخاتمه مثلا
to conclude دي الكلمه احسها اسهل وفي الكتاب كلمات تانيه تقدر تبدأ فيها الخاتمه وتسهل على نفسك انو الخاتمه تكون تلخيص للمقاله كامله عشان كدا خد فكره من كل جزء من المقاله مع تغيير الصيغه لو كان عندك وقت
نسسسسسسسسيييت شي مهم هوا ادوات الربط يعني that & which وغيرها حاول تستخدمها وكمان احفظ منها 6 عشان تستخدم 2 منها في كل بدي من المقالة ولاتكررها في نفس البدي
شي مهم انك تكون مركز وقت الامتحان في التكرار والاملاء والافكار وتكون متفاءل ولاااا تستسلم حاول تحب الموضوع وتكتب فيه وتفكر بالانجليزي صيغه الجمل اكتبها بالانجليزي افتكر الشي دا لانو مع الضغط كلنا بنفكر بالعربي ودا شي غلط

[حنين الود]

بالنسبه للمذاكره لبقيه المواد تاخد فكره عن الماده وتشوف مستواك فيها زي القراءه حاول تختبر نفسك ومستواك فيها وتشوف المنهج لو فيه كلمات احفظها لو مافيه خلاص بس حاول تقرأ قطع من النت وتجاوب على اسئلتها بطريقه سريعه
مواد اللغويات طبعا افهمها وحاول تقرا وتكرر عشان تحفظها بطريقه اسهل وقبل الاختبار باسبوع احفظها صم راح يسهل عليك لانو انت فاهم الكلام من الملخصات والترجمه يعني كلمه تصعب عليك ترجمها بنفسك وارجع للملخص واهم شي اسئله الأستاذ في الاترام الفايته ذاكرها احفظها وانا اشوف انو ماتلخبط نفسك عند اساتذه وملخصات كتير وزي كدا ركزز على شي خد فكره عن الكتاب وبعدين احفظالملخص وارجع اقرا بفهم وحاول تحفظ من الكتاب الأشياء الي ركز عليها الأستاذ واحفظ الاسئله وان شاء الله تنجح بتفوق
واهم شي وقبل كل شي ادعي ربنا واتوكل عليه ويهون كل شي ان شاء الله

[Reem.A.H]

اختي حنين انا حاليا ادرس الفونتكس والمورفولوجي اما الفونولوجي لسه
كتاب الفونتكس ملزمه في مكتبة الامين اتصلي اسألي قبل لا تشتريها
المهم الكتاب اسمه a course in phonetics(fourth edition)

ربي يوفقك واذا خلصت من كتابي ونجحت في الماده وحابه تاخذيه ماعندي اي مشاكل لانك تستاهلي

[حنين الود]

المشاركة الأصلية كتبت بواسطة reem.a.h اختي حنين انا حاليا ادرس الفونتكس والمورفولوجي اما الفونولوجي لسه كتاب الفونتكس ملزمه في مكتبة الامين اتصلي اسألي قبل لا تشتريها المهم الكتاب اسمه a course in phonetics(fourth edition) ربي يوفقك واذا خلصت من كتابي ونجحت في الماده وحابه تاخذيه ماعندي اي مشاكل لانك تستاهلي

يامجنونه الموضوع دا قديم مشكوره يادبدوبه ههههههههههه

[Reem.A.H]

ههههههههههههههه والله ايش اسوي احرجتيني يابنت الحين اشوف التاريخ قلت يحقلي من الخبصه اللي مسويها القسم في راسي شفت الموضوع فوق قلت اكيد جديد خليني ارد ياويلي احذفو الموضوع احس اني شي منحرج ههههههههه

[حنين الود]

المشاركة الأصلية كتبت بواسطة reem.a.h ههههههههههههههه والله ايش اسوي احرجتيني يابنت الحين اشوف التاريخ قلت يحقلي من الخبصه اللي مسويها القسم في راسي شفت الموضوع فوق قلت اكيد جديد خليني ارد ياويلي احذفو الموضوع احس اني شي منحرج ههههههههه

لاياحياتي اصلا امبراطوره شويا وتجي علينا وتحذفه هوا صح كان فوق معاكي حق تتلخبطي ياقمر روحي ذاكري