كلية التربية ام الجامعة ايهما تختار؟؟

[Equilibrium]

سلام عليكم

اخواني اخواتي الافاضل

اختي مقدمه على الجامعة وموعدها يوم السبت ومسارها ادبي

هي تبغي قسم اللغة الانجليزيه سواء في الجامعة او كلية التربية

السؤال هنا هل تختار الجامعة ام كلية التربية ؟؟ مع العلم انهم الاثنين فيهم تخصص انجليزي طبعا بتتخصص فيه باذن الله بعد السنة التحضيرية؟؟

وش الافضل والامتع من ناحية دراسية مع الاخذ بعين الاعتبار الوظيفه لانها هي المحك في الاخير

انا الي افهمه ان الي في التربية افضل توظيفيا من ناحية التدريس في المدارس بعد التخرج

افيدونا ولكم جزيل الشكر

[حنين كلي حنان]

ياحلوه ماعد فيه شي اسمه كليه تربيه اتلغى النظام التربوي والي يبغى تربوي صار له سنه كامله ياخذها بعدين يروح يدرس
يعني الجامعه والكليه صاروا سواء من جميع النواحي
والله يوفق اختك يارب

[Equilibrium]

شكرا لتجاوبك اختي

طيب ليش يخيرونهم يعني بين الكلية والجامعة مادام الموضوع صار موحد؟؟؟

[عزة نفسي_تكفيني]

المشاركة الأصلية كتبت بواسطة equilibrium شكرا لتجاوبك اختي طيب ليش يخيرونهم يعني بين الكلية والجامعة مادام الموضوع صار موحد؟؟؟

مسمااها أصبح فرع الطابات وليس كلية التربيه لان التربوي أتلغى

يخيررروهم اذا تبي نفس مجمع الجاامعه او فرع الطاالباات حسب مااتبي اذا اقرب لهاا او اي سبب ثااني يخصهاا وبس ^_^

[Onster]

اللي أعرفه مآ في تخير

يعني البنآت اللي نبسهم عآلية في الجآمعة

واللي أقل في الكلية


مآتفرق من نآحية الشهآدة كلهآ وحدة

وكمآن الـ تربوي أتغلي

وهيآ تتوكلي على ربي وتصلي إستخآرة

[memo99]

كلو واحد

[memo99]

اعملي حادي بادي لا ياقلبي لاتشيلي هم كلوو زي بعض

[memo99]

اذا تبيغي طب ولا حاسب ولا هندسة ادخلي جامعة اما الباقي مايفرق

[عزة نفسي_تكفيني]

وعليكم السلام ورحمة الله وبركااته


هلا فيكـ أخوي

حاليا لا يوجد فرق بين الكلية والجاامعه جمييعها صاارت وحدهـ

في السابق كان يوجد فرق لمن كانت تربوي لأن كانت تدرس من ضمن الأربع سنوات المواد التربويه ومايحتاج انهاا تضيف سنه لذلكـ كانت تفضل في الوظيفة التدريس

أما الآن بعد مااتلغى التربوي أصبحت وحدهـ ومحتااجه سنه إضاافيه

غير هذا لا يوجد فرق

وبالنسبه للأخت onster النظام أختلف ولم يصبح الآن النسب الأعلى بالجامعه والأقل كليه أصبحوا يخيرووهم في هذهـ السنه

وهم لم يقصدوا في الماضي أن يتبعوا النسب لكن كاانت أماكن الجاامعه تكتفي قبل الكليه لهذا كانو يرسلوا البقيه للكليه

بسبب أن الطالبات للأسف يهتموا بالمبنى والمظهر وأنا شايفه وملاحظه هالوضع كثيير مع انه هذا كله ماايفيد أم شي الشهاادهـ والشهادهـ أصبحت وااحدهـ

والآن تم نقل الكليات لمجمع في الفيصليه وأصبحت مجمع مثل الجامعه ومبنى جديد ومنظم

فياأخوي مااتفرق هنا ولا هناا كلهاا أصبحت وااحدهـ وخلها تستخير واللي فيه الخير يصير

بالنسبه للسنه التحضيريه سمعت من الطالبات بأن في الكليه أسهل بحكم أن الدكتورات متعااوناات وقريباات للطالبات أكثر من الجاامعه

وهذا أنا أشهد عليه بحكم تجربتي بمقارنه مع صديقاتي بالجاامعه

والله يوفقكـ يارب انت وأختكـ

مودتي ووردي

[Onster]

آهآ طيب والله شيء حلو لو يخيروهم


طيب على كدآ الجآمعة أحسن لآنه فيهآ تخصصآت أكتر من النآحية الطبية والمجآلآت الطبية وهندسة الديكور ........إلخ

بس الكلية مجآلآتهآ محدودة نو عآ مآ ^.^ بس هيآ مآتفرق في الشهآدة

في الجآمعة كتير نسمع عن الظلم وإنه التصحيح آلي ومدي مشآكل

بس في الكلية التصحيح يديوي

وعن نفسي الكلية الدكتورآت مرة متعآونآت والحمدلله ^.^