استفسار عن السكن في كلية التربية للطالبات المستجدات ؟!

[فاطِمه]

ســوري جداً ,, العــنوان لـ لفــت الإنتبــاه فقط ... [ لأني وبحق : أحتــاج مســاعدتكم :)


لقد تــم قبـولي بحــمدِ من الله ومشيئته في فرع البنات ومسـار علمي ,, وأنــا على يقــين تام بأني لو اســتطعت أن أتجــاوزه هذه السنه بـ معدل مرتــفع , سـ أصبــح دكتوره , ...
وليس هنــاك أولويه لبنات الجامعه أو إي اشاعه أخرى وضعت في المنتدى ,, لأني ( شخصياً ) تأكدت من الدكتوره أو المسئوله في الجامعه حين مراجعــتي ,,, حيث ردت ( الأولوية ستكون دائماً للمعدلات المرتفعه ,, إنتظام بالجامعه أو إنتقالي أو تأهيلي أو فرع البنات )
... عموماً : ليس هذا مطلبي ,, وغايتي من وضع هذا الموضوع ..

أنــا من المنــطقه الشــرقيه ,, وأحتــاج لـ سكن في جده .... ولكني لاأستطيع السكن في سكن الجامعه ,, فقيل لي بأني أستطيع السكن في سكن ( كلية التربيه ) ... لذا أرجوكم كل الرجــاء , كل من يعرف أي ملعومه تدلني على هذا السكن ,, ولو حتى برقم تلفون يرشدني لهم , لايبخل

ولــه مني خــالص الدعوات بالموفقيه .... ولاتنسى عزيزي إن ساعدتني ,, فقد ساعدت مؤمناً يحتاجك ,, وأجرك على الرحمن لن يضيع :)
مودتي ...

ملاحظه : أنا لاأتمنى السكن في سكن خارجي

[اشتيآآق الذكرى]

اول شي الف مبروك القبووول




وياليت اقدر اساعدك


بس للاسف مآعندي اي معلومه

وان شاء الله احد من الاعضاء يساعدك

[][_ غــــــيــــــر _ ][]

السلام عليكم ورحمة الله وبركاته ..

الله يعطيكـ العافية .. تم تعديل عنوان موضوعك ، آمل مستقبلاً استخدام عنوان واضح
يدل على محتوى الموضوع ليسهل الاجابة عليك وتوفير الوقت والجهد على الاخوة والاخوات ..

دمـــــــــــــ ـ ت بـــــــــــــــــــــــ ـود

[Mr.7maid]

سلام عليكم ..

أختي شفت أرقام كلية التربية " قسم الطالبات " أتمنى تفيدش ..

ممكن تتصلي عليهم ويفيدونش ..

سنترال الكلية (1)
:( 6439252)


سنترال الكلية(2)
:( 6437403/02)


العميدة :
الفاكس: 6437417
الـهاتف : 6437403


وكيلة الكلية :
الهاتف (مباشرة ) : 6440283
تحويلة : 1104- 1105


أتصلي عليهم وأستفسري عن كل الا تبغيه السكن وباقي الأمور ..

[دلوعـ أبوها ـة]

هلا حبيبتي ..
انا كمان انقبلت بفرع لبنات
وسجلت اسمي بسكن الكلية
بس ترددت اسكن هناك
لان كثير خووفوني منه
والله اعلم ..

اذا انتي لسة بجدة
تقدرين تروحين لكلية التربية
مقابل مستشفى عرفان
وراح يسجلون اسمك عندهم
ويعطونك خريطة تدلك على موقع السكن

عند الدكتورة : دلال القيعاوي
اول ماتدخلي كلية التربية بوابة 2
مقابل مسشفى عرفان
اسئليهم قولي لهم جيت عشان السكن وابي استاذة دلال
وراح يدلوك عليها على طول
راح تطلب منك بطاقتك الجامعية
وراح تسألك عن طموحك وشنو تبين
وبصرااحة معاملتها تجنن
وتدعي لك من قلب

وان شاء الله نجيب معدل مرتفع

:/
/:

تحيتي

واي استفسار .. حاضرة << اذا كنت اعرفه :$

[فاطِمه]

اشتيآآق الذكرى
الله يبارك فيك يقلبي .. ومرورك هنا يكفيني :)

