مين المسؤول؟؟

[shahrzad_01]

السلام عليكم.... اليوم كلامي ما أرجو بيه مساعدة أو تدخل..لكن أبغى الناس كلها تشوف وتسمع اللي تعتقد إننا نقوله مبالغة ... أبغى بس أحد يفهمني كيف جامعة بمستوى جامعتنا ترتكب أغلاط بهالكبر؟؟

أنا طالبة إدارة أعمال.. وهذا المستوى السادس ليا بالجامعة..ومن الترم الماضي طلبوا مننا تحديد المسار.. وحددت نظم معلومات إدارية..ونزل في أودس جنب التخصص إدارة أعمال-نظم معلومات إدارية ونزلت الأسامي بالشوؤن الأكاديمية وفرحنا مره..ومن هذا الترم نبدا ندرس ماده ما يدرسوها إلا نظم... يوم الثلاثاء في أول محاظره لهذه الماده وكانت tv...يعني مع دكتور... جات د/خديجة حريري.. (رئيسة قسم إدارة أعمال) كانت أول كلمة قالتها لما دخلت.. أنو حصلت غلطه وما راح تسأل غلطة مين.. بس الغلطه هذه لازم تتصحح (يعني لازم إحنا نتحملها) ..وقالت بالحرف إنو لا تفكروا التخصص هذا سهل لأنو يحتاج يكون معاكي لاب توب وتحتاجين برامج يوصل قيمة واحد منها لـ30 ألف ريال!!! والله يشهد إني ما زودت ولا كلمة على كلامها.. وإنو سعة القسم 40 طالبة إحنا 60 طالبة...يعني لازم تسحب تخصص 20 طالبة؟؟ متخيلين.. طبعا أخذت أرفع 40 معدل.. وأنا كنت من ضمن المطرودين.. لما رحنا للكلية واتكلمنا معاها قالت.. بصراحة أنا سعة القسم عندي 50 بس أنا مخليه 10 احتياط... يعني ايش احتياط يا دكتوره؟ يعني للي تجيني من مدير الجامعة والحالات الطارئة..

ماأضفت على كلامها ولا كلمة...ورحت لوكيلة الكلية....د/ نعيمة بوقري..وكان الرد نفس الرد..

أحد يفهمني إذا كنا إحنا الطلاب مو مهمين عند الجامعة ومو مهم إنت إيش خططت لمستقبلك ومو مهم إنت إيش بتبني في حياتك...رغم إنك ما بنيته على أحلام... بنيته على قبولك في القسم ونزول إسمك رسمي؟؟

[lucky]

شهرزاد
ترى كلامك رفع الضغط عندي الى 1550/2500
معقولة هذا يحصل في الجامعة
صراحة في يومين سمعت قصص طلاب بعضها مأساوي وبعضها يبكي
مساكين طلاب الجامعة الله يعينهم على هذي العقليات المترهلة والفوضى

اتمنى لك التوفيق واشاء الله نسمع اخبار ساره

[روجينا]

الله يعنيك

وربي يوفقك

[chocolata]

فعلا شي يعصب

ولو سعة التخصص 50 زي ماقالو ايش حيفرقو ال10 بنات الزيادة ؟؟

مااعرف ومااقول الا الله يعينكم

وموفقييين كلكم ان شاءلله

[موووودي]

اختي انا اخوي الكبير مسجل انتساب وحصلت له مشاكل بالقسم وراح قدم شكواه للعمادة

انصحك تخلين احد من اهلك ،، ابوك او اخوك يكتب مشكلتك بمعروض وتقدميه لعمادة القبول والتسجيل وان شاء الله اللي هناك ينصفونك ،، وبعدين سالفة 30 الف ريال ، هذي لو مع اي طالب بالجامعه مافكر يدخلها هههههههه كان اقرب معهد لنيوهورايزن ولا العالمية وسجل فيها ولا دخلها صناديق اسهم <<<<<< تفكير جهنمي



طيب لو تخصصتي محاسبه زي مو احسن <<<<<<<<< امزح :)

[الــغــريب]

انا انصحك ان بقية العشرين طالبة تجتمعو وتكتبو خطابات وترسلوها لمدير الجامعة

لان بصراحة عندنا في الجامعة ناس تخاف ما تختشيــــــــــــــــــــــــش

[جنى]

السلام عليكم
انصحك مثل ماقال السابقون بانك تقدمين شكوى انت ومن معك ولاتسكتين عن حقك وبالنسبة عن 30000 ريال هذه محاولة تطفيش وادخال الرعب في قلوب البنات لانهم بكل صراحة مايبغو يتعبو ا انفسهم في ادخال بنات كتير في القسم واخيرا لا تسكتي دافعي عن حقك

[جنى]

السلام عليكم
انصحك مثل ماقال السابقون بانك تقدمين شكوى انت ومن معك ولاتسكتين عن حقك وبالنسبة عن 30000 ريال هذه محاولة تطفيش وادخال الرعب في قلوب البنات لانهم بكل صراحة مايبغو يتعبو ا انفسهم في ادخال بنات كتير في القسم واخيا لاتسكتي دافعي عن حقك

[فتى الغربه]

يا اختي زهراد انا بأقولك ترى ما يضيع حق ورى طلابه
اولا-اتبعي نصيحة الاخوان فوق
ثانبا-اذا ما نفع شي خذي معاك كل ما يثبت وروحي الى ديوان المظالم والله يجتهدون الى اقصى جهد واذا طلع لك حق انشاء الله تأخذينه
بالتوفيق

[CrAzY]

تلاقيكي دحين اتخرجتي باذن الله ..

بس اذا انتي موجودة ياريت تقوليلنا ايش سار معاك