عندي مشكلة بالــ odus

[كلي احساس]

عندي مشكلة بالــ odus

كل ما ادخل رقمي الجامعي و كلمة المرور
يقولي خطأ في الرقم الجامعي او كلمة المرور

وضغط ع نسيت كلمة المرور وحطيت رقمي الجامعي والايميل
قالولي تم ارسال كلمة مرور جديدة ع الايميل .. وفتحت الايميل ما لقيت شي


ايش اسوي دحين ؟؟
واخويا جرب يدخل بحقو ودخل وحتى صحبتي برضو دخل


في احد برضو ما بيدخل عندو ؟؟

[*rainbow*]

ايوا ياقمر حتى أنا نفس المشكله،،

وعملت زيك بالزبط بس مافي فايده،،

مدري اش المشكله=(

[dalo90]

وانا كمان زيك مو راضي يدخلني

[كلي احساس]

يا ربييييييييييييييييييييه


عاد نصبر ونشوف ايش يسير

[سمووي 1989]

هذا الكلام مكتوب تحت خانة كلمة السر ..

نظرا لتفعيل نظام أمن الشبكة اذا كانت كلمة المرور الخاصة بكم اقل من 4 احرف يرجى استخدام رقم الهوية بدون اول رقم من اليسار في خانة رقم المرور

انا الحمدلله الباسورد مفلل الخآنآت :)
عشان كذا شغال عندي ولا تغير علي شي الا امس لانه ماكان يفتح مع الكل

[السراج]

طيب انا كلمت السر الجديده 9 خانات وقبلها كانت الاحوال

دحين لا الجديده ولا القديمه تشتغل والحل مع العلم انو الصبح اليوم دخلت بالقديمه اشتغل دحين لا

[كلي احساس]

حتى انا برضو 9 خانات كلمة السر حقتي

ومافتح معايا .. وجربت برضو رقم الهوية مع حذف اول رقم برضو ما فتح

[A N G E L]

حتى انا نفس المشكلة
انا الرقم الجديد مسويه 6 خانات
ومع ذلك جربت بطاقة الاحوال وبرضو نفس المشكلة
الله يعين

[تخصص 13]

ترى المشكله دي سايره للجميع

اتوقع بسبب انهم بيفتحوا حسابات للطلاب التحضيري الجدد فبيخرف الموقع والله اعلم

وضغط ع نسيت كلمة المرور وحطيت رقمي الجامعي والايميل قالولي تم ارسال كلمة مرور جديدة ع الايميل .. وفتحت الايميل ما لقيت شي

جربتي تشوفي في الجنك يمكن تلاقيها هناك

[A N G E L]

انا سوولي كلمة سر جديدة
وحطيتها برضو نفس المشكلة
الرجاء من الادارة اعلامنا بالمشكلة :)
وشكرا