حابه تتعرفي ؟؟ تعالي معايا شوفي (مقطع روووعه)

شموع32 · #1 05-08-2009, 01:32 AM

السلام عليكم

شفت مقطع معبر ومرره عجبني فيه معاني كثير ويصحح مفاهيم عند البنات

عاملين المقطع مجموعه من شباب وبنات جدة

هذا الرابط
http://www.4shared.com/file/41487548/298d3988/___.html

ياليت كل وحده تشوف المقطع تعيد حساباتها

عشان نعيش حياتنا صح وبفله ووناسه برضا ربنا : )

وفي النهايه اقول لكل انثى <====== انتي غاليـــــه لاتقبلي الا بالغالي والي يحطك جوة عيونه

وفاء جدة · 05-08-2009, 02:47 AM

جزاك الله خير أختي الغالية

متطلع · 05-08-2009, 02:49 AM

صار له سنة وشوية موجود على النت ، حبيت أعلق شوية على الفيديو:

المقطع جميل جدا ، وأخيرا قاموا الشباب يتحركوا ، طالما إن في شباب وبنات زي كدا فالأمة حتتحسن إن شاء الله . هم سووا اللي عليهم بس ترى في جزئية بسيطة ما ذكروها ، بعد ما الشاب أو البنت يشوفوا الكلام ذا ، يحرموا على نفسهم انهم يكلموا الجنس الآخر وهذا خطأ خطأ جسيم ، الإنسان لازم يكلم الجنس الآخر ذكر كان أو أنثى ، لأن لازم يكون في تفتح ودراية في المجتمع بين الجنسين . في عهد الصحابة كانت النساء تلقي محاضرات على الرجال وما كان في مشاكل بلهة ، أيام جدي وجد جدي كانوا يتكلموا عادي مع الحريم ، بس لما جاء التخلف والتعقيد وحرم على الرجل إنه يخاطب المرأة بدأت مشاكل الشباب تطلع ، صار لازم يضحك عليها عشان يكلمها وصار الشباب يتمادى ، زي حكاية الاختلاط ، أيام الرسول ( اللهم صلي وسلم على الحبيب المصطفى ) كان في اختلاط وأي أحد يقول غير كدا يصير بيفتي من راسه ، بس أيام الرسول كان في وعي !!!

يعني من الآخر اختصرلكم كلامي: يا بنات ، لا تكلموا الشباب إلا في حدود الأدب والوعي والفائدة ، حتسألوني كيف فائدة ؟ لأنه الانسان عنده حاجة غريزية إنه يكلم الجنس الآخر ، يعني كأنك تشرب موية ، لكن تشرب موية نظيفة ولا وسخة ؟ هنا السؤال .

مدري يمكن كلامي مو مفهوم لأنه في مليون شيء في راسي أبغى أطلعه لكن إن شاء الله يكون كلامي وصلكم...

حأكتبها تاني عشان لا تفهموني غلط: عادي إن الواحد يكلم وحدة أو العكس في حدود الأدب والوعي والفائدة ، والدليل على ما أقول: شوفوا الشباب والبنات اللي عملوا الفيديو ، كيف عملوه إذا ما اتكلمو مع بعض واتفقوا على عمله ؟؟

فاضية ومشغولة · 18-08-2009, 08:35 AM

يعني من الآخر اختصرلكم كلامي: يا بنات ، لا تكلموا الشباب إلا في حدود الأدب والوعي والفائدة ، حتسألوني كيف فائدة ؟ لأنه الانسان عنده حاجة غريزية إنه يكلم الجنس الآخر ، يعني كأنك تشرب موية ، لكن تشرب موية نظيفة ولا وسخة ؟ هنا السؤال .

لا يوجد في الإسلام علاقة بين الجنسين خارج نطاق الزواج، وقد نص القرآن الكريم على نهي النساء والرجال على السواء عن اتخاذ الأخدان بقوله: مُحْصِنِينَ غَيْرَ مُسَافِحِينَ وَلا مُتَّخِذِي أَخْدَانٍ [المائدة: 5].
لم ينهنا الله سبحانه عن اتباع الشيطان بل نهانا عن اتباع خطوات الشيطان فقال " و لا تتبعوا خطوات الشيطان" لأن الشيطان لا يأتي لابن آدم و يأمره بالعصيان بل يزين له الأمر و يغريه و يغويه حتى يقع في الحرام . ألم يقل لآدم عليه السلام " هل أدلك على شجرة الخلد و ملك لا يبلى " فهو لم يأمره بالأكل من الشجرة المنهي الأكل منها . و هكذا يفعل مع ذرية آدم

شموع32 · 05-08-2009, 03:08 AM

وفاء نورتي الموضوع : )

اخوي متطلع صح كلامك بس مو كل شخص يفكر نفس تفكيرك فيه شباب لو شاف البنت كلمته في اي شي يعتبرها تبغا منه حاجه او معجبه او من هذي الخرابيط

يعني من الاخير الافضل للبنت اذا تقدر تاخذ معلومه من بنت زيها يكون احسن

انا مو ضد انقطاع المعامله بين الجنسين بس تكون في حدود ومو مع الكل على حسب تفكير وادب واخلاق الي قدامك

دمتم بود