][_ غــــــيــــــر _ ][
..... زعلانه منك خخخخخ

Mr.7maid
مشكور عزيزي ع هالارقام >> مدري كيف جبتها ,, أنا أدورها من زمان ... طلعت فنان هع هع
من بكره الصباح أنا بدق عليهم :) ,,

دلوعـ أبوها ـة
هلا فيك يحلوه ,, أنا كنت بروح في نفس يوم المراجعه ,, لكن .... ماقدرت لأن ع الـ وحده ونص قالو يقفلو فـ مامداني :) ورجعنا الشرقيه الساعه 3 .. :(
.... ابوي ( ولي الأمر ) مايقدر كل يوم والثاني يشد الرحال لـ جده خخخخخخ ,, يصير اسجل بالسكن قبل الدراسه بكم يوم ؟؟ ,, يعني مره وحده ... وقت إلا يوصلني هناك للدراسه > وإلا مو لازم حظور ولي الأمر ؟
وشكراً حبيبتي للمره المليون :)

[دلوعـ أبوها ـة]

دلوعـ أبوها ـة هلا فيك يحلوه ,, أنا كنت بروح في نفس يوم المراجعه ,, لكن .... ماقدرت لأن ع الـ وحده ونص قالو يقفلو فـ مامداني :) ورجعنا الشرقيه الساعه 3 .. :( .... ابوي ( ولي الأمر ) مايقدر كل يوم والثاني يشد الرحال لـ جده خخخخخخ ,, يصير اسجل بالسكن قبل الدراسه بكم يوم ؟؟ ,, يعني مره وحده ... وقت إلا يوصلني هناك للدراسه > وإلا مو لازم حظور ولي الأمر ؟ وشكراً حبيبتي للمره المليون :)

انا يوم رحت لهم .. ماسألوني ابوي معي والا لا
بس طلبوا بطاقتي الجامعية .. طبعتها مرتين ورجعتها لي
ومادام اخوي محمد جاب لك الارقام ..
ياليت تتصلي افضل .. وتسألي كل شي ودك تعرفيه اضمن لك
وانا كمان رجعت للشرقية الساعه 3 <<< شكلك كنتي معي بالطيااارة ههههههه

الحمدالله ع السلامة قلبووو
ربي يوفقنا كلنا ونااخذالطب بجدااارة يااااااااااااارب

بالتوفيييق للكل

وان شااء الله نلتقي بالكلية ونعرف بعض << ونصير اصحاب :d

[فاطِمه]

دلوعـ أبوها ـة
.. ممممممم , يمكن كنتي معي وماحسيت فيك هههه << إن شـــــاءالله نلتقي قريب ونصير اصحاب
بس تعرفي تطبخي ؟ >> ابي اصاحب طباخة في السكن لاني احب طبخ البيت خخخخخخ

,, خلاص بكره أدق واشوفهم ,, ويعطيك العافيه والله يوفقك :)

[دلوعـ أبوها ـة]

المشاركة الأصلية كتبت بواسطة فاطِمه دلوعـ أبوها ـة .. ممممممم , يمكن كنتي معي وماحسيت فيك هههه << إن شـــــاءالله نلتقي قريب ونصير اصحاب بس تعرفي تطبخي ؟ >> ابي اصاحب طباخة في السكن لاني احب طبخ البيت خخخخخخ ,, خلاص بكره أدق واشوفهم ,, ويعطيك العافيه والله يوفقك :)

هههههههه
والله كل العالللم تبي تصاحبني وتصير معي بالسكن عشان الطبخ
بس انا بسكن بسكن خاص برا
لاني خفت من سكن الجامعه .. على الكلام اللي سمعته
ومعانا بنات كثييير من الشرقية
ياليييت تجين معنا ونصير اصحاااب مع بعض

واعرف اطبخ شوية بس موكلش << :$
ومع الوقت والظرووف كلنا بنصيير طباخات
وانا بعلمكم اللي اعرفه :d

[فاطِمه]

مممممم ... انا وحده ,, ومعي ثنتين ,,
ونبي نسكن مع بعض ,, .. وين ذا السكن إللي تتكلمي عنه ؟
والأسعار كيف ؟ << يعني انا ابحث عن اسعار رمزيه هع هع
والسايق إللي يودينا ع الجامعه ,, تبع السكن لو حنا نبحث عنه >> أنا اخاف بصراحه ,, لأني مااعرف احد بجده ( غريبه تهئ تهئ ) خخخخخ
وشوكرن على تعاونك خيتو ... :)